الموضوع: فك شاشة المعلومات ومنفذ هواء التكييف

السلام عليكم أنا عندى شاشة المعلومات فيها سطر ناقص مش عارف يكون إيه دا عيب فى الشاشة نفسها ولا عيب فى سلوك الداتا اللى رايحة ليها المهم قلت أفكها
وطريقة الفك نبدأ بسم الله

Shot at 2012-08-10
كان عندى مفك قديم دخلته ومقص من الناحية اللى جمبه زى ما هو فى الصورة كدا ورفعت لفوق طلع معايا الغطاء بالشاشة للعلم محتاج ضغطة قوية شوية فناخد بالنا إننا ندخل سن المفك الأول لجوا شوية وبعدين نرفع عشان منجرحش التابلوه
بيترفع معانا بالشكل دا

Shot at 2012-08-10
ممكن نلاقيه بيترفع من جمب وجمب لأ نيجى فى الجمب اللى مش راضى يترفع برضه بالمفك وبنفس الطريقة لفوق هيطلع
فيه فيشتين رايحين لشاشة المعلومات ولمبة الحزام والإيرباج بيتشالوا عشان نطلع الشاشة اللى هى أس الموضوع أنا عايز أغيرها متهيقلى الشاشة مينفعش معاها تصليح لو هى اللى بايظة

Shot at 2012-08-10
المسمارين اللى فى الصورة اللى فوق نفكهم لو عايزين نطلع منافذ هواء التكييف اللى كان بيقول عليها الباش مهندس هشام ولا معرفش بالظبط حضرته كان يقصد إيه


Shot at 2012-08-10