ممكن يكون العنوان غريب لكن انا اختارته لسبب
لأن تقريبا كلنا هنا أو اغلبنا بنفكر بنفس الطريقة
نيجى للسؤال
انا معايا دلوقتى لانوس - والمفروض انى هاشدها شده صح ان شاء الله كمان شهرين والشده ديه مش هاتقل عن 3000 أو 4000 جنية
تقريبا عربيتى اتفصلت لى ب 41000 - 42000 على حالتها
السؤال بقى أشد العربية فعلا ولا أجيب عربية تانية فى حدود ال 48000-50000
طبعا السؤال ده سؤال عادى
لكن السؤال اللى موجه لرجالة الدايو اجيب ايه ؟؟؟؟؟؟؟؟؟؟؟؟؟؟؟؟؟
انا كنت بفكر فى النوبيرا جداااااااااااااا لكن تراجعت لكذا سبب أهمهم انا مش ناعمة واستهلاكها فى البنزين عااااالى جدا
طيب لو هاجيب - اجيب ايه يا رجاله
طبعا كلنا بنفكر بنفس الطريقة - بمعنى انا عايز عربية اقتصادية ثباتها محترم لغاية ال 120-130 كيلو
تكيفها محترم وده مهم جدا - ويا ريت تكون ناعمه - وعايزها مانيوال مش اوتوماتيك
العربيات اللى فكرت فيها
النوبيرا للأسف رينج الاسعار من 48000-54000
أوبل فيكترا 2002 أو 2003 - 1600 cc رينج الاسعار من 52000-64000
النترا 2004-2007 - بس للأسف هيه غاليه شويتين عليه 55000 - 68000
نيجى بقى للخلاصه
ايه رأيكم فى العربيات اللى انا بفكر فيها لأنى فعلا زهقت وقرفت من اللانوس جداااااااااااااااا - والله انا بركب موديل 2010 وبحس انها غساله
اقرب الاحتمالات تنفيذا ليه هيه النوبيرا فهل أتوكل على الله ولا رأيكم ايه
أخر حاجة واحد صاحبى شغال فى العربيات قال لى اشترى لك عربيه متهانه بس اساسيتها كويسه - بمعنى انك تشترى بالعافية ماشية ويوم ما تشتريها تغير لها كوتش وعافشة وبطارية وسمكرة ودوكو وفرش وممكن لو وصلت كمان لموتور مفيش مشكلة لكن المهم تبقى أساسياته سليمه من وجهة نظره ان ده هايبقى احسن بكتييير وهو بيقول لى ان عربيات الشركات هيه اللى هاتلاقيها بالحاله ديه
كل سنة وانتوا طيبين