سعر نيو ماتريكس 90 و97

**hamlet76** · 27-06-2008 12:02 PM

شركة غبور اعلنت امس الخميس بدء حجز السيارة نيوماتريكس 2009 المانيوال بـ90 ألف والاوتوماتيك ب 97 ألف
هل يا ترى السعر ده مناسب؟؟؟

**bassam nagy** · 27-06-2008 12:44 PM

السعر يعتبر مناسب عشان يخلص الشكل القديم الية فى المعارض

**hamlet76** · 27-06-2008 12:48 PM

وطيب .. هل السعر مناسب لامكانيات السيارة؟؟ يعني مكتوب في اهرام اليوم الجمعة إنها 105 حصان وشوية تفاصيل بسيطة

**bassam nagy** · 27-06-2008 01:04 PM

الموتور هو هو الية فى الشكل القديم والعربية ماتغيرش فيها غير الربع الاولنى الكابوت والرفرفين والاكصدام والفوانيس الامامية اما باقى العربية زى ماهية

**hamlet76** · 27-06-2008 01:08 PM

معقول .. طيب ازاي موديل جديد من غير تكنولوجيا جديدة؟؟؟

**bassam nagy** · 27-06-2008 02:07 PM

تحديث فى الشكل الخارجى زى ماعملت التويوتا فى الكورولا من 2003 لحد 2007 تعديلات فى الشكل الخارجى

**hamlet76** · 27-06-2008 02:13 PM

لكن في سيارات بنفس السعر ده وأكثر قوة زي الاوبترا والسيراتو .. طيب ازاي هاتنافس العربية في السوق ؟ظ

**bassam nagy** · 27-06-2008 02:16 PM

مع حضرتك فى النقطة دى بس السيراتو والاوبترا سيارة سيدان اما الماتريكس mbv ومتوقع ان غبور يخفض سعرها بعد مايخلص الشكل القديم الية فى السوق

**mohamed_88sk** · 27-06-2008 02:19 PM

هو السعر عمتا بتاع الماتركس شايفه عالي لكن النيو غابور كده منزلها معقول لحد فعلا ما يخلص القديمه بعدين متهيألي حيعلي سعر النيو ....
بس مش عارف متهيألي النيو شكلها غريب شويه (فيه حاجه غلط) بس أحسن حاجه من شكلها أن الزجاج اللي ورا في الجانب بقى متماشي مع خطوط السيارة ..
متهيألي برضو شكلها من قدام الشبكه عامله زي تويوتا إيكو الهاتش..صح ؟

**MohabSaeed** · 27-06-2008 02:27 PM

السعر مبالغ فيه " باستهبال " الماتركس سعرها وصل فى فتره من الفترات ل 77 الف جنيه " وقت نزول الماتيرا " كنوع من انواع حرق السوق .

انما بالسعر ده الماتيرا تتفوق على النيو ماتركس فى كل شى " المحرك , المساحه الداخليه , جوده الخامات الداخليه " و نفس السعر .
العربيه ديه لو مرخصتش مش حتتباع . و لو اتباعت يبقى الى حيشتريها حاسبها غلط . " وجهة نظر "