طلب من رجال قسم الهيونداى .. ايه رأيكم فى فيرنا اوتوماتيك مستعملة ؟!
الاصدقاء و الزملاء رجال قسم هيونداى الكرام ..
كل سنه و انتم طيبين و ربنا يعود عليكم الايام المباركه دى بالخير و البركات ..
عندى سؤال لو تسمحوا : ايه رأيكم فى السياره فيرنا اوتوماتيك ؟!
اخويا معروض عليه عربيه فيرنا اوتوماتيك موديل 2007 بحاله جيده (صاحبها اللى بيقول) عامله 110 الف كيلو متر و معمول لها صيانات دوريه فى توكيل غبور بقليوب و الصحراوى من صيانه الالف و حتى الـ 80 الف كيلو و الفواتير معاه و بعدها مكمل عند ميكانيكى هو يعرفه فى مدينه نصر بيقول كان شغال فى التوكيل و فتح ورشه
العربيه دى تسوى كام بما يرضى الله ؟!
هل يفرق فى سعر السياره انه تم تغيير لونها من الذهبى الى الاحمر النبيتى (اللون مثبت على الرخصه احمر) ؟!
هل فيه مكان او مركز معتمد (غير التوكيل) يمكن فحصها فيه فحص شامل قبل الشراء بسعر كويس (لا يتجاوز 100 جنيه مثلا) بأمانه و يقولنا لو فيها اى مشكله ؟!
هل الفتيس الاوتوماتيك بتاع الفيرنا كويس و اعتمادى زى بتاع الالنترا و الماتريكس ؟!
طبعا مش هاسأل على قطع الغيار لانى عارف ان اسعار قطع غيار الفيرنا اقرب للفيات لكن هسأل لو الفتيس الاوتوماتيك باظ (فى اسوأ الظروف لا سمح الله) سعره كام جديد و استيراد ؟!
شكرا مقدما للمساعده ...
