دعوة لكل ملاك الريو الجديدة
كل واحد معاه الاميرة الكورية الجديدة الريو يدخل يقولنا حكايتة وينضم لينا ويقول رايه فى العربية بشكل عام ولو رجع بيه الزمان هيجيب الريو تانى ولا لا ؟؟؟
ياريت لو كل واحد يقدر يقولنا جاب عربيته بكام ويرفعلنا صور ليها ويقولنا اكتر حاجة بيحبها فيها
انا شخصيا اختر حاجة بحبها فى العربية زجاج السيارة الخلفى شكلة شيك جدل وكمان تصميم الشننطة الخلفية جامد جدا
على فكرة انا مصمم معمارى
والاهم من كل ده يعرفنا بنفسة
فكره جميله وربنا يباركلك فى عربيتك يا بش مهندس انا مهندس كمبيوتر
انا معايا ريو 2012 خليجي جايبها ب 112 الف و اكتر حاجه بتعجبني فيها تصميمها الداخلي الفخم و الخارجي الشبابي :) و موتورها الناعم
ايه يا جماعة فين بقيت الناس وفين الصور عايزين نشوف كل الى معاه ريو فى مصر معانا هنا
صور موجوده في كل مكان يعني هي هتختلف من واحد للتاني كلهم ريوهات هههههههههههههههه
انا معايا الريو من شهرين او شهر ونصف مش فاكر وهي سيدان هاي لاين توكيل اشتريتها بسعرها المعروف بتاع التوكيل 122 الف
اللي شدني في العربية حاجتين الاولى الامان فيها مع مقارنتها في العربيات مثيلتها عربية فيها abs و ebd و 2 ايرباج
تاني حاجة التصميم الداخلي والخارجي تحس وانت فيها انك راكب طيارة بس مشاكل العربيات الجديدة كلها حاجة واحده انك مش شايف العربية وانت راكب رغم اني طويل ورافع الكرسي على الاخر فعلشان كده بخاف عليها في الركن وكده ونفس المشكلة دي مع كل العربيات الجديدة زي الالنترا وغيره
لو رجع بيا الزمن هشتريها طبعاً هشتريها وتوكيل برضه لانه فعلاً محترم جداً يكفي انه بيتصل يسأل على العربية وكام وصلت للعداد علشان اول صيانة لاني عموماً بمشي بيها قليل معايا "لوجان" بكسر فيها فكان طلبهم اني اروح لهم بعد 4 شهور للصيانة الاولى حتى لو مكملتش الالف كيلو
فعلاً تستحق انها تاخذ جوايز افضل تصميم وافضل جودة مقابل السعر
صراحة فكرة حلوة جدا جدا على الاقل لو في مشاكل ظهرت لقدر الله نبقى متابعين مع بعد وننشر الحلول واماكن الصيانة النضيفة ده بالاضافة الى تقييمات الاداء على مراحل .. شكرا يا amr
في الاول منور يا هندس بس ياسيدي انا اشتريت ريو 2012 من سمير ريان بعد تعب كتير وتفكير عميق بينها وبين النسيان الصني الجديدة وبين الاكسنت اربي وبعد فترة انحصر الخيار بين الريو والصني الجديدة وبعدين بسسب مواعيد وكيل النسيان استخرت الله وبعد ما كلمتك ع الموبايل انت وم . هادي قررت اشتري ريواقتباس:
المشاركة الأصلية كتبت بواسطة amrtoti
انطباعاتي عن العربية ( مع اني لسه بلين عامل بيها 300 كم فقط )
السلبيات الي انا شوفتها لغاية دلوقتي
1- الفئة الي انا شاريها تاني فئة سعودي المفتاح بتاعها مفهوش ريموت وده مضايقني اوي
2- بحس بشوية سخونية في الجزء الي من فرامل اليد الي مكان الي بيتحط فيه الفلاشة وان كنت بحس بيها اوي وقت الذروة في الحر
3- حاولت اشغل التكييف وكان ضعيف وده ممكن عشان لسه بلين لاني متاكد انه يتحسن اوي بعد التليين
4- مريات العربية صغيرة شوية
5- العربية عشان ملهاش بوز تعباني شوية في الركنات والغرز بس ابتديت اتعود
6- العربية بس ان هي بتعمل شبورة علي الازاز من جوه معرفشي ده من ايه من الجو ولا من ايه
الايجابيات
1- العربية ناعمه جدا جدا جدا (موتور وعفشة مع العلم ان الكاةتش عندي طاسات مش جنط )
2- شكلها شيك اوي من بره
3- خاماتها الداخلية جيده جدا جدا
4- تصميم التابلوة والانوار مع بعضها مفيش اروع من كده
5- عزل العربية ممتاز
6- النظام الصوتي بالسيارة متوسط بس في الموديلات الاعلي ملهوش حل
7- الباور بتاع العربية مشفتش زيه قبل كده ولا حتي في السيراتو او الالنترا القديمة ناعم اوي اوي اوي بطريقة تخوف شوية
8- الثبات مع اني لسه بلين بس للاسف كان فيه مكان علي الطريق الزراعي كان لازم اقرص شوية عشان اعدي من عربية جمبي العربية جمعت لغاية 150 كم في مده قليلة اوي وثبات رائع رائع واعتقد ان ثباتها يعلي عن كده لو فيه جنوط
9- البنزين كنت خايف منه اوي اوي بس انا باكد ان العربية تعتبر اقتصادية في البنزين انا مشي بيها علي الزراعي مصر اسكندرية وجوا القاهرة كانت رائعة جد في الاستهلاك خصوصا بدون تكييف وعلي فكره 300 كم الي انا عملتهم والتنك عندي تحت النص بشرطة واحده
10- اضائة العدادت رائعة جدا
دي ملاحظاتي علي الربية لغاية دلوقتي لو في حاجه جديدة هضيفها انشاء الله وبالتوفيق للجميع واكرر شكري للمهندسان ( عمر و هادي )(معماري وكهربا)
اقتباس:
المشاركة الأصلية كتبت بواسطة lenovo
على ايه يا استاذ هادى تحت امرك
انا كمان عايز ادعوك وادعو كل الى معاه العربية اننا نتقابل جميعا فى مكان نقعد مع بعض وكل واحد يقول الى عنده اكيد هنلاقى حجات كتيرة كل واحد فينا ميعرفش جزء منها وكمان ممكن نحدد مركز الصيانة الى كلنا نتابع عنده والموضوع ده ليه ايجابيات كتيرة جدا انشاء الله
انا تقريبا حددت المكان الى ممكن يساع الناس بمكان ركنه امن ومحترم لكل الناس الى عايزة تشارك وانشاء الله بعد العيد ندعو الناس
وعايز حضرتك لو الموضوع ده عاجبك تدعمة معايا لافادة الجميع وانفسنا انشاء الله
اقتباس:
المشاركة الأصلية كتبت بواسطة mazika838
اما اشوفك هظبطك فى كل الى مضايقك
وهنشوف حل لكل المشاكل دى الى متعتبرش مشاكل انشاء الله
مشكلة الريموت دى محلولة
وموضوع الجنط انا رائى انه لابد منه وكمان انت بتسافر والجنط مهم اوى فى السفر بس اصبر شوية
وياباشا لا شكر على واجب
انا موافق علي اي مكان تحدده بس المهم الميعاد انشاء الله يكون بعد العيد ونعمل حساب المهندس هادي عشان مواعيده لانه شغال في مكتب وزير الكهربا ومواعيده مش حلوة حبتين بس انشاء الله نظبط يوم ونتقابل فيه وده يكون شرف ليا ان اقابل شخصية محترمه زيك يا باشمهندساقتباس:
المشاركة الأصلية كتبت بواسطة amrtoti
يا فندم الشرف ليا
انشاء الله بعد العيد نتكلم فى الموضوع ده
اقتباس:
المشاركة الأصلية كتبت بواسطة 2code
الف شكر يا فندم على الرد
للتوضيح
الهدف من الصور هو جمع معلومات اكتر عن كل فئة وكمالياتها وسعرها
لتكن النتيجة ان اى حد ممكن يدخل على الموضوع يعرف كل الفئات الى الناس جابتها شكلها عامل ازاى وسعرها ايه ومواصفاتها ايه
يعنى اشتريها و مش هندم ؟؟؟ انا بفكر فى الهاتش باك اعلى فئه.