شويه مشاكل كده عالسريع

**mostafa mahmod** · 08-08-2012 07:09 PM

اولا كل سنه و انتوا طيبين بمناسبه رمضان اللى قرب يخلص :(
و العيد اللى قرب ييجى
ثانيا شويه حاجات كده قلت اجمعها فى موضوع واحد بدل ما نعمل 50 موضوع

1- لمبه الزيت مبقتش بتنور مع تانى تكه للكونتاكت ......... و الله انا مش فاكر هى بطلت تنور امتى انا اصلا كنت نسيت انها بتنور لغايه ما فى مره سوقت عربيه صاحبى لقيتها نورت مع الكونتاكت افتكرتها ههههههههههههه المهم بقى يا ريت حد يقولى اللمبه بايظه و افك العدادات علشان انا كمان عندى لمبه الحزام بتنور ساعات ساعات و مكسل اعملهم

2- فى صوت خنيق كده جاى من تحت العربيه و بيظهر اوى لو ماشى فى حته فيها عربيات راكنه و كان العربيات دى بتبقى بمثابه مكبر الصوت فبيتسمع جامد اه و بيزيد مع سرعه العربيه و ظهر لما رحت للميكانيكى كان بيظبطلى الفرامل الخلفيه

3-فيه رعشه على السلانسيه و بتظهر اكتر مع التكييف - معنديش ار بى ام - و لما بلمس سيكا بنزين بتروح ( بس مش رعشه مستمره ) عامله كان العربيه جسمها بيقشعر ثانيه و تروح و ترجع تانى و هكذا

4- بكره التكييف اللى بتظبط الهوا طالع منين انا عاملها على ان الهوا يطلع من الامام عادى ( اخر ظبته تحت ) انما بحس بهوا جاى من عند رجلى تحت و لما اجى احركها بتتحرك لفوق اختيار واحد بس مش بترضى تطلع للاخر و انا مش بحب اقرص عليها لتتكسر

5 - لما رحت للميكانيكى و قلتله عايز اغير زيت الفرامل قالى مش مستحب قلتله معلش غيرهولى قالى خلاص هات علبه معاك كبيره .. لما رحت للراجل علشان اشترى منه قالى متغيرهوش علشان الزيوت مبقتش كويسه دلوقتى و الفابريكه احسن انا اتجننت طبعا و قلت اسالكوا الاول و لو انى متاكد من انه لازم يتغير
6 - واحد صاحبى معاه لانوس برضه عايز يغير بلى العجل قلتله على skf فهل ده احسن حاجه و هل برضه التوكيل بتاعه جمب جريده الجمهوريه ......... صح كده ولا انا ذاكرتى مش جايه ؟؟؟

7 - و اخيرا ....... عايز ابدل العجل الامامى بالخلفى علشان التاكل و كده بس عندى فى العجله الخلفيه تقريبا ريجه كده او حاجه معينه فهل اروح لبريدجستون يعملوها ولا ايه رايكوا
و الف شكر للرجاله

**tarek_2005** · 09-08-2012 12:02 PM

مشكلتك انك عارف العيب وحله
لمبات العداد يجب فك العداد وتغير اللمبات المحروقة به
الصوت غالباً البلي الخلفي الراجل قرط عليه زيادة فبداء يتحرق
رعشة السلنسيه اما نظافة ايديل او تغيير بوجيهات
بكرة التكيف الواير بتاعها مقطوع او مكسور ركبه البلاستيك
زيت الفرامل هاته من مكان موثوق به وغيره
skf توكيله بجوار جريدة الجمهورية فعلاً
لو العجل الامامي سليم وبتقول عندك الخلفية فيها ريجة خلي الوضع علي ما هو عليه افضل

**MMamdouh** · 09-08-2012 02:13 PM

المشاركة الأصلية كتبت بواسطة mostafa mahmod

1- لمبه الزيت مبقتش بتنور مع تانى تكه للكونتاكت ......... و الله انا مش فاكر هى بطلت تنور امتى انا اصلا كنت نسيت انها بتنور لغايه ما فى مره سوقت عربيه صاحبى لقيتها نورت مع الكونتاكت افتكرتها ههههههههههههه المهم بقى يا ريت حد يقولى اللمبه بايظه و افك العدادات علشان انا كمان عندى لمبه الحزام بتنور ساعات ساعات و مكسل اعملهم

اللمبة بايظة و هتفك العدادات... اشترى لمبات سفاية

2- فى صوت خنيق كده جاى من تحت العربيه و بيظهر اوى لو ماشى فى حته فيها عربيات راكنه و كان العربيات دى بتبقى بمثابه مكبر الصوت فبيتسمع جامد اه و بيزيد مع سرعه العربيه و ظهر لما رحت للميكانيكى كان بيظبطلى الفرامل الخلفيه

غالبا عندك حاجة فى الشكمان... اكشف عند حد بتاع شكمانات مش ميكانيكى

3-فيه رعشه على السلانسيه و بتظهر اكتر مع التكييف - معنديش ار بى ام - و لما بلمس سيكا بنزين بتروح ( بس مش رعشه مستمره ) عامله كان العربيه جسمها بيقشعر

ثانيه و تروح و ترجع تانى و هكذا

لو بوجيهاتك و سلوك بوجيهاتك تمام التمام و البوابة و الايدل نضاف يبقى غالبا عندك قاعدة موتور وحشة

4- بكره التكييف اللى بتظبط الهوا طالع منين انا عاملها على ان الهوا يطلع من الامام عادى ( اخر ظبته تحت ) انما بحس بهوا جاى من عند رجلى تحت و لما اجى احركها بتتحرك لفوق اختيار واحد بس مش بترضى تطلع للاخر و انا مش بحب اقرص عليها لتتكسر

كلبس الواير بتاع البكة دى مكسور... فك لوحة التحكم و الزق الكلبس بامير او super glue و البكرة هتشتغل تمام

5 - لما رحت للميكانيكى و قلتله عايز اغير زيت الفرامل قالى مش مستحب قلتله معلش غيرهولى قالى خلاص هات علبه معاك كبيره .. لما رحت للراجل علشان اشترى منه قالى متغيرهوش علشان الزيوت مبقتش كويسه دلوقتى و الفابريكه احسن انا اتجننت طبعا و قلت اسالكوا الاول و لو انى متاكد من انه لازم يتغير

اشترى زيت ATE اللى فى العلبة الصفيح و متجيبش اى ماركة غير معروفة

6 - واحد صاحبى معاه لانوس برضه عايز يغير بلى العجل قلتله على skf فهل ده احسن حاجه و هل برضه التوكيل بتاعه جمب جريده الجمهوريه ......... صح كده ولا انا ذاكرتى مش جايه ؟؟؟

SKF احسن حاجة و توكيلة فى شارع معروف بالتوفيقية... دة بالنسبة للامامى

الخلفى فية Viaco المانى كويس و الاصلى موجود برضة بس بضعف تمن الViaco

7 - و اخيرا ....... عايز ابدل العجل الامامى بالخلفى علشان التاكل و كده بس عندى فى العجله الخلفيه تقريبا ريجه كده او حاجه معينه فهل اروح لبريدجستون يعملوها ولا ايه رايكوا
و الف شكر للرجاله

روح بردجستون هيعملولك الrotation و بيكلف 20 جنية تقريبا و لو معاك ستيكر المنتدى تاخد خصم 50%

MMamdouh

**tarek_2005** · 09-08-2012 02:51 PM

المشاركة الأصلية كتبت بواسطة mmamdouh

skf احسن حاجة و ت[bor=#1f0707]وكيلة فى شارع معروف بالتوفيقية[/bor]... دة بالنسبة للامامى

mmamdouh

شارع رمسيس بجوار جريدة الجمهورية
الي في معروف كلهم نصابين عدا وكيل فاج فعلاً هو وكيل اما الباقي كلهم نصابين ولهما توكيل ولا حاجة مجرد موزعين وبيجيبوا المضروب ويخلطوه بالاصلي وانتا وشطارتك بقي