الموضوع: اتخانقت مع عربجى مكروياص من شويه

انا كلامي محدد ، اللى يلف لليمين لازم ياخد الحارة اليمين مش من الحارة اللى جنبها وده اللى بقول عليه غلط

كلامك صح بس المفروض اخد اليمين قبلها ب 500 متر ولا من اول مشوارى اللى هو 15 كيلو افضل يمين؟؟

معظمهم مبرشمين ومحششين ابعد عنهم افضل

عندك حق صدقنى

دول عالم ولاد ستين في سبعين العيب ع اللي سايبهم طايحين في الناس كل يوم قرف منهم
و انهاردة لسه متخانق مع سواق ميكروباص برده في الحي العاشر و الناس في الشارع واقفين عشان يحموه لولا ان معايا الأسرة كنت روحت فيه في داهية غلطان و خبط العربية و رايح يتحامي هناك عشان بتوع اسيوط و سوهاج بلدياته
و مش لاقي حتي عسكري هناك في موقف الحي العاشر ده بقي و لا ميدان المطرية ع الاقل ميدان المطرية فيه شرطة و ساعات بينظموها انما العاشر مفيهوش عسكري حتي واقف و كلها خلطبيطة

بقت حاجة تقرف سايس في كل مكان ناقص الاقي واحد عند البيت لأ و يقولك كمان هو عايز كام و لا اللي واقفين في روكسي يقولك 3 جنيه التذاكر و 2 ج ليا ههههههههه
نخلص منه نلاقي ركنات الناس محتلاها عشان المحلات اللي يحط حجر و اللي يحط حديد و يقولك متركنش هنا و تخلص ع تطليع مطاوي نخلص منهم يطلعلنا سواقين ولاد ستين في سبعين و يا ريت ميكروباصات و نقل بس ده التكاتك ماشية في الشوارع و ع الدائري و واخدين الحارة الشمال كمان
و في الأخر يتقالك أصل انت اللي غلطان كبر دماغك عندهم حق غلطان ان الواحد بيسوق عربية و غلطان ان الواحد بينزل الشارع و غلطان اني عايش اساسا

و ع راي eng f3lix مبقاش ينفع غير التعامل بنفسك لحد ما الدنيا تتظبط مهو مش هتسكت و واحد جي بيضربك ده دفاع عن النفس

مش عارف اقولك ايه..بس كل يوم بنعيش فى المأساه دى
طب نعمل ايه؟؟نبيع العربيات ونرجع للمكروباصات والاتوبيسات؟؟

بص نصيحتى ليك سواء انت مخطىء ام لا حاول بقدر الامكان تتلافى هذا النوع من البشر لانك مش هتاخد منه لاابيض ولا اسود انا عملت حادثة بعربيتي وانا واقف مكانى فى شارع زحمة وجه واحد ميكانيكي بعربية 128 انا وقفت لما لقيت الشارع واقف وببص فالمرايا شايف الافندى جاى يجرى قلت اكيد هيفرمل وعينك ماتشوف الا النور نزلت لقيت الشنطة دخلت لجوة شوية وهو عنده حدث ولا حرج طبعا انا عارف ان مش هاخد منه لاحق ولا باطل فبقي ده الطبيعى وتانى يوم عربية سيات بتلف من ملف ونص العربية بقت بعد الملف انا واقف الناحية التانية راكن بمعنى اصح وسواق المكروباص جاى بيجرى عايز يعدي قبل السيات مايلف وهو حاجة من اتنين ييخبطنب انا اللى واقف يايخبط السيات وبالفعل خبط السيات اللى بيلف وطبعا نزلو اتخانقو ومشي ولا اكن فيه حاجة حصلت وحمدت ربنا انى محصلش عندى حاجة تانى لانى مش ناقص واليوم اللى بعدها انا واقف منتظر والدتى وراكن جنب الرصيف وشايف الشارع واقف ويجي ميكروباص واخد اليمين قال ايه نصاحة هيمشى شوية عشان يكسرعلى اللى واقف قدام ويدخل ادامه البيه اخد اليمين وبيجري وعربية خارجة من شارع جانبي راح واخد له الجانب الشمال وسابه ومشي عايز حاجة اكتر من كده نصيحة اخوية متتخانقش مع الفئة دى

صح كل كلامك..انا اى خناقه دخلتها بسبب خبطة مخدتش منها غير البهدله وقله القيمة