-
البنزين
يا جماعه المواضيع كلها في المنتدي بتاكد ان صفيحه البنزين ال ٩٢ بتعمل ٢٠٠ كيلو في الزحمه
انا عندي اللادا مابتعملش اكتر من ١٤٠ في الزحمه بس بنزين ٨٠ هو ده كده عيب ولا كله كده
انا اه بتعمل ٢٠٠ ك بس عالطوالي لكن في الزحمه الفظيعه دي اللي في القاهرة لا خالص
فانتوا ايه اللي بيحصل معاكوا في اللادا
-
الصراحة ده افترا مش اكل بنزين بس
اكيد حضرتك مأخر الكهربا زيادة عن اللزوم وده اللي بيسبب الحرق ده وهتلاقي ماسورة الشكمان عندك لونها اسود فاحم
-
مش افترى ولا حاجه
عربيتك كربراتير مش انجكشن
ده استهلاك طبيعى جدا فى الزحمة بالنسبة لسيارة دفع خلفى بتكنولوجيا قديمة نسبيا
شوف الموضوع ده
تقريبا معدل الاستهلاك متقارب مع الشاهين
http://www.nilemotors.net/Nile/289202-a.html
-
لا ده طبيعي لان اصلا ده مابقاش بنزين ...ده سبرتو ..جرب كده املا جركن وحدد علامه معينه وارجعلو بعد يومين كده هتلاقي البنزين قل ..وبعدين لو انت كاربرتير العربيه في نص البلد ومافيش زحمه يعني الجو معقول هتعمل معاك حوالي 170كم وطبعا مع زحمة القاهره 140 معقوله جدا بس اوفرلك تشتري موتسكل لان كده خراب بيوت والله المستعان
-
يا جماعه العربيه لادا ١٩٨٥ كربراتير وانا منضفه زي الفل ومرتاحله جدا ومفيش ريحه بنزين في. الشكمان ومفيش عندي اكتر من ان شويه بنزين بيطلعوا من الفايظ لما بملي التانك انا هغير فلتر الهوا احتياطي
-
استاذي الفاضل العربيه اولا واخيرا مايتحكمش عليها في نص البلد ..عليك وعلي طريق فاضي لو فعلا عاوز تتأكد
-
علي الطريق زي الفل انا رحت بيها سوهاج خدت ٥٠ لتروالمسافه كانت حوالي ٥٠٠ كيلو
-
بس خلاص تبقي هي كده زي الفل ومتلعبش فيها ..انا العربيه كانت زي الفل ورحت لعبت في الكاربرتير وندمت والواحد اكتشف انه ممكن يستحمل اي حاجه مقابل انه يبعد بيعد عن الصنيعه لان دول مخربين مش مصنيعن
-
لو على الطوالى 10 ك فى اللتر يبقى كويس و ابوس ايدك بلاش حد يلعب فيها
-
Content Relevant URLs by
vBSEO 3.6.0 PL2