يا خبراء الميجان الحقوني الحقوني الحقوني

**haithambob** · 09-08-2012 02:57 AM

يا حماعة بالله عليكم ساعدوني علشان مش عارف اعمل اية والله وزهقت وقلقان جدا علشان انا ساكن في اكتوبر وبشتغل في مدينه نصر .. انا معايا ميجان هاتش باك 2006 العربية اشغل التكييف واقف بيها شويتين تلاته العربية تسخن مرة واحدة غيرت يو بي سي وكتاوت علشان المروحة واشتغلت الدرجة التانية الحمد لله لكن العربية لما بقف بيها كتيير علشان الزحمة طبعا بتسخن مرة واحدة .. رحت النهاردة لواحد كشف بالكمبيوتر وقالي ان فية حاجة مكتوبه ( euc ) water temperature sensor انا مش فاهم حساس اية وده مقاومة ولا حاجة في علبة الفيوز يعني ولا اية ولو كده بيتركب فين واجيبة منين واستيراد ولا اية وبكام انا هتجنن بجد والراجل قالي ان ده حاجة مسؤولة عن دايرة المية علشان العربية متسخنش في لخبطة فيها ... يا جماعة ياريت الرد للي بيفهم في الموضوع ده انا بقالي كتير بدور في الموقع بتاعكو ومش لاقي اي حاجة عن الموضوع ده خالص .. ياريت الرد في اسرع وقت .. مشكوريييييييين ...

**حماده المصري** · 09-08-2012 03:22 AM

ده حساس حراره الميا

الله اعلم قصده بيه اييه الترموستات او في حساس للحراره تاني

اعتقد حد متخصص في رينو هينجزك

**haithambob** · 09-08-2012 03:30 AM

ايوااااااااااااااااااااا هو حساس حرارة الميا ده الله يخربيتووو ههههههههه بهدلني وربنا ده لو كان فية حساس حرارة مية اصلا يا حمادة باشا انتا متاكد من الموضوع ده ... طيب وده اصلا بيكون فين وحوار كبير ولا موضوع سهل
مشكور علشان ردك ياباشا :)

**exact** · 09-08-2012 06:27 AM

فكه ونصفه بسلك المونيوم بتاع المواعين وركبه تاني

**Mohd_Adel_Amin** · 09-08-2012 07:28 AM

كان عندي نفس المشكلة في الميجان 1 علشان الكهربائي وهو بيفكه كسره وركبه ثاني من غير ما يقولي ودوخني على ما عرفت المشكلة , منهم لله الصنايعية العكاكين
المهم اني غيرته بواحد استعمال بس مش فاكر كان بكام بس كان رخيص جدا اعتقد ب 50 جنيه او حاجة شبه كده ومن ساعتها والحمد لله المشكلة اتحلت وانتا ممكن تغيره بنفسك بس يفضل تخلي حد فاهم يغيره , وبالتوفيق ..

**M_samir** · 09-08-2012 11:51 AM

ياريت تقولنا غيرتو فين وبكام

**haithambob** · 09-08-2012 02:20 PM

المشاركة الأصلية كتبت بواسطة حماده المصري

ده حساس حراره الميا

الله اعلم قصده بيه اييه الترموستات او في حساس للحراره تاني

اعتقد حد متخصص في رينو هينجزك

هو ده يا حمادة باشا الي انا مش فاهمو يعني يا رجالة المشكلة في حاجة اسمها حساس حرارة المية ولا ترموستات ولا اية بالظبط علشان انا مش عايز اعك والناس تستفيد من الكلام الصح

**haithambob** · 09-08-2012 02:31 PM

المشاركة الأصلية كتبت بواسطة mohd_adel_amin

كان عندي نفس المشكلة في الميجان 1 علشان الكهربائي وهو بيفكه كسره وركبه ثاني من غير ما يقولي ودوخني على ما عرفت المشكلة , منهم لله الصنايعية العكاكين
المهم اني غيرته بواحد استعمال بس مش فاكر كان بكام بس كان رخيص جدا اعتقد ب 50 جنيه او حاجة شبه كده ومن ساعتها والحمد لله المشكلة اتحلت وانتا ممكن تغيره بنفسك بس يفضل تخلي حد فاهم يغيره , وبالتوفيق ..

كانت نفس المشكلة يعني برضو بتسخن مع التكييف لما بتقف والمروحة شغالة مفيش مشكلة و واليو بي سي متغير و كده يعني ؟ طيب انتا ممكن تقولنا اسم البتاع ده حساس ولا لية اسم تاني ومكانه فين في العربية ... وياريت تقولنا برضو العربية كانت بتعمل معاك اية ؟