أستفسار بسيط بخصوص عدة الصوت

السلام عليكم ورحمة الله وبركاتة

الاخوة الكرام انا كان عندي أستفسار بسيط وكنت حابب أجابه من كل ذو خبرة .’،

سيارتي من نوع شاهين 2008 ~ نظام الصوت عندي كالتالي:

- كاسيت : Sony CDX-GT500
- سماعات JBL 300W

علما بأن السماعات تم تركيبها بواسطه علايات ولم أقم بعمل بوردة MDF ، وحاليا الصوت نقي طبعا لكن حاسس انه شوي ضعيف مش عالي قوي وخصوصا البيز.

فهل تنصحوني بـ

1- اركب سماعات للابواب + جي ام.
2- اركب صب + جي ام.
3- اركب بوردة خشب + صب + جي ام.

ياريت كمان في حاله بوردة MDF هل هيتم تغليفها من الشخص اللي هيركب ولا أنا اللي بعملها ؟! علما باني معرفش المقاسات ولا أعرف حجم الفتحات المطلوبه او منين بتتغلف.

ياريت كمان ذكر المزانيه المطلوبه تقريبا لحتي أكون عارف أنا هتكلف كام بالظبط

معلش أستفسارات كثيرة لكن أعذروني لان خبرتي في الموضوع دة متواضعه أو معدومة :D

وجزاكم الله كل خير .,

متأكد انك مظبط اوبشنات الكاسيت؟

اقتباس:

---

المشاركة الأصلية كتبت بواسطة m7mda7md

متأكد انك مظبط اوبشنات الكاسيت؟

---

لا مع الاسف الكاسيت الاوبشن بتاعه صعب شوي وانا مش فاهم فيه أى حاجة :(

هو تقريبا علي ضبط المصنع .., بالمناسبه لو في موضوع بيشرح اوبشناته ياريت تنورني بيه يا غالي.,

ﻷ طالما لسه علي ظبط المصنع يبقي استني لما تظبطه بعدين شوف ان كنت لسه عاوز تجيب حاجه زياده ولا اﻷمور تمام....انا عندي نفس الكاسيت علي فكره و كتبت الطريقه قبل كده بس ليا كتير مش بشغله ف لو كتبتلك حاجه دلوقتي هخرف ههههههههههههه...عندي مشوار الصبح و ان شاء الله اهمل فيديو عن الكاسيت ﻷن الناس ال اشترته بقوا كتير

اقتباس:

---

المشاركة الأصلية كتبت بواسطة m7mda7md

ﻷ طالما لسه علي ظبط المصنع يبقي استني لما تظبطه بعدين شوف ان كنت لسه عاوز تجيب حاجه زياده ولا اﻷمور تمام....انا عندي نفس الكاسيت علي فكره و كتبت الطريقه قبل كده بس ليا كتير مش بشغله ف لو كتبتلك حاجه دلوقتي هخرف ههههههههههههه...عندي مشوار الصبح و ان شاء الله اهمل فيديو عن الكاسيت ﻷن الناس ال اشترته بقوا كتير

---

ياريت يا غالي والله اكون شاكر قووي ، ومش شرط فيديو يعني لو هتبعك ممكن حتي تشرح لو كتابه وانا هحاول أطبق.,

الكاسيت و تدوس دوسه طويله علي زرار الفوليوم و تدور علي loud‏ و تخليها أون.....Lpf frequency ‎120‎ ‎.....Lpf slope 3و دول مش هتحس بفرق جامد مع تغييرهم.......Hpf frequency 50........هتطلع من القايمه دي و تيجي لزرار ‏الفوليوم و ‏دوس دوسه عاديه و نبدأ ب dm+ و دي تشغلها مع الأغاني القديمه مثلا عشان التريبل فيها ضعيف.....بعد كده rb enh ‎اختصار rear bass enhancer ‎و دي بتشغل السماعات الخلفيه بيز فقط كأنها صب.....Sw level ‎Subwoofer level‏ و بتتحكم منها في علو صوت الصب لو ركبت مستقبلا......Preset ‎خليها custom......EG7 Setting......دي ظبطها صعب ف الاول بس بعد كده هتتعود عليها ان شاء الله......بعد ما جبتها هتلف البكره يمين هيجبلك اول باند هتظبطها و بعدين تدوس باك او فوليوم و تظبط باقي الباندات.......انا عن نفسي لما مش بشغل البازوكا بخلي اول باند 4 و ال بعدها 3 و -2 و -4‏ و ‏1‏ و ‏3‏ و ‏4.......تقريبا اول باندتين بيز و الاتنين ال بعدهم ميد رينج و آخر اتنين تريبل اما رقم خمسه مش عارفلها بصراحه........بعد كده position و دي بتغير توزيع الصوت علي حسب مكان الراكب ‏.......باقي البلانس و الفيد و اكيد عارفهم‎ [/

اقتباس:

---

المشاركة الأصلية كتبت بواسطة m7mda7md

الكاسيت و تدوس دوسه طويله علي زرار الفوليوم و تدور علي loud‏ و تخليها أون.....lpf frequency ‎120‎ ‎.....lpf slope 3و دول مش هتحس بفرق جامد مع تغييرهم.......hpf frequency 50........هتطلع من القايمه دي و تيجي لزرار ‏الفوليوم و ‏دوس دوسه عاديه و نبدأ ب dm+ و دي تشغلها مع الأغاني القديمه مثلا عشان التريبل فيها ضعيف.....بعد كده rb enh ‎اختصار rear bass enhancer ‎و دي بتشغل السماعات الخلفيه بيز فقط كأنها صب.....sw level ‎subwoofer level‏ و بتتحكم منها في علو صوت الصب لو ركبت مستقبلا......preset ‎خليها custom......eg7 setting......دي ظبطها صعب ف الاول بس بعد كده هتتعود عليها ان شاء الله......بعد ما جبتها هتلف البكره يمين هيجبلك اول باند هتظبطها و بعدين تدوس باك او فوليوم و تظبط باقي الباندات.......انا عن نفسي لما مش بشغل البازوكا بخلي اول باند 4 و ال بعدها 3 و -2 و -4‏ و ‏1‏ و ‏3‏ و ‏4.......تقريبا اول باندتين بيز و الاتنين ال بعدهم ميد رينج و آخر اتنين تريبل اما رقم خمسه مش عارفلها بصراحه........بعد كده position و دي بتغير توزيع الصوت علي حسب مكان الراكب ‏.......باقي البلانس و الفيد و اكيد عارفهم‎ [/

---

طبعا الصوت اختلف فعلا ، وخصوصا البيز وحسيت اني مش محتاج سماعات تاني ولا حاجة ..

لكن المشكله عندي أنا في موضوع العلاليات لانها مش راكبه كويس وبالتالي مع البيز بتعمل زنه ، طبعا هي مش راكبه كويس لان تحتها علطول خرطوم البزنيس ..

بأذن الله هركب بوردة mdf ومتأكد اني بأذن الله مش هحتاج حاجة تاني ..,

ألف شكر يا كبير وربنا يخليك

العفو يا باشا تحت امرك...... مفيش شك طبعا ان الرف بيحسن الصوت لكن ممكن تمنع الزنه بدون رف.... الموضوع هيتعبك شويه بس في الغالب الزنه بتروح

اقتباس:

---

المشاركة الأصلية كتبت بواسطة m7mda7md

العفو يا باشا تحت امرك...... مفيش شك طبعا ان الرف بيحسن الصوت لكن ممكن تمنع الزنه بدون رف.... الموضوع هيتعبك شويه بس في الغالب الزنه بتروح

---

الامر لله يا كبير ، ربنا يكرمك ويخليك ليا ..،

بخصوص منع الزنه هي مشكلتها أن في علايه مربوطة بـ 3 مسامير فقط ، لان المسمار الاخير مكانه فوق خرطوم البزنين فمش هينفع اني أقرط عليه أو اربطه ..

ألا لو كان عندك حل أخر لمنع الزنه أتمني تكرمني بيه ..

وألف شكر مرة أخرى يا غالي : )

احسن حاجة ترمى البيز على بازوكة او صب .. و تسيب السماعات تديك صوت و تربلات ..
هاتلك بازوكا وجى ام .. او صب و جى ام ,, واتفرج على الصوت هيبقا عامل ازاى هتدعيلى

موضوع الزنه ده ملهوش حل محدد و علي حسب الدنيا ف كل عربيه بتحاول تحل الموضوع.... و لعلمك بردو الرف الخشب ممكن يكون معاه زنه زي عندي و حطيت تحته قطن!!!!!!!!! عندك مثلا ممكن تلزق العلايه بسيليكون و فكر بردو مع نفسك كده ممكن تلاقي حل ولو عاوز تريح نفسك ركب الرف و ان شاء الله هيحسنلك الصوت كمان