DSG 7 speed تقرير المالكين

**semsem5144** · 21-10-2012 08:10 PM

المشاركة الأصلية كتبت بواسطة ahmed-adel

ربنا يباركلك وتجيبها :)

شكرا وربنا يرزقنا جميعا
عموما انا كان كل قصدي من المداخله ان الفتيس الاوتو يفرق كتير عن المانيوال ويستاهل تمن صيانته ايا كانت
وللعلم فقط انا صيدلي فى السعوديه حاليا والمرسيدس دى كانت جمرك تمنها مايعادل 70 الف جنيه
انما عربيتي في مصر لانسر شارك كنت ناوي اجيب جيتا او سيات ليون بس فعلا الdsg هو اللى غير رأيي

شكرااا على المجهود الكبير اللى وصل المنتدى للمستواه المميز

**mohamed eladawy** · 18-12-2012 03:29 AM

و الله يا جماعه انا اشتريت عربيه جيتا هاي لاين 2010 والحمد لل تمام مافيش اي شكوي نهائي و عمله دلوقتي ماشاء الله 110000كم ووانا بشتريها قالولي ان الفتيس فيه مشاكل بس كبرت دماغي الصراحه وبتعامل معاه صح يعني في الاشارات اجيبه علي n مااسيبوش علي ال d وفي المطلع اعملو مانيوال من يوم ما اشتريتها وقالولي كده في التوكيل
المهم عند 800000 لقيت الفتيس حصلت فيه مشكله في نقلات معدتش بتيجي رحت لمحمد سمير عملي سرفيس وغيرلي دسك واسطوانه 5000جنيه والحمد لله ماشاء الله ممتازه وبخصوص الاصوات من يوم ما اشتريتها وانا بسمع صوت خفيف احيانا في بعض الاماكن زي الجراجات بس الحمد لله تمام

**dozo** · 19-12-2012 09:49 PM

بصراحه يا جماعه انا ملاحظ ان كل الردود موديل 2010 و نازل و التوكيل بيقول انها اتحلت من 2011 و انا مش مصدق . مفيش حد معاه 2011 يقولنا اخبار الفتيس بعد سنتين ايه و لا مفيش اى عربيه dsg 2011 اتباعت عشان سمعه الفتيس السيئه . انا كنت ناوى على اوكتافيا الشكل الجديد اللى حتنزل ب dsg بس لو فضل كده الله الغنى انا مش حشترى عربيه بالسعر ده عشان احسس على الفتيس ده الكورى مش كده انا كان معايا النترا2008 و كنت بعمل بيه اللى انا عايزه و لا اجيبه على n فى الاشارات و لا احوله مانيوال فى المطالع و لا حاجه و فى داهيه التكنولوجيا لو هى بالشكل ده

**M_Nada** · 22-01-2013 03:51 AM

معايا سيات ابيزا 2011 .. عند 50000 جابت فتيس .. وصلحته ببلاش على حساب التوكيل .. ولكن ربنا يستر ويبوط تاني !

**ahmed.Elashy** · 25-05-2014 06:59 PM

الساده ملاك سكودا فولكس سيات موديلات ٢٠١٢فما فوق ...
حد واجه اي مشكله لحد دلوقتي
انا ملاحظ ان الشكوي قلت فهل دا يبشر ولا الناس زهقت من الكلام عليه
الواحد عاوز يطمن

**issanasr** · 04-09-2015 12:15 PM

المشاركة الأصلية كتبت بواسطة ahmed.Elashy

الساده ملاك سكودا فولكس سيات موديلات ٢٠١٢فما فوق ...
حد واجه اي مشكله لحد دلوقتي
انا ملاحظ ان الشكوي قلت فهل دا يبشر ولا الناس زهقت من الكلام عليه
الواحد عاوز يطمن

ياريت فعلا يفيدونا.. بس انا ملاحظ انى لما بقابل حد من 2012 و 2013 برضو بيقولى غيرت حاجه فى الفتيس! سواء ميكاترونيكس او Clutches

**Yoyo.yasso** · 05-09-2015 03:46 AM

انا معايا ليون ٢٠١٥ بقالها ٧ شهور ماشيه ١٣ الف كيلو ونص وما شاء الله الحمد لله مفيش مشاكل

**amoor_mod** · 22-09-2015 02:10 PM

عربيتى سيات ابيزا 2012 غيرت الميكاترونيك للفتيس فى توكيل فولكس ب 170 جنيه وكانت بره الضمان
الفكرة ان ده عيب صناعة وشركة سيات اسبانيا اللى بتغير الميكاترونيك او الكنترول يونيت عشان عزلها بايظ وده اتسبب فى دخول الزيت علي الميكاترونيك وباظ الفتيس
مشكلتى معاه ان الاصلاح قعد شهر ونصف على ما استلمت العربية
اللى نفعني انى كنت عامل كل الصيانات فى التوكيل ومفيهاش اى لعب من بره