الموضوع: اداء فتيس لوجان اوتو

المشاركة الأصلية كتبت بواسطة wael elsaeed

طيب يا ريت الاخ جبريل يقولنا لو شايف اي عيوب في العربيه وهل سوقت ياباني او الماني قبل كده علشان تقارن ؟
هل فعلا فيه فرق شاسع بين الالماني واللوجان عالطريق؟
ياريت تفيدوني لاني بفكر اجيب اللوجان بس متردد شويه

العربية سعرها مقابل اللي بتديهولك مناسب جدا جدا و افضل عربية في السعر ده و لو قارناها بحاجة اعلى منها هنبقى بنظلمها

انا سقت الماني و ياباني و كوري و صيني و اوروبي و امريكي الحمد لله

محصلة العربيات اللي سقتها سواء مانيوال او اوتو ان كل عربية مختلفة عن اللي بعدها نظرا لأن كل شركة بتهتم بحاجة مختلفة عن الثانية

الاختلافات الواضحة بتبقى في جودة التقفيل و دي بتختلف على حسب البلد اللي العربية متقفلة فيها فمقلا الكورولا الجنوب افريقي لما ركبتها قلت ايه القرف اللي تويوتا عاملاه ده مقارنة بكورولا 2003

اللوجان لما تقارنها بالفيرنا و الانوس و الساجا و الافيو و العربيات دي كلها تلاقيها احسنهم الحمد لله

حتة التردد دي هتحسمها حاجتين:
1- انت محتاج ايه من العربية
2- تنزل تتفرج على العربيات اللي حاططها في دماغك و تقرر

المشاركة الأصلية كتبت بواسطة alaaosmanakl

شكرا استاذ/ جبريل
علي التوضيح . لكن معلش انا ليه سؤال بسيط . لو تسمح .
إية الفرق بين فتيس اللوجان اتوماتيك وباقي الماركات الأخري . ؟؟؟
أنا خلاص حجزت عند أباظة تريد . لكن يهمني اعرف فرق التكنولوجيا

اولا الف مبروك يا باشا و ان شاء الله تستلم على خير =)

ثانيا فتيس اللوجان الاوتو هو فتيس 4 سرعات عاااااااااااااادي جدا مفيهوش اي افتكاسة زيو زي فتيس النيو اكسنت مثلا و الكيا الريو و السيراتو ال4 سرعات استيبترونيك و الانسر الاوتو ال1300

فكرة الفتيس الاوتو ال4 سرعات واحدة و الشركات بتتنافس بقى في انها تخلي الفتيس نقلاته سلسة ، لما تحب تعمل كيك داون يبقى اداءه كويس، بعض الشركات بتحاول تخليه في الاداء قريب من المانيوال، شركات ثانية بتركز على استهلاك البنزين و هكذا ...

لكن في شركات ثانية بتعمل فتيس مش 4 سرعات في 5 و 6 سرعات علشان يوفر في البنزين و في نفس الوقت يريح العربية بس فتيس اوتو بردو عادي

في شركات زي فولكس جروب كلها دلوقتي دايسة في الفتيس الاوتو الdsg علشان تخلي اداء العربية مرضي جدا و ده فكرته ببساطة ان بيبقى فيه 2 دبرياج بس كهرباء واحد بيبقى معاه النقلات الفردي و الثاني الزوجي لما تبقى على الاول الدبرياج الزوجي يبقى بيجهز الثاني تنقل ثاني الفردي يجهز الثالث و هكذا

في شركات ثانية بتعمل فتيس الcvt زي ميتسوبيشي في الانسر ال1600 و نيسان في عربيات كثير زي الجوك و القاشقاي و ده بيبقى حلو في استهلاك البنزين و هدوء العربية و سلاسة النقلات و عن تجربة في الانسر ال1600 فتيس راااااااااااائع و ده فكرته ببساطة انو بيبقى متكون من ترسين و سير بينهم كل مالسير بيتشد بيغير النقلة لأعلى و كل ما يرخي بيغير للاقل

تويوتا بردو حبت تعمل فتيس الMMT اللي هو بيدي نفس عزم الاوتو بس منجحش في مصر مش عارف ليه

جنرال موتورز بردو عملت فتيس انا بعتبرو بردو من احلى الافكار للفتيس و هي الازي ترونيك زي اللي نازل في الاوبل فكترا و استرا 2008 و ده بيبقى فيه اسطوانة و ديسك و بلية حقيقيين و بيتاكلو بردو مع الوقت بس الفكرة ان الدبرياج كهرباء بس منصور ربنا يسامحوا معرفش يسوق للعربيات دي كويس و في نفس الوقت اعتقد مش متأكد انو مبيعرفش يصينو قوي

فورد بردو عاملة فتيس جديد نازل في الفوكس بس معرفش حتى اسمو ايه

الخلاصة ان التكنولوجيا في الفتيس بتتغير كل يوم عن اللي قبله و ان فتيس اللوجان هو فتيس عاااااااااادي جدا من اللي بينزل في معظم العربيات

المشاركة الأصلية كتبت بواسطة alaaosmanakl

يا باشا الف شكر
متشكر جدا علي الاهتمام والرد
وعلي المعلومات القيمة المفيدة

لكن هقول لحضرتك حاجة حساس بيها . وهي إن شكل الفتيس مختلف عن معظم اشكال الفتيس الاتوماتيك في باقي السيارات . فساعات بيجيلي احساس انه تكنولوجيا قديمة شوية .

يمكن انا معرفتش اوضح سؤالي من الأول . يعني الفتيس بالنسبة للنيو اكسنت والريو . منافس ليهم او زيهم ولا هو اقل تكنولوجيا في الاتوماتيك بالنسبة لباقي السيارات . ؟؟؟؟؟؟

طبعا انا عارف إن سعر العربية اوتوماتيك يعتبر مش غالي . واي عربية تانية فيها فرق سعر لازم طبعا يأثر علي تكنولوجيا السيارة . لكن حتي يطمئن قلبي فقط .

لأ لو حضرتك تقصد على الشكل فمعاك ان شكلو اتم و رخم و كلوا بلاستيك بس تصدق بقى ان الفتيس ده في التكنولوجيا بتاعتو اجدد من اللي في النيو اكسنت و الريو =)