توكيل مودرن موتورز - أسكندرية ...... أسواء توكيل ممكن تروحه
السلام عليكم و رحمة الله ،،،،
رمضان كريم يا اخوانى و كل عام و انتم طيبين ....
السبب لكتابتى هذه المشاركة ... هو لمشاركة اخوانى فى هذا المنتدى للتجربة السيئة التى مريت بها مع هذا التوكيل.
السيارة التى معى بفضل الله نيسان صنى 2012 الشكل القديم
القصة تبدأ كالاتى :
بسمع صوت تزييق من الزجاج الخلفى يمين عند فتح الزجاج و كنت فى عمل بالقاهرة
قولت ليه ما روحش توكيل أتويجيبت طالما المشكلة بسيطة و حلها أكيد حيكون سريع
المهم : حجزت و رحت و تم المقابلة مهندسة / أمينة : قمة الاحترام و الزوق
شرحت العيب .... : كشفوا على السيارة و النتيجة : جوان الزجاج يحتاج تغيير فى الضمان و لكن توجد مشكلة بسيطة بأن الجوان غير موجود سيتم طلبه من المصنع
أو ممكن تغيره فى أسكندرية بدل ما تسافر و تيجى ثانى
قولت أعمله فى اسكندرية .... و لكن هل فى فرع لاوتويجيبت هناك ؟؟ لا بس ممكن يتعمل فى اى توكيل ثانى معتمد من نيسان مثل مودرن موتورز طالما المشكلة بسيطة
حجزت ميعاد فى مودرن موتورز الاسكندرية ..... الساعة 10 صباحا
حكيت القصة لمهندس الاستقبال هناك و لكن كان واضح :
أولاا : أنه مستهيف الموضوع
ثانيا : مش مصدق اللى اتقاللى فى اتو ايجيبت
رد على المحترم : سيب لنا أحنا الكشف و احنا حنقولك على المفروض يتعمل
سألته أمتى الاستلام إن شاء الله : قاللى أنت شايف الورشة زحمة .... استريح فى الاستقبال و ربنا يسهل
روحت و قعد ... المهم : اخذوا العربية و ركنوها فى الشمس من الساعة 10 إلى الساعة 2.30 ظهرا و محدش قرب منها .
و أنا كل شويه أسال مهندس الاستقبال ... أه الاخبار و يرد على بعدم إهتمام إن شاء الله عنشتغل فيها
و بالصدفة علمت من عميل أخر أن المواعيد العمل ستنتهى 3
المهم قررت أدخل لمدير المركز و أشتكى .... دخلت قاللى اتفضل أه المشكلة ... شرحتله الوضع ... رفع السماعة أتاكد إننى حاجز و قاللى إن مشكلتك إنى ما قولتلهمش السبب العيب و انت بتحجز علشان كده اخروك لحد دلوقتى .
رديت عليه : و ليه انتو ما سئلتونيش عند الحجز ؟؟؟ ٍكت البيه المحترم و اللقى طيب بقمة البرود و التكبر
نده مهندس الاستقبال و قالوا اعملوا الللازم ...
قولت يا منت كريم يا رب كانت بالضبط 2.45 يعنى فاضل ربع ساعة و المركز يقفل
المهم المهندس ندى فنى الهياكل اللى اساسا ما كنش عنده ضغط شغل و جاء و فى يداه انبوبة لزء أمير و قطر و سبراى و بداء فى رفع الزجاج و تنزيله و رش سبراى و انا اقول لهم ان الجوان محتاج تغيير و هما يردوا لا مش محتاج
المهم قررت أننى مش عاوزهم يعملوا حاجة فى العربية و اننى عاوز استلمها و اننى حشتكيهم لنيسان إيجيبت
قاللولى ليه بس ده أحنا بنعملك الصح ....
المهم اخت عربيتى و انا فى قمة النرفزة بس ما كنتش عاوز افقد صيامى
كلمت نيسان قسم الشكاوى علشان اشتكى ردو عليا أن ما فيش حد يأخد شكوتى لان الناس روحت الساعة 3 و لما يجو ا حيردوا عليا
أقل ما يقال عن هذا المركز انو مش مركز ده " ورشة " و يمك ورشة التعامل فيها يكون أفضل
و الاسف الواحد ندمان ات ماركة محترمة ذى نيسان يبقى مستوى الخدمة فيها بالشكل ده
و أخيرا حسبى الله و نعم الوكيل ....
أسف على الاطالة .............