ماذا تفعل اذا صدمت شخص بسيارتك ؟؟( تجربة واقعيه )

**tom_gr** · 04-10-2010 02:24 AM

حرام عليكم وجعتولى بطنى والله على الليل واعصابى باظت وقمت شربت سيجارة علشان انسى شويه الساعه اتنين بليل

والله العظيم خوفت جدااااااا

وفعلا مش عارف هاتصرف ازاى لو حصلى الموقف ده

اصل انا بكل اسف خايب واهبل وعبيط وعايش فى زمن ( اسف يا فندم - اتفضل حضرتك - فداك الدنيا المهم انت - الشجاعة - والشهامة ) والكلام ده

بس انا متفق تمامااااااااااااااااااااا اااااااا مع كل واحد قال انه يخلع لو هو مش غلطان انا مش وش بهدله ومش بعرف اتعامل مع الناس دى

**A7medelfe2y** · 01-12-2015 02:52 PM

انا حاسس اني محبط ومفيش امل ومخيب الامال من اول ما قرأت الموضوع

**lamada** · 02-12-2015 12:23 PM

المشاركة الأصلية كتبت بواسطة جمال

بنتى كانت سايقة عربيتها و كانت جديدة فى السواقة لكن بتسوق كويس و بحرص
كانت واقفه فى اشارة و بعد الاشارة مافتحت اتحركت يادوب لقت واحد مرمى ادام العربية و معاه شوية ادوية مبعثرة على الارض متعرفش طلعلها من فين
طبعا اتخضت و نزلت تشوف ايه , قبل ماتنزل واحد سايق جنبها قلها ماتنزليش ده موجود هنا علطول وبيعمل الحركة دى كل يوم و انا حافظه , والناس كلها شتمته
اتضح انه محترف فى الحكاية دى وبيعمل زى نور الشريف فى فيلم ( نسيت اسمه ) بس الحق يقال كانت الحكاية دى قبل فيلم نور الشريف , يعنى هو صاحب السبق

نفس اللى حصل معايا فى اسكندرية و سيبته و مشيت ولا عبرته

**eng محمد** · 02-12-2015 03:38 PM

معاك حق والله

**hossamgaber** · 03-12-2015 12:50 PM

مع إختلاف الأراء بخصوص إن الواحد يجري ولا يقف بالعريبه . إمبارح 2/11/2015 الساعه 6:30 صباحا . عربيه صدمت زميل ليا في الشغل وهو بيعدي شارع التحرير في الدقي ورايح علي الشغل . وطلع يجري بعد كده .

المهم إن زميلنا ده حصل ليه كسر في الجمجمه ونزيف داخلي . ومن إمبارح وهو في العناية المركزه لحد دلوقتي في غيبوبه كامله بين الحياة والموت ..

شاب يعول أسره وعنده طفلين , بسبب سواقه متهوره . سواق أنهي حياة أسره من غير تحمل أي نوع من المسئوليه .. هل ده شيء طبيعي ؟؟ وفعلا هل اللي عمله ده هو الصح ؟

برجاء الدعاء لأخوكم المصاب في هذا الحادث بالشفاء . شكرا