عاجل .........عملية نصب داخل معرض سيارات شهير

**ronin81** · 27-06-2008 07:16 PM

تعرضت لعملية نصب في أحد معارض السيارات الشهيرة متعددة الفروع حيث كنت متعاقد على شراء عربية نيواكسنت بالتقسيط وكان سعر العربية ٨٠٠٠٠ جنيه ،وقمت بدفع ٢٠٠٠ جنيه عربون وتعاقدت مع البنك على دفع ٥٠٠٠٠ جنيه مقدم والباقي قرض من البنك بالتقسيط على ٥ سنوات وكان الكلام في بداية التعاقد على أن موافقة البنك على القرض لن تأخذ أكثر من ١٠ أيام و يكون الإستلام بعدها بيومين وطبعاً كل دة كان كلام في الهوا حيث أن موافقة البنك خدت ٢٥ يوم وبعد الموافقة وقبل ما ادفع بقية المقدم فوجئت إن المعرض بيقول إن غبور غلى سعر العربية ١٠٠٠ جنيه وبالتالي لازم المقدم يزيد ١٠٠٠ جنيه طبعاً اعترضت على زيادة السعر و غادرت المعرض وانا متنرفز و غالباً أفكر في الغاء التعاقد مع المعرض وعمل محضر بالواقعة ولكني أريد أن أعرف هل من حق المعرض الإحتفاظ بال-٢٠٠٠ جنيه عربون الحجز في حالة إلغاء التعاقد وهل تصرف المعرض من تغلية السعر بعد 25 يوم من التعاقد قانوني أم غير قانوني بغض النظر اني واثق إن ال ١٠٠٠ جنيه دي رايحة للمعرض مش غبور
أرجو المشاركة بالأراء يا رجاله لأني في حيرة وغضب من المعارض إلي بتكسب فلوس بالنصب وخداع الزباين

**Fouad Ezz** · 27-06-2008 07:48 PM

طب كان لازم تحدد لنا غسم المعرض

رغم إني شايف .. إن السعار غليت .. وهم ليس لهم ذنب؟!!!

**MohabSaeed** · 27-06-2008 07:57 PM

المشاركة الأصلية كتبت بواسطة mytutor2008

طب كان لازم تحدد لنا غسم المعرض

رغم إني شايف .. إن السعار غليت .. وهم ليس لهم ذنب؟!!!

بس الراجل حجز العربيه بالسعر المعلن وهو 80000 جنيه . مش ذنبه ان بسبب تأخير البنك فى الاستعلام العربيه غليت .

استاذ ronin81 تمسك بموقفك . حتى لو غبور غلى العربيه انتا حاجز على اساس ان العربيه ب 80الف جنيه , غير انى معتقدش انها غليت 1000 جنيه لانها اساسا معلهاش طلب كبير .

**Hassan Khalil** · 27-06-2008 08:02 PM

واحدة واحدة .. و ناخد الكلام من الاخر للاول ..
* بالنسبة لزيادة الاسعار 1000 جنيه .. انا سمعت فعلا ان غبور غلي بعض موديلاته .. لكن معرفش النيو اكسنت منهم و اللا لأ..اسأل في غبور بالتليفون .. اذا كانت غليت .. يبقي خلاص ..
* للاسف ما دام انت مش حتشتري كاش .. فالمعرض او الوكيل بيكون غير ملزم بالسعر اللي اتفق معاك عليه وقت التعاقد .. لان .. زي ما حضرتك قولت .. الاجراءات خدت شهر كاااامل .. و بالتالي هو مش حيحجز عربية باسمك و يوقفها طوال الشهر .. هو مش بيحجز غير لما موافقة البنك بتيجي.. ساعتها بيحجز العربية بالسعر الجاري في السوق .. و مادام غلي السعر عليك يبقي حاجة من اتنين .. يا اما مكانش حاجزلك العربية اصلا .. يا اما انه وجدها فرصة لربح 1000 زيادة ..
و في الحالتين .. المعارض كتير .. سيبه وروح واحد تاني .. اذا كانت مغليتش خد من المعرض التاني بالسعر العادي .. و اذا كانت غليت يبقي تتعامل مع ناس تانية اكتر احتراما .. و ما اكثر اللي بيبيعوا هيونادي في بلدنا المحروسة .
* في حالة الغاء الحجز لا يحق للمعرض الاحتفاظ بال 2000 حنيه .. معاك الايصال .. و صور صورة منه .. و اذا رفضوا يدولك فلوسك روح علي حماية المستهلك .. بس هما مش حيرفضوا .. و اذا قالولك العربية اتحجزت باسمك او اي حاجة من الكلام ده .. كل ده كلام فارغ .. ما دام العربية لم ترخص .. يبقي الفلوس من حقك .
*بنك ايه اللي موافقته بتاخد 25 يوم .. دا اغلس بنك فيكي يا مصر ( بنك ناصر ) موافقته اخدت معايا 15 يوم .. يبقي مين اللي بياخد 25 يوم ده ؟؟؟
* ياريت تعلن اسم المعرض للاعضاء بغرض الافادة و التحذير ..
تحياتي

**zakiali** · 28-06-2008 01:16 AM

حصل برده نفس الكلام مع واحد صاحبي كان حاجز الفيرنا بنفس النظام والتقسيط من بنك ناصر .. والمعرض قاله دي غليت الف ونص

**mero5005** · 28-06-2008 01:27 AM

اراهن على مليون جنيه المعرض ده المصريه ودى حركات سيتى بانك
*****بتوع المصريه و اخوه اوتوسمير تلاقى العربيه فى الجرنال بسعر ولما تروح يقولولك سعر تانى خااااااااااالص
مثال اللانوس كاتبين هاف ب 63 ونص وده كددددددب لان السعر ده عند الوكيل وهما بيبيعوها ب 67 الف وانا عانيت الامرين من حكايه التضليل فى اسعار الجرائد دى
على العموم انا كنت بجيب لانسر من التوكيل وبيبقى مكتوب فى العقد يحدد السعر عند الاستلام والله بعد ما استلمت بربع ساعه جاتلهم الاسعار الجديده والعربيه غليت الف جنيه ( حسيت انها كانت طالعه من عنيهم) بس فدى مش مشكلتهم الزياده عليك وبخصوص الحجز فلوسك بترجعلك ولا بتنقص مليم

________________
تم التعديل بواسطة الاشراف...

**kemoelord** · 28-06-2008 01:31 AM

تم الحذف لعدم وجود محتوى
الإشراف...

**shalaby2001** · 28-06-2008 02:57 PM

انا كمان خايف يحصل معايا كده

**aif** · 28-06-2008 03:28 PM

انا شايف ان ده مش نصب .....
هل هما لهم اي دور في تأخر البنك بالشكل ده ....
اتأكد من التوكيل ان الاسعار زادت ...
لو مارضيوش يدولك المقدم اللي دفعته ... ده اللي يبقى نصب
ممكن تخلي واحد صاحبك يتصل بيهم ويطلب الاسعار عشان يحجز زيك كدة وشوف ح يقولوله السعر كام ... لو قالوله السعر الأقل ..... يبقو كده نصابين
ولو قالوله السعر الجديد الأعلي يبقى الاسعار زادت فعلا ...

الموضوع: عاجل .........عملية نصب داخل معرض سيارات شهير

LinkBack

أدوات الموضوع

عرض

-

-

-

-

-

المواضيع المتشابهه

ابويا داخل الصبح المستشفى يعمل عملية - بالله عليكم ادعوله

عملية نصب جديدة من نوعها داخل كارفور

عاجل جدا:عملية تركيب الشرائح والمسامير تتكلف كام.

عاجل ... ستة اطفال محتاجين عملية قلب مفتوح فى دار الفؤاد

الكلمات الدلالية لهذا الموضوع

المفضلات

المفضلات

ضوابط المشاركة