المشاركة الأصلية كتبت بواسطة deee
مساء الخير ..
انا راكب 206 بقالى 4 سنين ..
الاخ freakoz
قال حاجات انا متفق معاه فيها وحاجات لأ ..
بالنسبة لقطع الغيار .. هى غالية شوية .. بالنسبة للفئة بتاعتها ..
بس مش لدرجة اعلى من مرسيدس وبى إم وسعت اوى منك دى ..
قطع الغيار فيه منها فعلاً مش موجود إلا عند التوكيل ..
انا لسه مغير طقم دبرياج ب650 جنيه ..
بس للأمانة حاجاتها بتعيش ..
وبصراحة العربية إتحملت منى حاجات ممكن مكنتش تستحملها عربية زى الكورولا واللانسر والحاجات المتداولة دى ..
بصراحة انا مركبتش الاتوماتيك بتاعها ..
بس المانيوال كويس .. ولو ركبت عربية 1400 اوتوماتيك بيتهيألى هتبأه تمام اوى وأدائها هيعجبك ..
بالنسبةلل206 وان ممكن اجيب بفلوسها لانسر .. فالعربية دى فئة ودى فئة وفرق السعر اعتقد ان مش كل الناس هتقدر عليه ..
أما الافيو .. فحرام عليك ..
تركب افيو ولا بيجو .. اعتقد فرق كبير من حيث الشكل والجوده ..
وراحتك وإنت راكب العربية نفسها ..
بالنسبة لإعاده البيع ..
انا عرضتها قبل كده للبيع .. وفيه ناس فعلاً كلمتنى كتير
بس انا متفق معاك ان سوقها مش زى اللانسر والكورولا والهيونداى والناس دى ..
بس فى الاخر تراجعت بس عشان بجد مهانتش عليا ههههههههههه ..
أكتر حاجة ممكن تلفت نظرك للعربية ..
موتورها بجد استحمل معايا ..
ساعات كانت العربية راكب فيها 6 أشخاص وشغالة زى الفل ..
عربيتى 1100 ..
العفشة ناعمة جداً وبتستحمل ..
الثبات على الطريق ممكن متلقهوش فى عربيات اعلى منها فى الفئة ..
فى الاجمالى يعنى .. العربية محترمة ..
ثم تعالى هنا .. إزاى العربية إنت مش طايقها للدرجة دى وتقعدها معاك 6 سنين !!
كان ممكن تتخلص منها حتى لو هتركب حاجة اقل ..
عموماً بالتوفيق .