DSG 7 speed تقرير المالكين

**maxx** · 12-08-2012 12:17 AM

الكلام كتير عن ال DSG ما بين النسخة الاولى 6 سرعات و الجديدة 7 سرعات

ناس عمل معاها مشاكل و ناس ماشية بالعربية بتقول زي الفل مفيش اي حاجة

سألت ناس علشان ال DSG اللي خبرته مع النسخة الاولى طبعاً كله بيشتكي (هي شتيمة اكتر منها شكوي) و اللي معاه الجديد سألت ناس معاها ايبيزا قالت كويس و طالما قلقان خليك كويس معاه فى استخدامك بلاش حرق على الغيارات.

الموضوع ده يا ريت يبقي زي مرجع كده كل واحد معاه DSG يقولنا عربيته ايه موديل كام و بقالها كام كيلو معاه و تقييمه لل DSG

لو خرج بالشكل المطلوب هيكون مرجع مفيد لكل شخص بيفكر يجيب Seat او حتى Volks Wagen لان كلهم دلوقتي شغالين DSG

المطلوب هو رأي "المالكين" لأي سيارة فيها DSG Gearbox 7 front speed علشان يكون مرجع حقيقي و كلام من استخدام شخصي

**Ahmod** · 12-08-2012 01:39 AM

انا لسه كنت راكب مع زميلي جيتا 2010 dsg 7 نقلات

اتكلمت معاه وقالي ان الفتيس باظ منه من قريب وراح صلحه برة التوكيل ب 10 الاف جنيه !!! لان الضمان كان انتهى

وبيقول ان العربية بترعش منه في المطالع ولازم يحولها مانويل عشان يتجنب النقطة دي

اما مشكلة الرعشة في الزحمة فمش موجودة !!!

يعني بإختصار مشاكل ال dsg لسه موجودة والناس اللى بتقول انها اتحلت بداية من موديلات 2010 ونزول ال dsg ال 7 نقلات !! ده اي كلام في اي حتة

**SYD** · 12-08-2012 03:36 AM

المشاركة الأصلية كتبت بواسطة ahmod

انا لسه كنت راكب مع زميلي جيتا 2010 dsg 7 نقلات

اتكلمت معاه وقالي ان الفتيس باظ منه من قريب وراح صلحه برة التوكيل ب 10 الاف جنيه !!! لان الضمان كان انتهى

وبيقول ان العربية بترعش منه في المطالع ولازم يحولها مانويل عشان يتجنب النقطة دي

اما مشكلة الرعشة في الزحمة فمش موجودة !!!

يعني بإختصار مشاكل ال dsg لسه موجودة والناس اللى بتقول انها اتحلت بداية من موديلات 2010 ونزول ال dsg ال 7 نقلات !! ده اي كلام في اي حتة

في البداية احب ارحب بيك يا دكتور في قسم سيات المتواضع

بس انا ركبت جيتا 2010 خليجي dsg ال7 غيارات وكان زي الفل ما شاء الله عليه في الطلعة والسحب والتجميع

وصاحب العربية ماشتكاش من اي حاجة خالص

**Ahmod** · 12-08-2012 03:42 AM

المشاركة الأصلية كتبت بواسطة SYD

في البداية احب ارحب بيك يا دكتور في قسم سيات المتواضع

بس انا ركبت جيتا 2010 خليجي dsg ال7 غيارات وكان زي الفل ما شاء الله عليه في الطلعة والسحب والتجميع

وصاحب العربية ماشتكاش من اي حاجة خالص

ربنا يخليك والله القسم منور بوجودك

هو ال DSG عموما كسحب واداء مافيش غبار عليه !!

وعلى فكرة كتر الحرق والسواقة الرياضية عمرها ماتتعب الفتيس ابدا ! هو اصلا معمول لكدة !!

مشكلة الفتيس ده في الزحمة والمطالع !!

عموما انا والله بحكي اللى حصل مع سيارة زميلي ولاني لاحظت فعلا انه في اكتر من مطلع بيقوم محول العربية مانويل

بس هو مش بيشتكي باي رعشة في الزحمة !! فقط الرعشة في المطالع وبتتحل نوعا ما مع قلب العربية مانويل

واما المشكلة اللى حصلت معاه فهي ان فجاءة العربية مابقتش بترجع لورا !! قلتله ازاي ؟

قالي اجيب R مافيش اي حاجة اكني ممور العربية اتصل بواحد يعرفه في الحرفيين وراح واخد العربية على ونش وراحله

طلعت من الفتيس

غير شريحة معينة في كومبيوتر الفتيس والمشكلة اتحلت وقعدت تلت ايام علما اتصلحت

كلفت 10 الاف جنيه خارج التوكيل طبعا ويمكن لو كان وداها التوكيل كانو هيقولو غير فتيس كامل !!

مش عارف بصراحة اذا كان دي مشكلة ليها علاقة بكون ان الفتيس DSG وعيب تصنيع ولا مشكلة فردية !!!

**SYD** · 12-08-2012 03:48 AM

المشاركة الأصلية كتبت بواسطة Ahmod

ربنا يخليك والله القسم منور بوجودك

هو ال DSG عموما كسحب واداء مافيش غبار عليه !!

وعلى فكرة كتر الحرق والسواقة الرياضية عمرها ماتتعب الفتيس ابدا ! هو اصلا معمول لكدة !!

مشكلة الفتيس ده في الزحمة والمطالع !!

عموما انا والله بحكي اللى حصل مع سيارة زميلي ولاني لاحظت فعلا انه في اكتر من مطلع بيقوم محول العربية مانويل

بس هو مش بيشتكي باي رعشة في الزحمة !! فقط الرعشة في المطالع وبتتحل نوعا ما مع قلب العربية مانويل

واما المشكلة اللى حصلت معاه فهي ان فجاءة العربية مابقتش بترجع لورا !! قلتله ازاي ؟

قالي اجيب R مافيش اي حاجة اكني ممور العربية اتصل بواحد يعرفه في الحرفيين وراح واخد العربية على ونش وراحله

طلعت من الفتيس

غير شريحة معينة في كومبيوتر الفتيس والمشكلة اتحلت وقعدت تلت ايام علما اتصلحت

كلفت 10 الاف جنيه خارج التوكيل طبعا ويمكن لو كان وداها التوكيل كانو هيقولو غير فتيس كامل !!

مش عارف بصراحة اذا كان دي مشكلة ليها علاقة بكون ان الفتيس DSG وعيب تصنيع ولا مشكلة فردية !!!

ربنا يخليك يا دكتور والقسم نور بمشاركتك

بص يا دكتور
مما لا شك فيه ان كل مالكي واصحاب الخبرة مع الDSG بيقولوا ان الفتيس ممتاز ولكن يتطلب رعاية وعناية وصيانات باهتمام شديد جدا
والحاجة التانية ان فعلا الفتيس بيتعب من الأشارات والوقفات الكتير وكل شوية اطلع واقف بتاعة اشارات مصرنا الحبيبة
وكان في احد الأعضاء هنا قال ان مشكلة الفتيس كلها في السوفت ويير بتاعه وانه لما اتعمله upgrade بال7 غيار عدلوا السوفت ويير والمشكلة اتحلت
وكون فولكس عدلت الفتيس من 6 ل 7 يبقي هي لمست المشكلة وطورت فتيسها

لكن انا متأكد ان مشكلة الزحام والحر والأشارات قادرة انها تحرق اجدع فتيس في المانيا

**hatemahmed75** · 23-08-2012 11:41 AM

السلام عليك ورحمة الله وبركاتة

ان تقريباًُ من اول الناس الى اشتريت ابيزا 2010 dsg 7 SPEED وللاسف الشديد بعد استعمال العربية بكام شهر بدات اسمع اصوات فى الفتيس ورحت للتوكيل قالى عادى ونزلى السوفت وير الجديد وفعلاً الاصوات راحت شوية بس بعد فترة رجع الموضوع زى الاول

وتقريباً من حوالى سنة وبتحديد 27 /8 /2011 الفتيس باظ
باختصار كنت فى مشوار ورجعت وركنت العربية تحت البيت وبعد شوية لقيت جارى بينادى بقولى العربية بطلع دخان جامد وريحة شياط نزلت بسرعة فتحت الموتور للقيت الدخان خارج من ناحية الفتيس فصلت البطارية بسرعة بعد كدة حاولت ادور العربية بعد شوية مانفعش المهم اتصلت بونش ونقلت العربية على التوكيل (العربية كانت لسه فى الضمان) تم الكشف على العربية وقالولى ان وحدة الميكاترونك باظت وهتتغير داخل الضمان

وفعلاً بعد شهر استلمت العربية من التوكيل بس للاسف الشديد لا جديد نفس الاصوات لحد دلوقتى

وربنا يستر

بس بصراحة اداء الفتيس فى الشد والجرى واستهلاك البنزين اكثر من ممتاز

**احمد فهمى** · 25-08-2012 02:09 PM

فى عربيات جابت فتايس وهى عامله ١٠ الاف كيلو الفتيس ده فى عيب صناعه ومتحلتش واعتقد ان فولكس لو محلتش المشكله دى مبيعاتها هتضيع فى مصر زي ما حصل فى الكرولا لحد ما رجعو الفتايس القديمه

-

الموضوع: DSG 7 speed تقرير المالكين

LinkBack

أدوات الموضوع

عرض

-

-

-

-

المواضيع المتشابهه

الى خبراء النيو أكسنت وليس المالكين

top speed for cbr 250 r 0:180

frv top speed

قرف محل speed

speed limit + speed control

الكلمات الدلالية لهذا الموضوع

المفضلات

المفضلات

ضوابط المشاركة