هل تليين المحرك بالمصنع يغنى عن التلين بعد الاستلام

اللى حصل انى و انا بستلم اللانوس
بتكلم مع موظف المبيعات بخصوص
فتره التليين و معاد اول غيار زيت و معاد تشغيل التكييف
و الرد كان
ان محركات الشيفروليه لانوس بتليين فى المصنع بمعنى ان مفيش ضروره
لتليين العربيه اول 1000 كم و بعدين تغيير زيت التليين ( اول غيار على 5000)
و انى ممكن اتحرك بالعربيه لحد سرعه 120 بس بدون قرص على المحرك
و انى اقدر اشغل التكييف عادى جدا ( مفيش داعى انتظر ل 500 كم )


سؤالى هل تليين المصنع يغنى عن التليين العادى
و ان كان بيغنى بالنسبه للمحرك . طب هل فى اجزاء تانيه فى العربيه
محتاجه تليين اثناء سير العربيه زى الفرامل مثلا

الف مبروك يا باشا
ومتابع معاك موضوع التلين ..

الف مبروك

هو غالبا كلامه صح ومفيش داعي للحرق عالغيار

بس ارجع واقول لك مش هتخسر حاجة لو عملت اجراءات التليين العادي

خليك في الأحوط انت مش ضامن لينوه صح ولا لآ

ياباشا مفيش حاجة بتتلين اللا الموتور وقبل مابيتحط في العربية بيتجرب لحد آخره
وبعد مابيركب العربية كلها بتتجرب تاني

التليين بعد العمرة بس عشان بتبقى مغير فالموتور فكانوا واحد جديد متجربش

ده اللي أنا أعرفه

التزم بالتعليمان الي في اليوزر مانيوال
افضل حل
ومبروك علي السيارة
اخبارها ايه معاك علشان بفكر اغير واجيب زيرو

استعمل عربيتك عادى خالص... التليين دة للمكن اللى معمولة عمرة و فية شغل خراطة

استعمل الفرامل بحرص فى الاول لحد ما التيل يطبع على الطنابير

غير كدة مفيش

MMamdouh

لسة شاريها موديل 2013 بس اللي أتفاجئت بيه أن الماتور اللي راكب مش زي الماتور اللي كان راكب فعربية والدي موديل 2010 - دا حتى معاليهوش علامة مصنع الماتور و فالتوكيل ربنا يستر عليا و عليك فالصيانة بقى
أنا أول حاجة هسأل عليها هما بيضمنوا أيه فالعربية لأني شايف والدي كل ما يغيرولوا حاجة بحسابها و كمان هو عشان تاكسي صيانته كل 10000 لكن أنا ملاكي و صيانتي كل 5000 يا كده يا أخرج من الضمان مش عارف أكمل معاهم بقى عشان الضمان و لا ايه لما اشوف الأول هما ضامنين أية فيها لانهم شاكلهم كده مش ضامنين غير الماتور و يمكن كمان فيه كلام اسف للإطالة

الف مبرووك بالنسبة للضماان اعمل اول 10 ف التوكيل و ان شاء الله لو مظهرش عيوب يبقى اعمل الصيانات برة التوكيل :)

انا عايز اقولك يااستاذ طارق ان ات جيت على الجرح انا كنت متردد فى موضوع انى اغير انا كمان واجيب زيرو بس انت خلتنى بفكر اكتر فى الموضوع ده

اقتباس:

---

المشاركة الأصلية كتبت بواسطة tarek_2005

التزم بالتعليمان الي في اليوزر مانيوال
افضل حل
ومبروك علي السيارة
اخبارها ايه معاك علشان بفكر اغير واجيب زيرو

---

جميله جدا ٠ الكنبه الخلفيه اوسع بشويه من الجولييت اللى كانت معايا
بس قعده الكرسى الامامى فى الجولييت اريح و اوسع كمان القوايم بتحجب الرؤيه فى الدورانات
اكتر بشويه من الجولييت
صوت الموتور عالى شويه بس عجبنى
وعيوب التقفيل يعنى مثلا اوكره الباب الخلفى يمين ما بتفتحش من جوا
الكيلومتر اللى تحت امبارح كان قارى ٨٩٩ و فجاءه زود ٩ مع نفسه و بقيت القرايه ٩٨٩٩

اجمالا انا شايف انها كويسه