الموضوع: توكيل مودرن موتورز - أسكندرية ...... أسواء توكيل ممكن تروحه

المشاركة الأصلية كتبت بواسطة nibrahim

انا بشكر كل الاعضاء اللى شاركوا فى هذا الموضوع

ردا على استفسار الاستاذ أحمد tv : الصوت ما بقاش موجود و لكن السؤال : هل لزق امير حيستحمل حر الصيف أو حتى مطر الشتاء ؟ ما أظنش أنهم قدمولى حل جزرى لمشكلتى ؟
أنا شاكر لاهتمام حضرتك برفع الموضوع لادارة مودرن موترز و لكن انا شايف انه مفيش داعى لذالك علشان بكل بساطة أنا مش عاوز اتعامل ثانى مع مركز مش بيحترم عملائه و مايسهليش علامة نيسان و إن شاء الله أروح اتعامل مع اتوايجيبت فقط علشان فرق الاحترام و الذوق و التقدير لكلام العميل .

كل عام و انتم جميعا طيبيين ....

ما انا قولتلك كل شيخ وليه طريقة .. الله واعلم ان حيستحمل ولالا .. وده اكيد شغلهم .. ومقدرش اقولك انه حيفك ولالا لانه مش شغلى ولا حد يفهم مننا فى ده

بس اللى اعرفه ان حضرتك ليك حق .. لو فعلا مفروض يتغير فى الضمان .. اذا كان الحاجات الكاوتش بتتغير فى الضمان .. لان اعرف ان اى حاجة رابر مش بتتغير .. وبترجع من سياسة مركز الى مركز .. عشان يهتموا بعملائهم .. وكان مفروض يهتم بحضرتك لان حضرتك من اسكندرية وعميله .. ومش مفروض انك تنزل مصر تعمل الصيانات هناك .. ولو المركز مهتم بعملائه كان مفروض المركز يتحمل تكلفة تغير الرابر ده اللى عايز يتغير .. عشان يرضى عميله .. ويعطيك معاد .. تروح تغيره وقت ما يتوافر

وتنازلك عن حقك .. وانك متروحش تانى .. يبقا كدا .. احنا محلناش حاجة وضيعنا حقنا كلنا .. لان اى مشكلة هى مشكلتنا كلنا .. لان وارد اى واحد فينا يتحط فيها ويحصل معاه كدا ..

فاحنا بدورنا فى القسم بنواجه السلبيات بتقويم محترم وبسرد التفاصيل بمتنهى الحيادية والاحترام .. زى ما حضرتك وضحت .. وكمان حضرتك حكيت هنا عشان توعى الناس .. ويجب لاكمال التوعية .. ان يكون فى شكوى واننا ناخد موقف .. عشان لو اتضح ان فى اى حد مهمل ياخد جزاءه .. لان لو تركنا اى مهندس تهاون فى حقنا واساء لمعاملة اى عميل مننا فى مركزه .. يبقا كدا الموضوع مالوش لزمة .. ويبقا كدا احنا بنضيع وقت وبتضيع حقنا وحقك

اسمحلى .. تبعتلى بياناتك فى رسالة خاصة .. عشان ابعتها للادارة .. عشان يكلموا حضرتك ويقوموا بالازم .. ويتحققوا من الامر

تحياتى ليك