حاجة تحير جدا لما كن نازل اشترى مياه معالجة للردياتير من التوفيقة .. لقيت حاجات سعودى واسبانى ومصرى وكمان الوان يعنى فى:
مياه لونها احمر
مياه لونها ازرق
مياه لونها اخضر
ياترى ايه الفرق هل كله واحد ولا اكيد كل لون ليه خواصه الكميائية وع العلم ان الأزرق والأحمر دة كان منه المصرى بس والبايعين هناك طبعا بيبيعو وخلاص ياريت الأفادة من الاخوة اللى جربوا الأنواع دى ...
=======
تنبيه للعضو بعدم استخدام اللون الأحمر
حيث أنه مخصص لمداخلات الإدارة والإشراف
وشكرا
مشرف القسم
بيتهيالى ان كلهم حاجة واحدة ومفيهمش اى اختلاف
كلهم حاجه واحده والاضافات اللى بتتحط على الميه بتخلى لونها شفاف بردوا و اللون ده هم اللى بيضيفوه مخصوص عشان الميه تبان فى القربه و تقدر تعرف مستواها انما لو شفافه مش هتبان بوضوح باختصار ده مجرد لون مضاف للميه ما لوش دعوه بالكيميا
اهم حاجة هي نسبة تركيز المادة الفعالة...اللي هي الايثيلين جليكول....كل ما تزيد النسبة كل ما يبقي أفضل
في سيارات الفولكس عامة بتتحط ميه حمراء... بس الميه اللي بتتباع في البنزينات ديه سمعت انها في كتير منها بيبقا مضروب...
مهمة مياة التبريد: رفع درجة الغليان - تقليل درجة التجمد - منع الصدأ
اغلب الانواع اللى بتتباع فى المحلات اى كلام عشان كدة تلاقى الجيركن ب 20 و 25 جنية.
الحاجات الاصلى بتبقى متقسمة نوعين:
كل نوع منهم لة طريقة عمل مختلفة, بالتالى مينفعش نزودهم على بعد عشان ميأثروش فى الخواص بتاعت بعض.
- عبارة عن مياة ملونة + مكونات كيميائية يدخل فى تركيبها nitrite/borate او nitrite/molybdate inhibitors و دية بتبقى مركبات لمنع الصدا و بتبرد اسرع. و فية منها الوان ذى الاخضر و الازرق.
- عبارة عن احماض عضوية معروفة بOrganic Acid Technology (OAT) او NOAT) Nitrited Organic Acid Technology. و عادة لونها برتقالى او احمر برتقالى. و دية النوع الحديث من مياة التبريد و الVW مثلا بتستعملة.
يفضل تزويد مياة التبريد فى حالة النقصان بمياة مقطرة {موجودة فى البنزينة ب 2 جنية}
يفضل تغيير المياة كل سنتين او كل 50 الف كيلو {ايهم اقرب} عشان بيبتدى يفقد خواصة {بس طبعا مش دة اللى بيحصل عندنا}
يمكن افضل من ناحية كفائة الميه فى مقاومة التجمد... لكن فى مصر كل ما النسبة قلت كل ما كان افضل لان حاله تجمد الميه مش موجودة عندنااقتباس:
المشاركة الأصلية كتبت بواسطة NaderNabil
MMamdouh
المسالة دي مش دائما مضبوطة ، عموما نسبة الاثيلين جليكول مفروض ماتزيدش عن 50% وفي مصر هنا النسبة ممكن تقل كتير عن كده لإن درجة حرارة الجو مابتنزلش تحت الصفر.اقتباس:
المشاركة الأصلية كتبت بواسطة NaderNabil
الكلام ده هو فعلا المضبوط ، واحب اضيف ان النوع الاول بيكون للمواتير الزهر ودورات التبريد النحاس ، والنوع التاني يصلح لجميع المواتير بس بيفضل للمواتير و دورات التبريد الالومنيوم ، والمياه الوحيدة اللي لقيت عليها المواصفات دي واضحة هى مياه موبيل الزرقاء (تقليدية) او الحمراء (OAT) .اقتباس:
المشاركة الأصلية كتبت بواسطة iBiZa
تحياتي
الكلام ده هو فعلا المضبوط ، واحب اضيف ان النوع الاول بيكون للمواتير الزهر ودورات التبريد النحاس ، والنوع التاني يصلح لجميع المواتير بس بيفضل للمواتير و دورات التبريد الالومنيوم ، والمياه الوحيدة اللي لقيت عليها المواصفات دي واضحة هى مياه موبيل الزرقاء (تقليدية) او الحمراء (oat) .
يعنى المياه بتاعت محطات موبيل دى اصلية ومفيدة لدورة التبريد ولا مضروبة زى النواع الموجودة ؟؟؟؟؟؟؟
على فكرة فى بعض محطات موبيل عندهم خدمة تغيير مياه الردياتير دى عن طيرق تنظيفه بالهواء وطرد كل المياه القديمة والصدا واضافة المياه الجيدة ..
راجع الموضوع ده ممكن برده يفيدك إن شاء الله
منتج Cyclo المركز لإطالة عمر مياه التبريد
من المواصفات الموضحة على العبوة اعتقد انها جيده وخلي بالك انها مش رخيصة ( العبوة 4 لتر حوالي 41 جنيه) ولو نظفت دورة التبريد بالكامل بالهواء هتحتاج من 5 إلى 6 لتر من سائل التبريد وده حسب نوع العربية ، وما انصحكش انك تزود عليها اضافات تانية او مياه مقطرة لان ده هايغير تركيبها ويخفض تركيزها .اقتباس:
المشاركة الأصلية كتبت بواسطة momo20703
تحياتي
على فكرة انا معتقديش ابدا ان ممكن دورة التبريد تاخد كل دة الا بقى فى المواتير الكبيرة اوى يعنى 6 سلندر مثلا او فوق ال 2500 سىسى .. انا نضفت ومليت بجركن 4 لتر موبيل عادى جدا ... 1500 سىسى 4 سلندر ..اقتباس:
المشاركة الأصلية كتبت بواسطة pcegypt
بس المووضع اللى عاوزيين نفهمه ايه المياه الحمرا دى وبعدين فى حاجات تانية كمان بتفرق فى نسبة التركيز يعنى مياه موبيل دى خضراء غامقة اوى وفى اناوع تانية افتح منها
الاخ الكريم ، انا عربيتي ابيزا 94 موتور 1300 ، نظفت دورة التبريد بالكامل وطردت المياة القديمة بالهواء في موبيل (رادياتير وبلوك و قربة)
والعربية خدت حوالي 5.5 لتر مياه تبريد وده اصلا المذكور في المانيوال بتاع العربية ولو كانت خدت اقل من كده كنت هاشك ان دورة التبريد ما اتنضفتش بالكامل ، ممكن تراجع مانيوال عربيتك علشان تعرف حجم دورة التبريد عندك قد ايه.
اما بالنسبة للمياه الحمراء والزرقاء فالاخ ibiza رد عليك رد وافي ، واضفت انا عليه في مداخلة سابقة ان مياة موبيل نوعين (زرقاء او اخضر مزرق) ودي المياة التقليدية اللي بتستخدم للمواتير الزهر والرادياتيرات النحاس ، (حمراء) ودي فيها تكنولوجيا الاحماض العضوية وبتكون مناسبة للمواتير والرادياتيرات الالومنيوم.
تحياتي
انا عندى مشكلة فى مية الراداتير عربيتى Verna 2008 وكل ما شييك على القربة الاقى المية ناقصة يعنى بين F&Lبس الكلام دة يوم بعد يوم يعنى اية الحكاية المية بترووح فين ؟وانا بزود للعربية مية من الحنفية وانا قريت فى المنتدى ان مية الحنفية بها معادن تتفاعل مع الراداتير وبتكون صدأ ؛ وانا بعد كدة لقيت ان المية اللى فى القربة لونها بنى ودة اكييد صدأ ؛ لما العربية راحت صيانة الالف كيلو فى ابورواش لقيت المية متزودتش مية خضراء ولا زرقاء ولااى لون فيها هية زى ماهية ؛ انا عندى القربة ليها خرطومين واحد موصل على الراداتير والتانى مش موصل لحاجة ومفتوح هل المية بتتسرب منة ولا اية ؟ وياترى اية الحل لمشكلتى دى ؟ ارجو منكم المساعدة وشكرا .
يا باشا انت كده عندك دورة الراديوتور مش مقفولة
حط مياه عادية بس مقطرة من بتاعت التكييف مفيهاش أملاح
لان حرام تزود بمياه غالية
وفي الجو الحر ده طبيعي تنقص معاك
اشكرك ياbee على الرد ؛ انا سمعت عن مية التكييف دى بس ازاى دورة الرادتير مش مقفولة اية هو اللى ناقصها ؟ دى العربية لسة مكملتش 3شهور معايا ؛ وانا بسمع ان فى ناس كتير مبتزودش المية الا على فترات كبيرة بالشهور يعنى ودى فترة كبيرة بالنسبة للى انا فية .
بصى يا ستى, فية دورات تبريد بتبقى مقفولة زى الVW مثلا و دية ممكن متزوديش مياة لمدة كذا شهر. و فية دورات تبريد بتبقى مش مقفولة يعنى كل شوية بتحتاج تزودى مياة عشان فية فى الغطا بتاع قربة المياة حتة صغيرة بتفتح لو الضغط زاد و تطلع بخار مياة او المياة عشان الخراطيم متضربش (كان عندنا كدة فى الMazda 323 و الFiat128) و كنت بزود مياة كل يومين او 3.
دة فرق Design عربية فا لازم تتاكدى انتى انهى واحد فيهم.
اللى كنت بعملة, كنت بغسل دورة التبريد و بعدين احط مياة خضرا و كل ما تنقص ازود مياة مقطرة و عمرى ما شفت الصدأ دة بصراحة بس الموضوع متعب شوية.
يبقى انت منزلتش كل ميه الغسيل من البلوك... اللانوس ال1500 بتاخد 7 لتر ميهاقتباس:
المشاركة الأصلية كتبت بواسطة momo20703
MMamdouh
متشكرة جدا ليكوا ياجماعة على ردكوا عليا وان شاء الله فى اقرب فرصة هاغسل دورة التبريد وازودها بالمياة الخضراء ويارب تبقى النتيجة احسن ادعولى .
السائل اللى فى الصورة السابقة ده لتنظيف الردياتير ولا للتبريد وهل يتم تخفيفه ولا اضافته كما هو ارجو الرد
أيوه إحنا كده لو هنفضى الدورة كلها هنستخدم مياه موبيل فاهنحتاج 2 جركن مثلا و هنحطها بدون أى إضافات أو تخفيف مياه مقطرة أو عادية ...مش كده ؟؟
تانك دورة التبريدكامله تاخد 7.5 لتر .........وعمرك ماحتوصل للرقم ده الا لو بتعمل عمره للموتور
اما فى الحالات العاديه لو فضيت الريداتير كله ....حتاخد من 5-6 لتر فقط
اما نظام المياه بصفة عامه فلابد ان تكون من الايثيلين جليكول لرفع درجة الغليان وهو يعطي اللون الاخضر ويفضل ان يكون بنسبة 50%
والواقع انه غالي الثمن فيكون التزويد 33% بحد اقصي من الشركات المعتمده (مثل موبيل) ويكوزن سعر اللتر الواحد حوالي 30جنيه ...........ولا يزود معه اي ماء مقطر او عادي (ماتسمعش لاي ميكانيكي يقولك الميه دي مركزه وبنخففها كلام خطأ)
بصفة عامه اغلي السيارات الجديده يوجد بها نظام الدورة المغلقه ..... الا فى بعض الانواع