كيا سبكترا 2003 بتعوم منى (أعمل ايه يا جماعة محتار اوى)

**shobokshi** · 22-07-2008 12:45 PM

بالمناسبة ورشة الاصدقاء بتاعة محمد و عصام و ياسر من افضل الورش المتخصصة فى الكيا و ده عن تجربة فى كيا سفيا 99 اتوماتيك كورى و بيحبوا يرجعوا العربية لاصلها و ما بيحبوش غير تركيب الاصلى فى العربية بالاضافة الى مشيهم على جداول صيانة السيارة
هما من اول مره بتحس انك حيغرولك العربية كلها و لكن لما تطلب منهم الاولويات بيقولولك عليها ايه ثم ايه
المشكله ده كانت عندى فى السفيا و ظهرت اكتر بعد ما غيرت الجنوط و طلعت بليه فى الاخر
لو كنت بتعامل معاهم قبل ما اغير الجنوط ما كنتش ركبت جنوط اسبور و لكن ده النصيب
اكشف على البليه و حتلاقيها هيا السبب
بالمناسبة السفيا و الاسبكترا ليها ميزان خلفى مقارب للميزان الامامى
العفشه الاماميه معروفة للجميع
مقصات و قنطرة سفلية و قنطرة علوية
و عامود ميزان
و الخلفية عبارة عن قنطرة عرضية بين فردتين الشاسية و ميزان و شدادات و اعمدة ( ازرع موازنة )
السفيا و الاسبكترا من السيارات الكورية و اليابنية الاكثر اتزاناً على الاطلاق
و إن شاء الله استلم السيراتو و اتابع معاكوا ( ارجع للكيا تانى و اسيب البيجو بنت ؟؟؟؟؟؟)

**TOOLA** · 26-07-2008 02:44 AM

الف شكر يا باشا على الرد, المشكلة انى انشغلت اوى فى الشغل, و أغلب الظن ان المساعدين الورا عملين مشكلة لانى اول ما حد بيعد ورا بيحصل تخبيط فى الكاوتش مع اى مطب هوا, و انا مستنى المساعدين الأصلى للسبكترا بس كله (المحلات و التوكيل) قلى الماعدين مش متوفرة الان و لسه فى شحنة مساعدين لسه هاتيجى, و لسه بفكر اجيب المونرو, و ربنا يسهل.
من باب الاحاطة, أسعار المساعدين الخلفى كالأتى:

التوكيل (محمد زكى): 900 أو 950 ج تقريبا
فى الجندى: 750 ج
فى محل فى الحرفيين قلى: 400 ج (و الله اعلم ايه زروفهم و لسه معرفش يجيبهوم بردو)
مساعدين المونرو للسبكترا: 750 ج

بس للأسف ناس بتشكر جدا فى المونرو و ناس بتقول لاء مش اد كده و الأصلى أحسن. يا ريت لو حد جربهم يقولنا.