الموضوع: استفسار !!!!!! لملاك السيفيا ( السيفياويه )

1- هو الفانوس الامامى لونه اصفر شويه من جوه فهل هو بيتفك و يتنظف ولا بيتغير و سعره كام و اجيبه استيراد ولا الصينى ؟

لو عندك الفانوس الاصلى حرام تبدله أنت ممكن تفكه ويتغسل أنا عملتها مرتين وبيرجع زى الفل تانى

الاستيراد باين عامل 250 جنيه للجوز اما جديد بيتهيألى فى حدود 150 جنيه مش فاكر قوى

3- التابلوه شكله عاااار طالع من عند الهوايات و شكله هيلف و يبلعنى و انا سايق
ناس كتير معاهم العربية دى قالتلى ان دى مشكله عامة فهل لها حل و لو فى حد بيصلحه يا ريت تقولولى فين و يتكلف كام

هى فعلا دى من اشهر عيوب السيفيا لكن دلوقتى التابلوه ممكن يتصلح.... فى واحد فى الملك الصالح مشهور اسمه جمال مهران بيعرف يصلح تابلوه السيفيا واظن بتبقى مصنعيته فى حدود 140 جنيه

شكراً يا باشا جداً للاهتمام و ياريت لو معاك نمره جمال مهران
او لو فى حد اقرب علشان انا من مصر الجديده

وياريت لو تقلى افك الفانوس ازاى علشان ناس كتير قالتلى انه مبيتفكش علما بان المشكله من داخل الفانوس ياعنى الباغه من جوه هى اللى عايزة تتنظف

و شكراااااااا

شكراً يا باشا جداً للاهتمام و ياريت لو معاك نمره جمال مهران
او لو فى حد اقرب علشان انا من مصر الجديده

حضرتك هو للاسف مش معايا الرقم بس لو عملت بحث عليه فى المنتدى حتلاقيه إن شاء الله

وياريت لو تقلى افك الفانوس ازاى علشان ناس كتير قالتلى انه مبيتفكش علما بان المشكله من داخل الفانوس ياعنى الباغه من جوه هى اللى عايزة تتنظف

هو الفانوس بتفكه كله من العربية وبعدين حتطلع كل الاسلاك واللمبات اللى جواه فحتلاقى فتحة تدخل جواها ماء باريال وتفضل ترج جامد وبعدين تدلقهم وتدخل جواه ماء بس لغاية اما ينزل كل الصابون وتسيبه ينشف وشوف الفرق