اولا كل عام وحضرتك بخير
بص بقى حضرتك بالنسبه للعيوب اللي انا قولتها على الالنترا 2012 دي كلها عيوب حقيقيه وده رأي تقريبا كل الناس اللي جابوها كانو متوقعين انها افضل من كده بكتير بس بصراحه طلعت شوربه زي ما حضرتك بتقول وانا عن نفسي لو بفكر اجيب عربيه ليا عمري مهجيبها بعد اللي انا بسمعو عنها
تقولي حضرتك طيب وانت عايز تجيبها ليه لما انت قرفان منها كده قوي ( وايه اللي رماك على المر )
اجاوب على حضرتك واقولك اني انا جبت العربيه البرسونا علشان اشغلها في شركه واخد منها عائد شهري زي ماناس كتير بيعموا الموضوع ده دلوقتي لكن بعد لما جبت البيرسونا رئيس مجلس إدارة الشركه طلب ان العربيات كلها اللي تشتغل في الشركه تكون النترا 2012 فعلشان كده انا عايز ابيع العربيه البيرسونا اللي بصراحة ربنا رقبتها بـ 100 عربيه النترا 2012 ولو انا مش معايا عربيتي الشخصيه كنت أخدتها ليا علطول من غير تردد بس فلوس العربيه البيرسونا رأسمال
شغلي وانا جالي ناس محترمين كتير من المنتدى ومن اصدقاء اعضاء في المنتدى وكلهم عارفين موضوع العربيه بتاعتي
ويا باشا متزعلش قوي اني بقول عيوب الإلنترا __ الإلنترا اجدع عربيه في مصر هههههههه
وكل سنه وحضرتك طيب وكل الاعضاء الكرام بأحسن صحه وحال يا رب