النوبيرا - فرق شاسع فى استهلاك البنزين بين وسط البلد والطريق السريع!!!

فى البداية كل سنة وانتوا طيبين
عربيتى دايو نوبيرا اتوماتيك 2005
بقالى فترة ملاحظ إن العربية بتاكل بنزين جامد فى وسط البلد والزحام ومع تشغيل التكييف احيانا لدرجة انها ممكن تعمل 120 كم فى الصفيحة او اقل مكنتش بحسب !!! قولت كدة لازم احسب الاستهلاك بالظبط واقولكم عشان اعرف المشكلة فين ، رحت فولت النهاردة وطلعت عالطريق السريع بدون تشغيل التكييف ومتوسط سرعة مابين 80-100 والطريق كان فى مطبات كتير كمان ، فضلت ماشى لحد ما عملت 100 كم ورحت مفول ومصدقتش لما لقيت العربية خدت 6.5 لتر فقط!! يعنى المعدل تقريبا 300 كم فى الصفيحة!
والسؤال هل كدة انا عندى مشكلة والا ده العادى؟ معقولة الفرق فى الاستهلاك يبقى متفاوت بالشكل ده! مع العلم انى لسة مغير بوجيهات والعربية بتدور على طول ومفيش دخنة ولا مشكلة فى السحب
برجاء الافادة وشكراا

عندى نفس الكلام مش رعاف دة اية

كل العربيات كده بس الرقم مش بينزل لدرجه 120 كيلو في الصفيحه الا لو قاعد اليوم كله في الزحمه بدون مبالغه

بس عموما لو العربيه بتاخر معاك في الدواره غير الرشاشات برشاشات هيونداي او اوبل لان كده كده رشاشات الدايو وحشه

نفس اللى حصل معايا بالمللى
130 كيلو و 140 كيلو فى الصفيحه
لحد ما جالى مشوار سفر وكنت خايف بسبب الاستهلاك الشنيع دا
اتفاجئت اما المعدل بى طبيعى 200 فى الصفيحة

واضح انها مشكلة عامة
طب لو غيرنا الرشاشات (مع انها سليمة يعنى) المشكلة مش هتتحل؟؟

عربيتك زي الفل
والاستهلاك بيتقاس في السفر
وبسم الله ما شاء الله استهلاك عربيتك في السفر ممتاز
اما في البلد النوبيرا فعلا سفاحة بنزين
انا عربيتي بتعمل 130: 140 كيلو في الصفيحة البلد

ملهاش علاقه بالرشاشات
ودا عيب البلد لان الزحمة بقت فظيعه
انا قريت ان كل دقيقه بتوقفها فى الزحمة بتستهلك بنزين كانك مشيت 750 متر

والتكييف اعتقد بياكل ضعف الاستهلاك!؟

لو واقف في اشارة معدل الاستهلاك الطبيعب بيبقي لتر بنزين لكل ساعة انتظار

نفس الحورات دى عاندى بنفس معدل الاستهلاك على السريع 6 لتر /100كيلو وجوة البلد سفاااااااااااااااااحة بنزين

نفس اللى عندى ..جوة البلد بتعمل من 6.5 ل 7 كيلو فى اللتر الواحد ..يعنى تقريبا 140 فى الصفيحة
برة البلد كانت 14كيلو فى اللتر الواحد فى نفس الفترة يعنى 280 كيلو فى الصفيحة
لكن من وقت قريب بقت بتعمل 12 كيلو فى اللتر على الطرق السريعة
وحاليا ماشى من غير حساس البوابة فبشم ريحة بنزين مش محرق جامد ..يعنى شكلها بتلهط بنزين

كل ماسمع واحد معاه لانسر او ياريس 1.3 بيحكى عن الاستهلاك جوة البلد ببقى عايز اعييييييييييييييييييييييط :_Alshmokh11:

اقتباس:

---

المشاركة الأصلية كتبت بواسطة elshreef_hemo

كل ماسمع واحد معاه لانسر او ياريس 1.3 بيحكى عن الاستهلاك جوة البلد ببقى عايز اعييييييييييييييييييييييط :_Alshmokh11:

---

LOL
ماخبيش عليكم ..باحقد عالناس دى :d :d

بتقارن اكل عصفور باكل دكر بط
ياراجل حرام عليك

اقتباس:

---

المشاركة الأصلية كتبت بواسطة tarek_2005

بتقارن اكل عصفور باكل دكر بط
ياراجل حرام عليك

---

ودكر بط من اللى قالبك يحبهم

اقتباس:

---

المشاركة الأصلية كتبت بواسطة tarek_2005

بتقارن اكل عصفور باكل دكر بط
ياراجل حرام عليك

---

ههههههه دا مش دكر واحد..دى مجموعة دكّرا :)