هل يمكن تبديل اسكاترا اسكورت 1300 عادة الى الباور ستيرينج والتى تكون بالزيتك 1600

**asamaha** · 09-08-2012 01:24 PM

السادة الاعضاء عندى سؤال محيرنى ، ومن وجهة نظرى هو مهم ، من المعروف ان الفورد الاسكورت 1300 كاربرتير علبة الباور الخاصة بها ( الاسكاترا) تكون عادة ، وايضا السارة الفورد الاسكورت 1600 زيتك بها باور ستيرنج ، ايضا موديلات الفورد فستيا تكون باور ستيرينج ، وهنا يكون السؤال لعباقرة الميكانيكا الاعضاء بالمنتدى هل يمكن تعديل الاسكاترا الخاصة بالفورد الاسكورت 1300 العادية وتركيب باور ستيرنج لها .

**asamaha** · 11-08-2012 02:22 PM

اين انتم يا عباقرة الميكانيكا ، يا جماعة حد يرد علينا انا شايف انو موضوع مهم ممكن ناس كتيير تستفيد منو وانا اولهم يا شباب

**aYaBooY** · 11-08-2012 10:19 PM

الي اعرفة ان فيه فرق في اماكن مسامير التثبيت بين العربيتين
بس فيه عربيات بتيجي استيراد 1300 و بيكون فيها باور و ديه مع البحث عند التجار ممكن تلاقيها مشكلتها انها قليلة
و هايتقالك انك صعب تعملها صيانة بعد كدة و ممكن متلاقيلهاش بديل بس فكك من الكلام ده لو باظت ابقي روح صلحها في شمبليون

**asamaha** · 12-08-2012 10:18 AM

يعنى انتى رأيك انى اروح ادور عليها واجيبها ؟ ويارييت اذا سمحت ممكن تقولى ادور عليها فيين ؟ واكون شاكر جدا لافضالك لو تقولى كمان لو فى حد يركبهالى كويس ولا اروح للميكانيكى اللى بتعامل معاة وخلاص وهيا ممكن يكون سعرها فى حدود كام ؟

**asamaha** · 25-08-2012 01:15 PM

طيب هوا مفيش اى حد جرب التعديل دا انا عايز اجربة بس ياريت حد يكون عملووووو ويدلنى ولكم تحياتى جميعا ...

**fawzyloza** · 10-09-2012 01:28 AM

انا بردو زهقت من الاسكترا العادية ونفسى اركب الاسكترا الباور وعايزين حد مجرب الموضوع ده ويقول التكلفة والصنيعى فين

**aYaBooY** · 10-09-2012 01:55 AM

الخلاصة يا شباب موضوع الاسكاترا للاسكورت لو لقيت الاسكاترا الي بتيجي على البودي بتاع الـ 1300 عند اي حد يبقي تجيبها بس هيا قليلة و نادرة او تشوف بقي انهي اسكاترا تركب مكانها

**fawzyloza** · 10-09-2012 11:14 AM

الف الف شكر على المتابعة بس لو ممكن اسعار الاسكاترا العادة كام لانى سألت عليها في الاسماعيلية عند الجعفرى قالى مفيش عنده الا التركى وعاملة 300 جنيه فكنت عايز حاجة انضف من التركى او لو حد جربها ولاقها كويسه يقولى او اسعار المستعملة كام