معايا رينو لوجان ٢٠١٠ مانوال فول اوبشن و عاوز اعمل صيانة ٣٠ كم .. يا ترى تكلف كام ؟؟ و بيتعمل فيها ايه ؟؟ و برضه الكاوتش بيتغير كل كام كيلو ؟؟ و الف شكر و رمضاان كريم
معايا رينو لوجان ٢٠١٠ مانوال فول اوبشن و عاوز اعمل صيانة ٣٠ كم .. يا ترى تكلف كام ؟؟ و بيتعمل فيها ايه ؟؟ و برضه الكاوتش بيتغير كل كام كيلو ؟؟ و الف شكر و رمضاان كريم
صيانة ال 30 الف زى ال 10 بالظبط ......يعنى تغير زيت و فلتر ......تقريبا فى حدود +_ 500 جنيه بعد اضافة العمالة
و كل سنة و حضرتك طيب
ال 30 زي العشرة بالضبط يعني
زيت + فلتر زيت
تربيط عفشة + كشف فرامل + كشف على التكييف لو طلبت
بتزيد عليها فلتر البنزين لو عربيتك فيها فلتر بنزين وده بحوالي 60 جنيه
مفيش فيها فلتر هوا ولا بوجيهات عشان بيتغيروا كل 20 مش 30
الف شكر ليكوا يا رجالة و هو ده المتوقع من وحوش رينو
بس محدش قاللى الكاوتش بيتغير على كام .. مع ملاحظة انه مشاويرى خفيفة بالعربية ؟؟؟
و كل عام و انتم بخير
الكاوتش بالذات على حسب حالة العربية
فيه عربية بتمشي على طرق سريعة وبس
فيه عربية بتمشي على طريق بطيئة
فيه عربية بتمشي على طرق مكسرة وجبال
لو بنتكلم في العام الكاوتش من 40 - 60 الف على حسب نوع الكاوتش وطريقة المشي
اهم حاجه في الموضوع حالة الكاوتش لو عامل 10 الاف بس والكاوتش باظ لازم يتغير
انا غيرت بتاع المصنع على 40 الف وركبت بريدجستون ياباني مش ناوي اغيره قبل ما اعمل عليه 60 الف
الحمد لله عملت الصيانة فى فرع الاقصر النهاردة .. و كلفت ٤٢٧ جنيه بالمصنعية و الضريبة .. بس قالولى فلتر الهواء محتاج يتغير بس معندهمش .. و قالولى هاتوه من القاهرة .. حد يعرف بيتباع فين و تمنه كام ؟؟؟ و كمان قالولى التيل بتاع الفرامل عاوز يتغير و لما قولتلهم ازاى دانا بمشي بالعربية كل فين و فين و سواقتى هادية و مش بتاع جرى و شد ... قالولى خلاص ممكن يستنى معاك من الفين الى خمسة الاف كم .. و الحمد لله على كل حال .. و بشكر رجالة اللوجان اوى و كل عام و انتم بخير
مبروك الفلتر على حسب ذاكرتي كان ب 70 جنيه
ده الاصلي بتاع التوكيل
التيل غيرته برضه على 35 بس متستناش عليه اكتر من كده عشان الطنابير متبوظش
دكتور احمد .....كل سنه و حصرتك طيب
انا عندى الطارة قشرت من فوق من عند المنطقة الى دايما مواجهة للشمس ....انا بعمل صيانى فى فرنش موتورز و لسه عامل امبارح صيانة ال 25 الف ك عندهم ....طبعا انا قلتلهم قالولى الحجات ديه الافضل تطلع على العبور او المقطم .....حضرتك شايف ايه ؟ انا اعرف ان كان فيه كذا عضو عنده المشكلة ديه و التوكيل غير الطارة فى الضمان ؟؟؟؟ انا بفكر اعمل صيانة ال 30 فى العبور و بالمرة اخليهم يغيروها بس انا عايز اعرف اتكلم بقلب.....ولا ايه ؟
من رأيي نجرب عربيتي عاملة 80 الف ونفس المشكلة في نفس المكان
حنحاول نخليهم يغيروها
بيني وبينك تغييرها صعب لان فيها اير باج يعني بالوفات ولو غيروها لكل الناس حتبقى ملايين
انا حروح اقول لهم عليها في العبور لو قالوا لأ حبعت لرينو فرنسا لو الموضوع وقف مش حزعل برضه
حفصل جلد طبيعي عند حربي السروجي في الحرفيين وحخليها Luxury car