تقرير أول واخر صيانة للفيرنا 2012 فى التوكيل
السلام عليكم
اشتريت فيرنا 2012 كاملة منوال وروحت عملت صيانة الـ 1000 الاولى فى توكيل ابو رواش
كلمتهم وحجزت الساعه 11 صباحاً يوم جمعه ومشيت من هناك الساعة 3:30 العصر:b4_444: مع انها صيانة 1000 ومش عارف هعمل ايه لو كانت صيانة الـ 60 ألف مثلاً كنت هفطر معاهم هناك ولا ايــه!!!
وانا هناك منتظر العربية قلت للمهندس اني عاوز اجنط 14 او 15 قاللى لأ طب ليه قاللي ان عفشة العربية مش مجهزة انها تشيل جنوط اكتر من 13 مع ان الكتالوج بيقول غير كدا!!!!!!!!
طب انا عاوز اركب انذار قاللى لأ طب ليه قاللى لان كدا احنا هنلعب فى الضفيرة ودا يخرجك برة الضمان قولتله طب انا هشتري الانذار واجيبهولك انت تركبه قاللي برضه لأ لان العربية نازلة باوبشنز معينة مينفعش تتزود قلتله مع ان الاوتوماتيك بتنزل فيها الاوبشنز دي قاللي برضه لأ
وصلت العربية ودفعت حق زيت شل الـ 10 الاف مبلغ 290 جنيه و جريت من هناك:b4_048:
ولاني مش مقتنع بالتوكيل دا ومش مطمن خالص لثبات وفرامل العربية نويت إن شاء الله إنى:
1- مش هروح اعمل الصيانة عندهم تاني ابداً انا هجيب قطع الغيار من عندهم عشان اضمن انها الاصلي واروح للميكانيك بتاعى هو اللي يعمللي الصيانة بتاعتها فى مواعيدها كل 10 الاف
2- هركب جنوط تايلاندي اسبور مقاس 14\60\185 وهيعملو حوالي 1500 جنيه
3- هجيب كوتش "هانكوك أرورا" الفردة عاملة 360 جنيه تقريبا
4- هخلي الجنوط والكوتش القديم ومش هبيعهم
ً
