السلام عليكم وكل عام وانتم جميعا بخير
بما يرضى الله احتاج اراء محايده من كل النواحى(عفشه موتور صيانه مصاريف معقده ام لا مشاكل كبيره او صغيرة .........الخ) عن السياره التيجو 1600 لأنى وبأذن الله لو اطمنتلها ساشتريها مستعمله مو2010
عرض للطباعة
السلام عليكم وكل عام وانتم جميعا بخير
بما يرضى الله احتاج اراء محايده من كل النواحى(عفشه موتور صيانه مصاريف معقده ام لا مشاكل كبيره او صغيرة .........الخ) عن السياره التيجو 1600 لأنى وبأذن الله لو اطمنتلها ساشتريها مستعمله مو2010
بما يرضى الله فكك منها ولو بجنيه
فكر فى غيرها احسن يابانى او كورى
الاخوة الافاضل .. هل تملكون السيارة ؟؟ ولا بما يرضي الله لأ ؟
بما يرضى الله ... انا معايا 620 وهى مريحه ومشاكلها زى اى عربيه من اغلب الماركات وبالنسنه للتيجو انتظر حد من الآعضاء تكون معاه ويفيدك .... وعموما اى سياره من اى ماركه لازم من المحافظه عليها ومتابعه إصلاح الأعطال اولا باول .
انا بامانه معييش السياره وبقول لما يرضى لله للاخ الي عايز يشتري مترميش فلوسك في الارض
مش هنقعد نهاتي بقى ونجيب امثله واصحاب العربيه يردوا لا اصل بتحصل في عربيات كتير اصل مش عارف ايه اصل بتاع ايه
العربيه جودتها لا ترقى انها تتركب ومش هتستحمل وشكرا
المشكلة ان فيه ناس لغاية دلوقت مصممة تنصح عن غير علم ومش عارف هى هتستفيد ايه
على العموم احنا هنشوف المميزات الاول
من ناحية الثبات جيده جدا وخصوصا انا بحب الجرى ومشوارى كل يوم للشغل بيخلينى اطلع الدائرى يوميا 80كيلو رايح جاى وحصلت معايا مواقف كتير اثبتت العربية فيه انها ممتازة فى موضوع الغرز رغم علوها عن الارض
من ناحية الامان :معاك فرامل abs بتوفر عليك المرواح للسمكرى كتير وده بالاضافى للوسادتين واللى ان شاء الله مش هتستخدمهم
لو من حيث السعر يبقى انت بتركب ارخص عربية فى فئتها وبجميع الكماليات
علو عن الارض مش بيخليك تفكر فى المطبات وازاى تاخدها
المساحات داخل العربية كبيرة وممكن تتطبق الكراسى فى الخلف يبقى معاك عربية نص نقل (انا شلت فيها حمولة نصف طن
العيوب : ممكن السحب على الاول والتانى ضعيف شوية علشان تقل العربية بس من الثالث وسع يا معلم
التقفيل من جوه مش قد كده
وعلى العموم اكيد الاعضاء اللى معاهم العربية مش هيبخلوا عليك بالنصيحة اللى عن تجربة
وربنا يوفقك لكل خير
لاسف والله ياشباب احنا عمرنا ماهنتغير وهنفضل نحكم عالاشياء بدون علم ولا تجربة وهوا دة الى جايبنا ورا
انا معايا m11 وبسم الله ماشاء الله ربنا يبارك فيها عربية فى منتهى الاحترام وقبل ماجيبها سمعت راى ملاكها فقط لاغير
وسامحونى لم احترم رأي اى شخص مجربهاش لانه رأى فى الهوا على رأي بوحة ( اى كلام بيتقال ياعم الحاج )
انا قولت معييش السياره مقولتش مجربتش
احساسي لما جربتها هو هو ردودي الي فاتت
الاخ الي بيتكلم على ال m11 مالها دي بالموضوع اساسا
دي يمكن انضف عربيه نزلت من سبيرانزا وان كنت برضو فاكر ان في عضو معانا هنا قال تجربته وكان مبسوط بيها اوي وفي نفس الوقت جابت منه مساعدين على 30 الف وكان بالنسباله عادي اوي ان عربيه زيرو على 30 الف المساعدين تخستع
بقولك ايه الشعب ده فتك زياده عن اللزوم وبيحب يركب العربيات الي مفيهاش اعطال كتير والمضمونه
والتيجو سعرها زي سعر عريبات كتير رخصيه لو كانت بالكفاءه المذكوره كانت زمانها انتشرت زي الفيرنا
على فكرة مشكلة المساعدين على 30000 كيلو مش مقياس على سوء السيارة
ادخل على اقسام كتيرة وانت تشوف عربيات بتدفع فيها فوق ال150000 وتلاقى عيوب قاتلة
والغرض من الكلام ان الحكم على العربية هى مش ان انا اركب العربية مشوار يبقى احكم عليها
انا بقول رأى عن تجربة سنتين و4 شهور وبعد 59000 كيلو علشان كده قلت ايه المميزات والعيوب من وجهة نظرى
لكن ابعد وخلاص وهترمى فلوسك وانا نصحتك .....متهيألى كلام مش هيفيد حد
وبالنسبة لانتشار العربية ....العربية انتشرت انتشار واضح بالنسبة للعربيات اللى فى فئتها ومش لازم تكون انتشرت زى الفيرنا لان الفيرنا فئة تانية وسعر تانى
يا جماعه انتوا اشتريتوا العربيات دي وربنا يباركلكوا فيها باذن الله ويديكو خيرها ويكفيكوا شرها
انا مش هقعد اتكلم على عيوب خلاص لاني لو من ملاك العربيه هتدايق وهدافع عنها
وكده كده هي عريبه بالنسبه لحد طالع من عربيه من العربيات زي الفيات القديم وكده اكيد هيحس انها ممتازه
بس انا رايي جودتها كعربيه انا قولته اللهم اني قد بلغت اللهم فاشهد
انا مش هرد تاني في الموضوع ده
الي عايز يريح نفسه
انا اسف ياجماعه وانا كنت غلطان
دي عربيه ممتازه لازم الشعب كله يشتريها
نفسى ان الموضوعات كلها ترقى لمستوى اعلى من كده
نفسى لما حد يسأل سؤال بعشم ويكون عايز الافادة يلاقى الرد المناسب
نفسى لما نسأل سؤال عن عربية معينة اللى يرد علينا واحد من ملاكها مش واحد سمع عنها
نفسى نبطل هجوم من غير سابق تجربة ونبطل تشويه فى سمعة عربية بعينها
نفسى لما نجاوب عن سؤال نكون واثقين من اجاباتنا
نفسى منقلبش موضوعاتنا مجالا للتعصب والنقاش الحاد
انا عن نفسى مبحطش رد فى موضوع الا اذا كنت واثق ومتأكد منه برغم انى بدخل على موضوعات كتيرة والدليل على كده ان ده اول رد احطه فى موضوع التيجو برغم انى دخلته كتير ومتابع كل الردود بس العربية مش معايا فمقدرش افتى .. انا ركبتها مرة ومش انا اللى كنت سايق بس حسيت انها جميلة لكن مقدرش اقول انها البريمو الا لما تكون معايا.
حتى الام 11 اللى هى معايا لو فيه سؤال انا معرفش اجابته يا اما مش برد يا اما بقول مش عارف واتمنى الكل يعمل كده.
المحزن فى الموضوع ان اصحاب الهجوم دائما او غالبا هم غير ملاك العربية اللى هم مركبوش العربية مرتين تلاتة على بعض .. لو هى كده فعلا احنا مستحملنها ازاى ده احنا لينا الجنة بقى.
كل سنة وانتم طيبين وتحياتى
انا عايز اعلق بس علي موضوع الانتشار
نفسي اعرف الاخ حماده المصري بيقول انها لم تنتشر علي اي اساس
يمكن احنا نظرنا ضعيف ومش شايفين التيجو في الشارع منتشره ازاي
ياراجل ياطيب
مش منتشره
طب ازاي
فكك منها
ولا مثيرة ولا حاجة ... العربية معايا من 2008
انا شايف بصراحة انها متستاهلش
غير معاناتي مع الوكيل الزفت بتاعها
أنا مش من ملاك العربية بس جربتها راكب وسايق جوه البلد وطريق مفتوح كذا مرة بحكم إنها مع واحد صاحبي
رأيي الشخصي إنها كويسة في حاجات كتير ومريحة فالمشاوير القصيرة بس أنا تعبت لما سافرت بيها وكنت راكب ورا -ماسافرتش أنا بيها -
اللي أنا جربتها كانت 2.0 auto وبصراحة حمالة أسيه من تحميل جامد وجري
معرفش ال 1.6 ظروفها إيه وال options اللي فيها إيه بس أنا شفت منها كتير جديد فـأكيد كويسة برده
لو مقتنع بيها اتكل على الله ومستلمش دماغك لحد عشان ماتكرهش العربية بس يستحسن طبعا تجربها قبل متشتريها
وكمان ياريت تكشف عليها كويس قوي عشان لو كانت متبهدلة هتتعبك وهتخنقك من العربية والكلام ده ماشي على العربيات من أول ال 126 لحد الفئة السابعة
العربيه معايا 2012 وعامله 21000 كيلو بدون مشاكل كبيره غير بعض مشاكل التجميع المصري الزباله في كل حاجه لكن هيا كعربيه ممتاااااااااااااااازه بصراحه في كل حاجه ( صيانه سهله وقطع غيار نتوفره ورخيصه وعمرها الإفتراضي مقبول وثبات ممتاز ع الطريق وتكييف وصالون رااااائعين وتوكيل مقبول من وجهة نظري لأني شايفهم بيحاولوا يطوروا ويحسنوا من خدماتهم وده دليل على أنه توكيل كويس ينقصهم بس انهم يهتموا بتجميع العربيه كويس لأن فيها عيوب صناعه لكن مجرد ماتتحل خلاص وبرضه مش عيوب جامده يعني ... من الأخر أستخير ربنا واللي لك نصيب فيه هتلاقيه ... ونصيحه أخيره أول ماتجيبها طلع حاجه لله ... الموضوع ده فرق معايا كتير ... وربنا يكفينا وإياكم شر الطريق وعيون الناس .