الموضوع: رجاء المساعدة العربية باظت

المشاركة الأصلية كتبت بواسطة ayman20100

الحمد لله عملت العربية امبارح واليكم التفاصيل
روحت للدكتور الميكانيكي وقولتله على العيب قالي يبقى طقم دبرياج دسك وبليه واسطوانة قولتله مش يمكن حاجة بس الى بايظة قالي لاء هتغير كله طيب هتعوز حاجة تاني لاء قولته على العموم فك وروحت اشتريت طقم دبرياج كوري من ابو الحسن سعره 325 واخدته ب 315 وروحت للميكانيكي كان فك الفتيس ووراني الاسطوانه كان فيها سوستتين خارجين من مكانهم وهما الى عملوا المشكلة ووراني الديسك وقالى برضه بايظ مع اني شايفه ممكن يشتغل تاني هو والبليه لانهم لسه متغييرين قريب وبعد ما فك طلع فيه شويه حاجت محتاجها كاوتشه كوبلن داخلي وخارجي وكاوتشه تراب للبارات وصلايب كوبلن وتيل فرامل قالى نغيره بالمره وعلبة شحم وطلع عيني كل وداني ابو الحسن 3 مرات بينتقم مني من المرة الى فاتت طلع عيني ............. وفي الاخر ركب كله واخد مصنعيه 160 بالاكرامية وبكده ابقى ادبست في حوالي 700 جنيه وعلقة تفوت ولا حد يموت

بس ليا بعض الملاحظات الفرامل ضعيفة جدا بعد تغيير التيل وقالي يومين وتتطبع وتتظبط
وكمان الدبرياج تقيل جداً . وقالي هتحتاج تبقى تغير سلك دبرياج
ملاحظة سيبت كل قطع الغيار عنده تفتكروا فيه حاجة من الى اتغيرت تستاهل كنت اخدها ؟؟

ياعم مبروك علقة تفوت ولاحد يموت........

بالنسبة لفرامل اه يومين كدا وارجعله علشان يكون الهوا اللى فى الفرامل جمع ويقدر يخرجهولك والفرامل حتظبط انشاء الله....*

انما على قطع الغيار التالفة ياريت بعد كدة متسيبش ولا مسمار يتغير تاخده معاك اى قطعة غيار تتغير احتفظ بالقطعة التالفة مهم جدا متسيبش للميكانيكى اى حاجة لأنه ممكن يستنفع ببعضها ويقع فيها فليشياوى زميل وبعدين حضرتك ممكن تحتاج اى قطعة بعد كدة تغيرها لوحدها تيل الفرامل احتفظ بالتيل القديم مهم جدا وخليهم فى شنطة العربية حينفعوك فى وقت زنكه وعاوزك تتعلم ازاى تغيير تيل الفرامل بنفسك والله كلها حجات هايفة ....*