عندى مشكله عند الضغط على الفرامل على سرعه عاليه

**limo** · 10-08-2012 03:25 AM

السلام عليكم ورحمه الله وبركاته
عندى مشكلتين فى العربيه
الاولى وهيه وانا ماشى على سرعه عاليه من 130 الى 150 او اكتر واجى ادوس فرامل بسمع صوت حاجه بتورور من ناحيه العجل الامامى مش عارف اوصف الصوت بالضبط بس ممكن يكون صوت احتكاك تقريبا
الثانيه العربيه مخنوقه جدا على السرعات العاليه من 100 فيما فوق
العربيه لانسر بومه 1600 اوتوماتيك موديل 2008 ماشيه 62000الف كم
اخر صيانه كان عند 53 الف كم اتغير فيها زيت وفلتر والى قلبيها كانت عند 43 الف كم واتغير فيها كل حاجه معادا سير الكاتينه وفلتر البنزين يعنى فلتر البنزين ماشى 62 الف كم

**momo44** · 10-08-2012 04:18 AM

المشكلة الاولى من الطنابير
بها ريجة
حلها حاجة من اتنين
تخرطها او تغيرها

**khalid_adel** · 10-08-2012 07:12 AM

بتحك يعني بتصفر يعني تيل فرامل بايظ او داخل فيها تراب
ولا قصدك بتترج يعني طنابير محتاجه تتغير او تتخرط
وبالنسبه للصيانات دي ياريت تهتم بيها شويه لانك واضح انك مش بتصينها خالض وطبعا العربيه تتخنق
فين فلتر البنزين فين فلتر الهوا فين بوجيهات كل ده محتاج يتغير وشوف الكاتينه عندكو بتتغير على امتي بالظبط

**khalid_adel** · 10-08-2012 07:14 PM

معلش انا فهمت منك العكس اصل كان في واحد اعرفه كده وساعتها قفشت معاه وقولتله انت ازاي سايب عربيتك كده حرام عليك
المهم كده المشكله الاولي تيل فرامل ولو صوت الصفاره مستمر مش بيروح لازم تغيره عشان ميبوظش الطنبوره حرام
المشكله التانيه انا شايف انك تكشف عليها كمبيوتر الاول عشان لو مكنش فلتر بنزين نقدر نحدد السبب بدقه اكتر لان ليها 100 سبب

**salah_86** · 11-08-2012 12:57 AM

سحب العربيه متوقف على اكتر من حاجه بس الحاجات الاكيده اللى لازم تعملها
تنظيف البوابه وحساس الايدل
تغيير فلتر الهوا
البوجيهات

ولو عربيتك اوتوماتيك لازم تغيير زيت الفتيس

**limo** · 11-08-2012 02:11 AM

[QUOTE=salah_86;3874471348]تيل الفرامل عاوز يتغيير وعن تجربة لانها حصلت معايا قبل كدا كنت مركب التيل الاخضر من توكيل الرواس وفجأة لقيتة خلص على 12100 كم وطبعا مكنتش اتوقع ابدا انه يخلص فى مدة قصيرة كدا بس ارجع واقول انا بسافر القاهرة كتير[/QUOTE
انا برضو مركب التيل الاخضر بتاع التوكيل
بما انك بتسافر كتير زى حلاتى هل سمعت صوت عالى لما بتكون على سرعه وبتفرمل ولا مفيش صوت
انا التيل عندى بصيت عليه فاضل فيه الربع تقريبا عامل معايا لحد لدوقتى حوالى 19 الف كم والمره الى فاتت غيرته على 23 الف كم