بعد اذن اعضاء المنتدى الكرام انا كنت جايب العرية قريب هى 2002 ورحت لبتاع الزيت علشان اغر الزت وجبتله فلتر معيا لكن هو قلى مش هعرف افكه علشان مزنوق وبعدين رحت لمكانيكى وبص عليه وقلى هتلى جركن الزيت بكرة وانا ممكن اعرف افكه بصرحة ملقتش غير اصدقائى فى المنتدا علشان استفسر منهم
وانا اسف على الاطاله على حضرتكو
:rokeyrulez:
نورت يا باشا القسم و الف مبروك توتي و انضمامك لنسور السوزوكي
بس الفلتر مزنوق ازاي ؟؟؟ فكرتني بالفتي بتاع الميكانيكية الي بيقولوا الماروتي مفيهاش فلتر بنزين هي فيه عربية بتنزل فلتر بنزين ههههههه
ممكن عشان مجبتش حاجة من عند بتاع الزيت فمش عايز يعمل العربية شوفت محلات كتيير كده ميرضاش يعمل العربية لو جبت الزيت و الفلتر من برة و روحت ع التغيير عالطول
بخصوص مكان الفلتر حضرتك هتلاقيه تحت الموتور مباشرة في الشمال ورا الاكصدام الامامي و بيتم استخدام كلاب حاجة زي البنسة و مشبوك في اخرها افيس او جنزير عجل و بيحطه حوالين الفلتر و يفك و يركب
و خلي بالك من نقطة عند تغيير الزيت العربية بتاخد 3 الا ربع بتغيير الفلتر و لترين و نص من غير تغيير الفلتر
المهم بس يكون الفلتر اللي جبته هو هو اللي بيركب ع العربية و يفضل حاجة من الاتنين لو مش متأكد اذا كان هو الفلتر و لا لأ ياما تاخد القديم و تروح للمكان اللي بتشتري منه تجيبلك واحد و لا اتنين تشيلهم ياما تجيب من عند بتاع الزيت عشان يجيب علي القديم و بيكون عندهم انواع كتيير المصري فاك و الياباني و الالماني و الكوري خليك في الياباني ثم المصري الياباني ممكن يقعد معاك 10 الاف او تغييرتين كل تغييرة 5 الاف و المصري 5 الاف بس
و يا ريت لو تقولنا نوع الزيت و الفلتر اللي بتستخدمهم
ألف مبروك إنضمامك لأسرة سوزوكى
نرجو لك التوفيق والإستمرار فى المشاركات
وطبعا بالنسبة لموضوع فلتر الزيت ما نقدرش نزود كلمة على الكبير بتاعنا ربنا يخليه لينا يا رب .
كل عام والجميع بألف صحة وسعادة
اييه يا خويا ده فلتر زيت مش عارفين يغيروه امال لو جتلهم دبابة ولا مدرعه تغير زيت هيعملو فيها ايه هههههههه
نفس المشكلة حصلت معايا برده بس الحمدلله الراجل انتنطط ف العربية وعرف يوصلها هو رفع العربية من تحت بالكوريك ووصلها بس زي ما عمرو قالك لازم تاخد القديم معاك لازم علشان متروحش وتيجي
هو في ناس كتير بتقول على فلتر الماروتي انه مكانه رخم
وهو فعلا مزنوق بس مش لدرجة انه ميعرفش يفكه!!!
بيتفك عادي جدا وممكن كلام عمرو على انك مجبتش الزيت من عنده يكون فعلا عشان كده مش عايز يتعب نفسه...
عموما
لو حبكت خالص مالص ومحدش عرف يفكه بالطريقه التقليديه العاديه
الحل الثاني واللي بعتبر انه ضرب من الخزي والعار على الميكانيكي او فني تغيير الزيت هو انه يفك الاكصدام الامامي!!!!
وبالمناسبه
معانا ناس هنا مبيغيروش الا لما بيفك الصدام الامامي بس انا بأكد على انه من العار ان كل ما اجي اغير الزيت افك الصدام واكيد ده مش عيب في العربية انما الصنايعي اللي يعمل كده معيوب....
تحياتي
الف شكر ليكو كلكو وكل سنة وانتم طيبين
وانا على فكرة بحط زيت كاسترال كنت بحطه من ايام الادا
حصلت معايا اول ماجبت العربيه ولفيت عند كذا واحد بتاع زيت اول مايشوف الماروتي يقولي مبشتغلش فيها واللي يقولي معنديش الفلتر بتاعها
في الاخر اضطريت افك الاكصدام واغيره بنفسي ومن ساعتها بغيره كده حتي لو عار زي الاخوه بيقولوا بس انا بسهل علي نفسي مش اكتر
وحل معايا موقف ف الشاهين خسرت بسببه تمن جركن زيت
اللي حصل بعد مافكيت الفلتر مبصتش كويس وكان الجوان بتاع الفلتر القديم لازق ف الموتور وطبعا ركبت الجديد من غير ما اخد بالي واول مادورت لاقيت نافورة زيت من عند الفلتر والزيت كله نزل ع الارض