اراء محايده

**DEDOPETER** · 13-08-2012 01:54 AM

كل عام وانتم بخير
احتاج المساعده باراء محايده عن الفيرنا من كل النواحى لانى قادم على شرئها
ولكم جزيل الشكر

**Samir Elshahawy** · 13-08-2012 02:30 AM

كل عام و حضرتك بخير و صحة و سلامة

ياريت حضرتك تقول لنا علي أحتياجاتك من العربية أيه .... بمعني :
- هل بتسافر كتير
- هل أسرتك كبيرة أم صغيرة
- طبيعة الطرق اللي بتستخدم فيها العربية
- هل سواقتك هادية أم رياضية (يعني بتحب الجري و الشد)
- كمان ياريت تقول لنا حدود ميزانيتك كام علشان يمكن الاخوة يفيدوك في نوع أخر غير الفيرنا اذا كانت أمكانياتك تسمح

**m7mda7md** · 13-08-2012 05:57 AM

ابرز عيوب الفيرنا فراملها الذباله و الثبات تعبان.....يعني لو مش هتعدي ال 120هاتها و انت مطمن....لو ليك في الجري او حاسس انك مش سواق جامد يبقي بلاش منها.....ممكن يكون صالونها مش واسع و ده يحدده استخدامك....قطع غيارها رخيصه و معمره و موجوده عند البقال.....لو حد قالك مش معمره قوله يبقي انت استخدامك سئ جدا جدا جدا...فيرنتي من يوم ما جبتها ونا بحرق علي الموتور و مطلع عينها و اصلا ونا بشتري فضلتها عن عربيات تاني انضف منها عشان بس سحبها و عاوز اقولك انها دلوقتي ماشيه اكتر من 45ألف كيلو و الحمد لله ما شاء الله ما غيرتش حتي تيل فرامل...و لو تسمع عن السيراتك حطيته من فتره قريبه جدا و الزيت منقصش عشان مفيش تآكل في الموتور...زي ما قولتلك الفرامل و الثبات