إلى أ/طارق وأ/ممدوح وأصحاب القلوب الرحيمةأنقذونى من هذا الفتيس الأوتوماتيك

**hazemsabry** · 11-08-2012 07:03 PM

السلام عليكم
انا عربيتى لانوس 2000 اوتوماتيك و عندى لمبة فى التبلوه بتاع العربية اسمها pwr
بتنور معايا بعد فترة من المشى فى الجو الحار ويبدأ الفتيس ينتش عند كل نقلة عملت كل أنواع الصيانات المتعارف عليها ولكن نفس المشكلة وكل ما أروح لحد يقول الفتيس إنتهى المهم علشان مطولش عليكم غيرت الفتيس بواحد إستيراد وفى نفس يوم إستلام السيارة طلعت أجرب لقيت نفس العيب هو هو بنفس الطريقة والغريب إنى لقيت شئ جديد إن اللمبة ممكن تشتغل ويبدأ الفتيس فى النتش وأنا على سرعة أول ما أحرك ذراع الإشارات أرجوكم أفيدونى لو غيرت الفتيس لثالث مرة أنا حاسس إن العيب هيفضل برده

**elshreef_hemo** · 11-08-2012 07:17 PM

انا حاسس انه عيب كمبيوتر

**hazemsabry** · 11-08-2012 07:29 PM

أستاذى العزيز شكرا لردك
غيرنا الكنترول بواحد إستيراد وجربنا لقينا نفس المشكلة

**AhMeD MeTwAlY** · 11-08-2012 08:24 PM

المشكله دي ان العربيه مش بتطلع علي الاول العربيه بتطلع علي التاني علطول
عشان كدا العربيه بتترج جامد وانت طالع ومفيش سحب نهائي في الطلعه
طيب ايه الي ممكن يعمل كدا
اولا ممكن يكون كبل الارضي بتاع العربيه مش راكب صح لان الفتيس عندك كهربه "راجع كبل الارضي واعمل رستارت من خلال فصل الكبلات من البطاريه وتركبها مره تانيه"
ثانيا ممكن تكون الفيشه مملحه وعايز تتنضف
ثالثا انت عندك في الفتيس حاجه اسمها سيلكتور
عشان تفك السيلكتور دا لازم تشيل الفيشه بتاعت الفتيس وبعد كدا هو مربوط بمسمارين 10 واحد فوق والتاني تحت وتقريبا في مسمار 13-14 موجود فيه بس قبل ما تفك الفتيس لازم يكون في وضع "P"
وهو عامل زي مفتاح المروحه مع كل نقله بيتحرك حركة دائريه
ممكن تغيره وتريح دماغك من الوش دا عند اي ميكانيكي وتخلي القديم عندك لانه اي حد متخصص ممكن يصلحه ليك
بس السعر كام مقدرش افيدك
AhMeD MeTwAlY

**hazemsabry** · 11-08-2012 09:08 PM

أستاذ أحمد شكرا لردك الكريم
ولكن أحب أن أوضح لسيادتكم الأتى :
أولا : العربية بتجيب الأول والثانى وجميع الغيارات بكل سلاسة وسحب العربية فى الطلعة ماشاء الله كويس جداوهذا بيكون وهى السيارة بتكون باردة والعيب ده ما بيظهرش إلا لما العربية تبدأ تسخن (اللمبة تنور والفتيس يبدأ ينتش عن كل نقلة وأول ما أحرك ذراع الإشارات وأنا ماشى برضة اللمبة تنور)
ثانيا : أنا غيرت السليكتور بواحد إستيراد وبرضه نفس المشكلة