كمبوريسر كاوتش العربيه

**amr100** · 11-08-2012 07:28 PM

بصراحة يا جماعه انا في حكاية تغيير الكاوتش عندي عقده منها و مبعرفش اغير الكاوتش فأنا عاوز أسال ايه احسن كمبوريسر كاوتش موجود في مصر واسعاره ايه و بيتجاب منين علشان انا بجد حكاية الكاوتش دي معقداني

**ahmedsrs** · 11-08-2012 09:03 PM

كل الى فى السوق صينى هات نوع غالى وابعد عن ابو خمسين جنيه

**K_E** · 11-08-2012 09:33 PM

هو ضروري تتعلم ازاي تغير الكوتش حتى لو معاك المنفاخ لان في حالات ممكن مينفعكش فيها
والموضوع سهل اوي هاتلك بس كوريك تمساح بدل الي بيجي مع العربيه غلس شويه

شوف الفيديو ده
http://www.youtube.com/watch?v=XW-sBC5mqmI

المشاركة الأصلية كتبت بواسطة ahmedsrs

كل الى فى السوق صينى هات نوع غالى وابعد عن ابو خمسين جنيه

مالو ابو 50 دنا كنت ناوي اشتريه هههههه
انا قلت اي حاجه تمشي الحال هستعمله للطوارئ بس يعني

لو في نوع تاني كويس طيب نجيبه منين وبكام ؟

**Land_Cruiser** · 11-08-2012 09:39 PM

انا عندى بتاع كارفور و شغال كويس على فكره و كان ب ٥٠ جنيه فعلا و جربته و نفخ الكاوتش و هو على الارض تماماً من غير ما ارفع العربيه و كانت عربيه تقيله و حضرتك ممكن تخللى معاك كوريك سهل فى الاستخدام و نوع كويس و ان شاء الله ما تحتاج تستخدمه بس لازم تخليه معاك احتياطى

**magid1010** · 11-08-2012 10:19 PM

على فكره انا جايب واحد عادى من التوفقيه ابو50جنيه و فيه فلاشر كمان و مفيد جدا جدا لما العجله يخش فيها مسمار انفخها و اروح اشيله عند بتاع العجل بسهوله بس المهم انك ما تشغلوش 10دقايق متواصله يعنى تريحه شويه علشان السخونيه بس لازم تتعلم تغير الكاوتش لان مره كل لما ا ما نفخ العجله مش عايزه تقوم طلعت ان الشفه بتاعه العجله بايظه و اضطريت افكها و اغير على الاستبنش

**linkin2008** · 14-08-2012 05:41 AM

السلام عليكم ورحمة الله وبركاته بص يا باشا انا جايب واحد من التوفيقية ب 130 جنية ما شاء الله حلو جدا الكاوتش من الارض فى 1:30 الى دقيقتين وكان فية انواع كتير من 45 الى 200 حسب ما افتكر بس الغالى ده بيبقى حاجة اسمها 2 بستم وده معمول للعربيات النقل والجيب وكدة وفعلا وجود المنفاخ مهم جدا ابسط حاجة لا تفك ولا تربط ولا توسخ ايدك اعمل الكاوتش وفى اى وقت عدى على بتاع الكاوتش الى تبعك (خد بالك من الى تبعك دى) واكشف على الكاوتش