العربية مخنوقة ومش عارف ايه السبب

**zendo** · 12-08-2012 01:48 AM

الوقتى انا كنت عملت موضوع قبل كده انا العربية على الطريق اخرها 110 وبتنتش معايا فى الطلعة على الهادى كده وصوت الموتور بيعلى ويبقى مخنوق اخر الغيار .......المهم انا غيرت طقم دبرياج كامل فاليو كورى العربية سحبها كويس مافيش مشكلة بس لسة العربية اخرها 110 على الطريق بتنتش الطلعة ووانت بتسحب فى اول الغيار كده وصوت الموتور عالى ويبقى مخنوق اخر الغيار تحس انا فيه حاجة كاتمة العربية طقم الدبرياج خلاص كده انا غيرتة كنت بقول العيب منة بس كدة براءة
بصراحة انا شاكك فى طقم الكهربا عندى ممكن يكون موبينة لانى سلك بتاعها كهربنى قبل كده وهى متوصلة عادى بالاسبراتير والعربية دايرة
وشاكك فى الاسبراتير هل ممكن يعمل كده ويخنق العربية مش عارف اغير انهو فيهم
عندى الموبينة عادية بدون مشط الطويلة بس انا كنت عاوز اعرف بتاعت الفكترا a ليها امبير وفولت معين علشان لو جبتها استيراد ولا كله واحد بيركب عادى بتاعت 1400 زى 2000 مش عارف
العربية عندى كربراتبر وراكب فيها اسبراتير جولف موتور1400
وده شكل حوض العربية موضح فيها الاسبراتير بس الموبينة مش باينة البطارية مغطية عليها بس كلكم عارفين شكلها
http://www11.0zz0.com/2012/08/11/22/190744481.jpg

**Karim Ibiza** · 12-08-2012 03:02 AM

متابع

**alaamousa** · 12-08-2012 04:21 AM

بص ياباشا مبدئيا ان شاء الله شوف اسبراتير غيره على المكنة

**احمد فهمى** · 12-08-2012 07:16 AM

ممكن يكون الكربراتير او اسبراتير الجولف اللى راكب

**zendo** · 12-08-2012 07:21 PM

المشاركة الأصلية كتبت بواسطة egyptiandiver

املا تنك البنزين تفويلة كاملة 92 + غير فلتر الهوى و البنزين و حط منظف كربرتور ... و بعد ما البزين يخلص حط تفويلة جديدة بردو 92 و غير البوجهات لو محتاجين تغيير و قلنا على التطورات.

والله عملت كده وحطيت 95 كمان وغيرت بوجيهات وانا معنديش فلتر هوا ولا بنزين هو الموتور ده بيجى من غير فلتر هوا بس انا الوقتى ماشى بببنزين 80 لانها مش فارقة كتير

**zendo** · 12-08-2012 07:23 PM

المشاركة الأصلية كتبت بواسطة ultra

قبل اي حاجة قدم الاسبراتير بقدر 1-2 مم و دي تعملها ازاى شوف يا باشا لو وقفت امام الاسبراتير هتهوي المسامير اللى مثبتاة فى وش السلندر و هتلفة في اتجاة عقارب الساعة مسافة 1 مم او 2 مم و تأكد من الخرطوم اللى واصل بينة و بين الكربراتير

عملت قدمت وظبطت الكهرباء كذه مرة وظبطتها مع البنزين 80 وبرضة نفس الحكاية

**zendo** · 12-08-2012 07:33 PM

ايه يا جماعةعاوز حد يحللى اللغز ده
طب ممكن الكستبانات تعمل كده اصل بسمع صوت كستبان عندى تخنق العربية
طب الموبينة والتنتيش اللى عندى ده من ايه لان فية تنتيشة فى العربية كده وانا ماشى
طب الكربراتير بس العربية مش بتاكل بنزين قوى يعنى معقولة
طب الارضى بتاع العربية ممكن يكون ضعيف
مع العلم العربية وهى باردة بترجرج منى ولما تسخن بتهدى
هل حد عنده الموتور ده وراكب علية اسبراتير جولف وهل ده ماتور اوبل ولا جولف
وكمان الكربراتير ده مش واصلة فلتر هوا ولا بنزين يادوب البزازة بتاعة تنقية البنزين بس
وتقريبا ده كربراتير جولف
عاوزكم تلقو نظرة على الموتور وتقولولى ملاحظين اية ولو حد عنده نفس الموتور ومشكلتى يقولى الحل