الموضوع: تقرير معاينة سيارة مستعملة: الدروس المستفادة والخسائر

المشاركة الأصلية كتبت بواسطة ahmedsrs

محدش بيبيع عربية مريحاه الا نادرا

وخصوصا لو كان فيها كل الكماليات إلا لو كان محتاج فلوس ولا حاجة

المشاركة الأصلية كتبت بواسطة land_cruiser

ربنا نجاك منها. هو كمان نادرا ما هتلاقى حد كاتب الحاله الفعليه للسياره و يجب عدم الانخداع بمظهر البائع لانه احيانا بيبقى اسلوب لخداع المشترى

تمام ودي نقطة أنا نسيتها .... طبعا كان متشيك جدا وذوق جدا ... بالمقارنة بناس قفلت التليفون في وشي كذا مرة وأنا باتكلم في التليفون بعد ما باعت عربياتها منهم واحد هنا في المنتدى كان كاتب لدواعي السفر وبعد ما باع عمل إعلان مطلوب كذا طبعا موديل أعلى

المشاركة الأصلية كتبت بواسطة amrelsaqqa

ياااه احمد ربنا انه نجاك منها
فكرتنى بموضوعى ده
http://www.nilemotors.net/nile/300458-a.html

الحمد لله ..
موضوعك جميل وتقريبا نفس التجربة بالمللي ...

المشاركة الأصلية كتبت بواسطة احمد سويلم

أشكرك اخى الكريم على طرح التجربه وجزاك الله عنا خيرا

عفوا أخي الكريم

المشاركة الأصلية كتبت بواسطة engtmk

علي فكره مش شرط انه نزل السعر ان العربيه بايظه او فيها مشكله انا نزلت في سعر عربيتي من 116 ل 110 ل 105 لاني محتاج ابيعها ومحتاج فلوسها.

احيانا بيكون اللي جي يشتري عايز ياخد العربيه بالرخيييييييييييييييييييي ييييييييص اوي ولو الواحد مستعجل وعايز فلوس بسرعه بيكون الحل انه ينزل في السعر عشان ربنا يكرم ويبيع

ربنا يكرم الجميع اللي عايز يبيع واللي عايز يشتري

أنا قلت كده برده وخصوصا بعد ما عملت سيرش على نمرته في جوجل ولقيته عامل إعلان عن سيراتو ب 80 ألف فقلت يبقى هيبيع الاثنين ويجيب كارينز مثلا أو فانتازيا ... وسألته في الموضوع ده وعرفت إن هي عربية واحد صاحبه وإنه هيبيع علشان الشركه هتديله قرض وهيشتري فانتازيا ... كل ده طبعا قبل ما اكشف

المشاركة الأصلية كتبت بواسطة syd

شكرا لنقل التجربة
المستعمل بيخدع للأسف
والحمد لله انك ما شتريتش لأن الألماني لو متبهدل بيبقي وحش اوي

الحمد لله
أنا كمان قررت أجيب عربية أقل من طموحي لكن نضيفة أفضل ما أجيب أعلى من إمكنياتي لمجرد الطموح لكن زبالة وهتكرهني في الدنيا واللي فيها.

رايح اشوف عربية تانية النهارده الساعة 2... دعواتكم معانا يا شباب ... العربية في زهراء المعادي وهاكشف عليها في بنزينة موبيل اللي في شارع تسعة ... أنا هابدأ المشوار من دلوقت لأني باسافر من المنصورة ... هه ... استعنا على الشقى بالله ... يا مسهل يا رب .. توكلت على الله