الموضوع: افيدوني كباس النترا 2012

- أنا عندي rb عامله 9000 و من 1000 كيلو بسمع صوت و أنا ماشي و مشغل التكييف زي التسقييف بتاع الموتور كده
كل ما تدوس بنزين صوت كده تكتك كتير و غالبا بليه الكباس نفسه هي اللي كده
-قلت عليها ف صيانه 1000 و 5000 و قاللك مفيش حاجه أعمل حسابك محتاج تتخانق شويه عشان يهتموا بمشكلتك

المشاركة الأصلية كتبت بواسطة ibnmoaz

للاسف بقالي يومين حاسس بغربله في الموتور وانا واقف ومشغل التكييف كلمت الصيانه وحجزت ميعاد يوم اﻻحد.النهارده بقي سمعت صوت تكتكه من الكباس بتاع التكييف مع استمرار الغربله سالت واحد ميكانيكي قالي دا الكباس ده فيه عيب اطلع علي التوكيل وغيره في الضمان وﻻ حول وﻻ قوه اﻻ بالله.مع العلم ان التبريد زي الفل .حد حصل معاه حاجه زي كده وهل ممكن يغيرو الكباس في الضمان وﻻ هيصلحو بس افيدونا افادكم الله لحسن الواحد متعكنن قوي العربيه علي فكره النترا 2012 جميع الصيانات في التوكيل حتي هذه اللحظه 27000 كلم

متقلقش طول ما انت في الضمان انا حصل معايا مشكلتين السنتر لوك مكنش شغال وغيرولي المكنه بتاعته ومره تانيه كان في مشكله في السحب بتاع العربيه والحمد لله اتحلت فتقلقش خالص

متسيبش حقك وصمم ان انتى اللى تقرر ات المشكله اتحلت وعلى فكره كل التوكيلات كده .... استعباط وطلساه .

رحت النهارده عند مركز خدمه جنبي عنده جهاز كشف الاعطال حط العربيه علي الجهاز وراح قارئ ان في eror في حاجه اسمها knock sensor انا شخصيا معرفش ايه ده وهو كمان شكله مش عارف المهم طبعلي ريبورت من الجهاز وشكرته ومشيت . لو حد عارف اي معلومه عن السينسور ده يشاركنا وانا شكلي مش هصبر ليوم الاحد هطلع بكره ان شاء الله الساعه 8 هبقي هناك في التوكيل. اسألكم بالله الدعوات لحسن الواحد متعكنن جدا

المشاركة الأصلية كتبت بواسطة ahmedcar

ده حساس الكرنك لازم تغيره باسرع و قت هو سبب الصوت دهو الصوت ده يبقى صوت تسقيف من داخل غفه الاحتراق و بيظهر لما تشغل التكييف بسبب ان التكيف بيكون حمل على الماتور

والله كلام وجيه انا ان شاء الله هطلع علي التوكيل بكره ومش هشغل التكييف لغايه ما يتحل الموضوع ده بفضل الله دعواتكم