تجربة تغيير سير الدينمو - ابيزا 99 1.4 mpi

السلام عليكم ورحمة الله وبركاته

احنا اتعودنا دايما لما نيجي نعمل سيرفيس نغير الفلاتر والسيور والزيوت والكلام دة
بس هل عمرنا سألنا نفسنا هل في بديل لقطع الغيار بتاعتنا وتقوم بنفس الوظيفة وتكون سعرها اقل شوية

انا عملت كدة

في البداية كنت عايز اغير سير الدينمو لأنه اتنسل مني واتقطع علي الأخر
لما بسأل عليه لقيته عند بتوع قطع غيار الفولكس ب 80 و 85

طب ليه ؟؟؟؟؟

هو السير مواصفاته ايه ؟؟
السير 6 مجري ومقاسه 1125

سألت عند بتوع الدايو والهيونداي لقيت 6 مجري بس مش نفس المقاس

سألت عند بتاع أوبل
لقيت عنده سير امريكي اصلي ومحمل و10/10 و6 مجري بس للأسف مش نفس المقاس
كان 1025

انا عارف ان عندنا الرجلاش في السوستة بتاعة بلية الشداد

روحت شاريه ب 40 جنيه

وروحت ركبته عند عصام الميكانيكي (عصام ميكانيكي فولكس فقط لاغير)
عصام ركبه دون ادني تعليق عليه

ودورت والعربية ما شاء الله زي الفل
ومفيهاش اي مشاكل

انتظروني في تقرير اخر وتجربة اخري مع بديل اخر لقطع غيار الأبيزا

والله المستعان
،
،

حصلت معاى بس بجد السير قطم ظهرة ورانى الويل كل لما اركب سير يسقط فى الطريق افتح الكبود افك الشداد واركب السير واشد وامشى تانى يوم نفس المشكله لحد لما اكتشفت ان طمبورة الدينمو مش موازيه طمبور الموتور طبعا غيرت الطمبورة والحمد الله الموض انتهى....

وعلى فكر عقل المصرى انضف بكتير جدا من عقل الخواجة صدقونى انتا ممكن تعمل اللى ميقدرش الخواجة يعمله فى العربيه....

اقتباس:

---

المشاركة الأصلية كتبت بواسطة sakr1964

حصلت معاى بس بجد السير قطم ظهرة ورانى الويل كل لما اركب سير يسقط فى الطريق افتح الكبود افك الشداد واركب السير واشد وامشى تانى يوم نفس المشكله لحد لما اكتشفت ان طمبورة الدينمو مش موازيه طمبور الموتور طبعا غيرت الطمبورة والحمد الله الموض انتهى....

وعلى فكر عقل المصرى انضف بكتير جدا من عقل الخواجة صدقونى انتا ممكن تعمل اللى ميقدرش الخواجة يعمله فى العربيه....

---

مش للدرجادي
بس هو كل ماهو نالك ان في استغلال من تجار قطع غيار السيات والفولكس عموما
بيعتبرونا بهوات وبيغلوا علينا بدون مبرر

رغم وجود بدائل لقطع الغيار
بس احنا بردو ادينالهم فرصة لما صممنا نشتري قطعة الغيار المكتوب عليها فولكس والعلامات ويبقي مكتوب عليها اتحاد اوروبي والماني وهي في الأصل صيني
طب صيني بصيني انا هشتري البدائل واتابعها

انا طبعا بعمل كدة وهعمل كدة في السيرفيس فقط وليس في كل قطع الغيار

تحياتي لحضرتك
وشكرا علي مرورك الطيب

خد عندك يا ابو السيد سير دينامو النيسان صنى 2003 ب 32 جنيه يركب و بدون اى مشاكل و 6 حارات انا ركبتو سعه الزيت فيات 128 تركب و اتجربت و ادت اشارة فى التابلوة و تمام التمام ب 9 جنيه ..... الاصليه 55 تقريبا ..... فلتر زيت ودة كان فى عربيه ابن خالى ابيزا 99 ب 14 جنيه و على كلام الراجل بتاع الاكسسوار بتاع الفابيا ... دا اللى انا اعرفو .... و من كلام و واحد عفشجى قالى عفشه الابيزا ما هى الا عفشه جولف 2 .... يعنى لما تدخل تشترى مثلا كوبلن لما تقول ابيزا غير لما تقول جولف 2 دا سعر و دا سعر ...... اضيف كمان سعه الحرارة اللى بيسموها حساس الميه اللى بتشغل المراوح .. بتاع التيمبرا يشتغل و سرعتين و نفس درجه حرارة الابيزا و ب 32 جنيه بتاعها ب 55 و الله المستعان

اقتباس:

---

المشاركة الأصلية كتبت بواسطة alzelafy

خد عندك يا ابو السيد سير دينامو النيسان صنى 2003 ب 32 جنيه يركب و بدون اى مشاكل و 6 حارات انا ركبتو سعه الزيت فيات 128 تركب و اتجربت و ادت اشارة فى التابلوة و تمام التمام ب 9 جنيه ..... الاصليه 55 تقريبا ..... فلتر زيت ودة كان فى عربيه ابن خالى ابيزا 99 ب 14 جنيه و على كلام الراجل بتاع الاكسسوار بتاع الفابيا ... دا اللى انا اعرفو .... و من كلام و واحد عفشجى قالى عفشه الابيزا ما هى الا عفشه جولف 2 .... يعنى لما تدخل تشترى مثلا كوبلن لما تقول ابيزا غير لما تقول جولف 2 دا سعر و دا سعر ...... اضيف كمان سعه الحرارة اللى بيسموها حساس الميه اللى بتشغل المراوح .. بتاع التيمبرا يشتغل و سرعتين و نفس درجه حرارة الابيزا و ب 32 جنيه بتاعها ب 55 و الله المستعان

---

الله عليك يا زلفي يا ابو المعلمة

احب انا الناس المخلصة دي

مش شوية تجار (مع كامل احترامي للتجار المحترمين الذين يتقون الله) مش شوية تجار هما الي هيمشونا علي مزاجهم

اصبر دة لسة في حاجة كمان هتعجبك اوي ان شاء الله بس هعملها في موضوع منفصل بكرة ان شاء الله

الله ينور يا رجالة

في عربيتي الكوردوبا نفس القصة ثمن سير الدينامو 90 جنيه و مش موجود اصلا و مقاسه 1195 و لفيت لحد ما زهقت و في الأخر اشتريت سير من عند محل سيور كوري ب 40 جنيه مقاسه 1200 و ركبته و شغال زي الفل و ده بعد ما لقيت سير محفور 6 حارات من الوجهين و بيقلي ثمنه 160 جنيه و نفس المقاس عندي !!!!!!!!!!!!!!!!!!!!!!! قلتله لأ لو مش هغيره مش مركبه

يا ولاد الايه ,,,,,,, عفاريت

اقتباس:

---

المشاركة الأصلية كتبت بواسطة ehab_mansour

الله ينور يا رجالة

في عربيتي الكوردوبا نفس القصة ثمن سير الدينامو 90 جنيه و مش موجود اصلا و مقاسه 1195 و لفيت لحد ما زهقت و في الأخر اشتريت سير من عند محل سيور كوري ب 40 جنيه مقاسه 1200 و ركبته و شغال زي الفل و ده بعد ما لقيت سير محفور 6 حارات من الوجهين و بيقلي ثمنه 160 جنيه و نفس المقاس عندي !!!!!!!!!!!!!!!!!!!!!!! قلتله لأ لو مش هغيره مش مركبه

---

اهو دة الكلام يا هندسة
ربنا يعينا علي استغلال التجار

اقتباس:

---

المشاركة الأصلية كتبت بواسطة matrix012

يا ولاد الايه ,,,,,,, عفاريت

---

ازيك يا حج مصطفي

شكرا علي مرورك

خد دى فلتر هوا الفئات شاهين بيركب و ٢٠ جنية

بس أبيزا ٩٩

اقتباس:

---

المشاركة الأصلية كتبت بواسطة ahmed_autogear

بس أبيزا ٩٩

---

فعلاً الكلام دة على الابيزا 99 فقط ؟؟؟

طيب و اخبار 98 ايه ؟؟

97 98 99 واحد

اقتباس:

---

المشاركة الأصلية كتبت بواسطة ahmed_autogear

خد دى فلتر هوا الفئات شاهين بيركب و ٢٠ جنية

---

فلتر الفانات - تقصد فلتر الغبار بتاع التكييف ولا فلتر الهوا بتاع العمة ؟؟؟؟؟

فلتر الهواء بتاه العمة

اقتباس:

---

المشاركة الأصلية كتبت بواسطة ahmed_autogear

فلتر الهواء بتاه العمة

---

اكيد .. اتوكل على الله .. وعلى ضمانتك !!!!

لو بجد الموضوع بتاع السيور والفلتر الهواء دة يبقى برافوا عليكم والله