عندي مشكله مع فتيس جولف 2

**KaReeM10** · 12-08-2012 12:23 PM

الاول صباح الخير وكل سنه وانتو طيبين

دلوقتي انا كان عندي مشكله في الفتيس في عربيتي (جولف 2) وغيرته

الفتيس القديم كان 4 غيار .. جبت الجديد 5 غيار

المشكله بقى اني حاسس ان روح الغيار صغرت... او بمعنى تاني روح الغيار بقت ضيقه

مثلا: لما الار بي ام يبقى 30 على الرابع .. كان بيديني سرعه 110 كم/س

دلوقتي بعد ما غيرت الفتيس لو الار بي ام 30 على الخامس .. بيديني نفس السرعه تقريبا

وفي نفس الوقت لو الار بي ام 30 على الرابع يديني سرعه تقريبا 90 كم/س (اقل من الفتيس القديم اللي كان بيديني سرعه 110 مع نفس الغيار ونفس عدد اللفات)

السؤال: هل الكلام دي طبيعي ؟؟؟ يعني الفتيس ده كده مظبوك ولا في حاجه غلط ؟؟؟

انا كنت متوقع اني لما اجيب فتيس خمسه غيار واشيل الاربعه غيار هيديني سرعه اعلى وفي نفس الوقت يريح المكنه

يعني كنت متوقع ان مثلا الرابع هيديني نفس سرعته القديمه (110) مع نفس عدد اللفات والخامس بقى هيديني سرعه اعلي وعدد لفات اقل

حد ممكن يشرحلي الموضوع يا جماعه لو سمحتو ؟؟؟

شكرا جزيلا ليكو

**chiko** · 12-08-2012 04:34 PM

هقول لي سيادك .. في الجولف بالذات ..الفتيس بيختلف في حركته ..يعني مثلآ في الاتوماتيك بتلقي هما تلت غيارات فقط و مفيش رابعه ..لكن بيديك سرعه زيه زي الفتيس العادي ... و الفتيس الاربعه غيار يديك سرعه زي الخمسه ..و يمكن الخامسه يفوق عنه حاجه بسيطه .. الفرق بقي في راحة الماتور .. الخامسه يوفرلك عزم اعلي ... و سرعه اقل بين كل غيار و غيار .. اللي انت فيه ده شيئ طبيعي بشرط .. ان ميكونش عندك طقم الدبرياج تعبان و ده مهم جدآ جدآ