عايز اروح سوق مدينة نصر ازاى ؟

**mrghost** · 27-06-2008 08:01 AM

السلام عليكم ورحمة الله وبركاته
انا عايز اروح سوق السيارات بمدينة نصر ياريت حد يقولى مكانة بالضبط علشان عايز اروح النهارده ان شاء الله ياريت طريقه من ناحية مصر الجديده وشكرا

**د.محمود صلاح** · 27-06-2008 08:19 AM

من الاوتوستراد خش شارع عباس العقاد على طووول وتعدى خط المترو و تكمل على طول وتخش شمال كانك رايح العاشر هتلاقيه بعد 5 دقائق بالعربية على يمينك وشمالك

**shalaby2001** · 27-07-2008 03:38 PM

انت لو هتيجى مدينة نصر من شارع النزهه تكمل طوالى وتعدى عباس ومكرم عبيد وتدخل من شارع أحمد فخرى "اللى فيه النادى الاهلى" اللى امام سيتى ستارز وده تجنبا لزحمة عباس ومكرم وتكمل فى الشارع لاخره وتعدى شريط المترو وتكمل برضه هتلقى مسجد السلام فى وشك فى اخر الشارع هتلف وتخلى المسجد على يمينك وتمشى500 متر هتبقى فى السوق
والله المستعان

**aif** · 27-07-2008 03:45 PM

يا حاج شلبي ...... الراجل زمانه راح وباع عربيته .... وراح تاني واشتري عربية تانية وتالتة ..... ده كان بيسأل من شهر فات ههههههههههههههه
انا بأضحك طبعا .... وعموما عشان لما حد يحب يروح مستقبلا يلاقي الوصف