افيدوني كباس النترا 2012

**ibnmoaz** · 11-08-2012 01:04 AM

المشاركة الأصلية كتبت بواسطة bakkarahmed

ده حساس التسقيف ( وليس حساس الكرنك) المسؤال عن توقيت الشراره يعني بالبلدي كده العربيات كان زمان بيبقي فيها سبراتير تقدم وتاخر منه الكهربا انما الحساس ده بيظبط توقيت الشراره والحمد لله ان المشكله فيه لان تغييره اسهل من تغيير كباس وممكن الفيشه بتاعته تكون عايزه تتنضف ..
اعراضه ان العربيه بتسقف مع اي دوسه بنزبن وبيظهر مع التكييف بالذات علشان الحمل عل الموتور بيزيد...
علي فكره استخدام البنزين المغشوش او بمعني اصح المخلوط ب 80 بيزود الحمل وبيبوظ الحساس ده
المشكله انه لو بايظ التسقيف هايزيد وده بيهلك الموتور لان توقيت الشراره بيكون مش مناسب( كانك ممشي العربيه بنزين 80) علشام كده غيره او نضفه في اسرع وقت

الله يطمن قلبك يا رب يطلع كده

**AHMED1718** · 11-08-2012 02:04 AM

انا مش فاهم ايه فتى الميكانيكيا ده

يعنى ايه مشكلة كباس وخلاص ؟

طبعا مش مشكلة كباس
التكه دى بتاعة الكباس اه بس دى طبيعي بتحصل لما بتشغل التكيف مرة واحدة او لما بيفصل ويرجع يشتغل تانى

**Land_Cruiser** · 11-08-2012 05:40 PM

الف مبروك على حل المشكله و نصيحه لحضرتك لو لاقدر الله حصل اى مشكله ما توديش العربيه لميكانيكيه و لا لمراكز كشف الأعطال و تضيع وقتك و فلوسك على الفاضى. طالما العربيه فى الضمان و حضرتك بتعمل الصيانات فى مواعيدها يبقى عليك و على التوكيل و خاصه ان العربيه موديل السنه يعنى الميكانيكى هيكون اتدرب على مشاكلها امتى و فين و ازاى؟ فى الاغلب هيكون بيفتى

**ibnmoaz** · 11-08-2012 05:55 PM

المشاركة الأصلية كتبت بواسطة land_cruiser

الف مبروك على حل المشكله و نصيحه لحضرتك لو لاقدر الله حصل اى مشكله ما توديش العربيه لميكانيكيه و لا لمراكز كشف الأعطال و تضيع وقتك و فلوسك على الفاضى. طالما العربيه فى الضمان و حضرتك بتعمل الصيانات فى مواعيدها يبقى عليك و على التوكيل و خاصه ان العربيه موديل السنه يعنى الميكانيكى هيكون اتدرب على مشاكلها امتى و فين و ازاى؟ فى الاغلب هيكون بيفتى

والله كﻻمك عين العقل

**toty_305** · 11-08-2012 09:23 PM

يا ريت أعرف مكان التوكيل اللي روحت له ( أبو رواش ولا العبور ....)

**ibnmoaz** · 12-08-2012 12:40 AM

المشاركة الأصلية كتبت بواسطة toty_305

يا ريت أعرف مكان التوكيل اللي روحت له ( أبو رواش ولا العبور ....)

ابو رواش وروح عند مهندس راجل بﻻش ستات عشان ماتتشلش

**ibnmoaz** · 12-08-2012 01:36 AM

اقولكم بالتفصيل...رحت ابورواش الساعه8الصبح لقيت حوالي 12عربيه مستنيه دخلنا الساعه 8وتلت ومكنتش حاجز بس بصراحه كنت مشدود جدا وعلي اخري وربنا يسامحني دخلت علي البنت في اﻻستقبال مكشر وقالتلي حاجز قولت اه طب رقم الحجز روحت ضاربلها اي رقم بس من السيريال بتاع اليوم كنت شفته من واحد جانبي ما طولتش وراحت مدياني رقم 2 وربنا يسامحني استغغر الله. المهم جه حظي مع مهندس محترم و اكتيف جدا اسمه بيشوي شوقي قلتله بالتفصيل علي الحكايه وطلع جرب معايا وقالي ما تقلقش اللي فيها هتعمل . وراجع اني بعمل الصيانات كلها عندهم كل 5الف كلم.واضح ان ده شرط تفعيل الضمان.خدو العربيه وبعديها بساعتين نزلتله تاني قالي جربو فيها كل حاجه والصوت لسه موجود قالي كده دا صوت في الكباس واحنا هنغيرو في الضمان بس لو موجود .جريت علي بتوع قطع الغيار قالي اخر واحد موجود بس هنشوف لو محجوز لحد وﻻ حاجه.قلت ربنا هيعاقبني علي الكدب بتاع الحجز ده ومش هاﻻقيه بس طلع ربنا كريم.ركبوه مع مهندس محترم اسمه مايكل في الورشه و شحن وكله تمام.والفلم دا خلص حوالي الساعه 3 بعد ما كنت استويت.روحت طبعا وشعلت التكييف وانا مروح و الحمد لله كله تمام التمام.العربيه اتظبطط وا
لتبريد تمام و مافيش صوت التكتكه ده وﻻ حول وﻻ قوة اﻻ بالله.بس بعد ما ركنت بافتح الكبوت لقيت الطبب بتاعت بلوف الشحن بتاع الفريون مش راكبين وموجودين تحت المساحات الحمد لله علي كده ركبتهم وخﻻص.وربنا يجعلها اخر اﻻحزان .علي فكره لما سالت المهندس بقولو هو ااعربيه دي مشمومه وﻻ ايه انت غيرت علبه دريكسيون في 10 اﻻف كلم وكباس دلوقتي هو فيه ايه قالي ابدا عادي جدا مش ظاهره عامه دي اقل عربيه فب الكﻻم ده بس هي ارف يعني قولتله اه طيب تمام.معلومه كباس العربيه دي بيبيعوه 5500 جنيه بدون ضريبه .الحمد لله علي نعمه الضمان.واسف لﻻطاله