محدش بيبيع عربية مريحاه الا نادرا
محدش بيبيع عربية مريحاه الا نادرا
ربنا نجاك منها. هو كمان نادرا ما هتلاقى حد كاتب الحاله الفعليه للسياره و يجب عدم الانخداع بمظهر البائع لانه احيانا بيبقى اسلوب لخداع المشترى
ياااه احمد ربنا انه نجاك منها
فكرتنى بموضوعى ده
http://www.nilemotors.net/Nile/300458-a.html
أشكرك اخى الكريم على طرح التجربه وجزاك الله عنا خيرا
علي فكره مش شرط انه نزل السعر ان العربيه بايظه او فيها مشكله انا نزلت في سعر عربيتي من 116 ل 110 ل 105 لاني محتاج ابيعها ومحتاج فلوسها.
احيانا بيكون اللي جي يشتري عايز ياخد العربيه بالرخيييييييييييييييييييي ييييييييص اوي ولو الواحد مستعجل وعايز فلوس بسرعه بيكون الحل انه ينزل في السعر عشان ربنا يكرم ويبيع
ربنا يكرم الجميع اللي عايز يبيع واللي عايز يشتري
شكرا ليك على انك سردت تجربة معاك بكل صدق
وعلى فكرة بلاش تطاوع الشيطان الى بيجيلك ويقولك كنت خدتها ومش مشكلة كنت هتصرف بس هتركب اوكتافيا اصل انا جربتة قبل كدة
بتفكرني حضرتك قبل ما ابيع العربية الاسترا بتاعتي
رحت للميكانكي بتاعي و صرفت الاتي
صلحت الكمبرسور عشان مكنش فيه استيراد زيه و شحب فريون ( 300 جندي)
سيور الكاتينة اتغيرت و معاها طقم البلي كلو ( مع انه لسه كان فيه روح - عملت بيه 30000 فقط ) ب 400 جندي
غيرت قربة الميه و حطيت ميه خضراء و كوعة الميه و غسلت الرادياتير 220 جندي
غيرت فلتر بنزين و تكييف و زيت ( 250 جندي )
غيرت زيت فتيس كلو بزيت شل
و كشفت كمبيوتر و كان في عطل و تم اصلاحة
و غير الكا كير و الرفايع و صرفت اجمالي قرب 3000 جنيه بس عشان لو بعت العربية و فيها مشكلة مش هنام من القلق و عدم راحة البال
والله العربية نزلها اعلان و اتباعت بعدها بساعتين
و مش مستني الادعوة حلوة من المشتري لما يشوف اللي عملتوا يقول ربنا يكرموا صاحب العربية
و الحمد لله ربنا وفقني في نيسان صني صاحبها محافظ عليها اكتر من عربتي كمان صحيح انا اتخميت في 2000-3000 في النيسان بس الحمد لله العربية الحالة متتعوضش
و الحمد لله
و فعلا نصاحيك في محلها و ربنا يكرمك بعربية كويسة
الحمد لله ان حضرتك ما وقعت فيها ... مش المهم الفلوس الى ادفعت , لان خسارتها منعت عنك خسارة اكبر بكتيييييي
كلامك صحيح اضف نقطة مهمة جدا جدا جدا
لازم تاخد حد معاك بيفهم زيك او اكتر منك
عشان لو نسيت تبص على حاجه هو ياخد باله منها
ولو انت سحرتك العربية هو يفوقك ويقولك عيوبها
وحبذا لو واحد محترف اعرف ناس تبص على العربية من بعيد تجيبلك تقرير أولي عنها
عاملة حادثة او مركبة ربع او العفشة بتاعتها تعبانة او واخدة كم خبطة
غير لما يقرب منها يجيبلك كل حاجه بالتفصيل
لان المستعمل مغامرة وفي ناس بتحب تستعبط وتصورلك تخيلات