اشتريت نيسان صني (2013) أتوماتيك - العيوب - ياريت تساعدوني

**manwela8** · 13-08-2012 08:32 PM

المشاركة الأصلية كتبت بواسطة mshmshm3

[/right]
[/right]

- بس مش منطقي اجيب عربية ب 100 ألف ويبقى فيها العيوب دي بعد 1900 كم !! أنا مش لاقي الفلوس في الشارع ولو الموضوع ماتحلش أنا هاكبر الموضوع وأشتكيهم.
- هاشوف موضوع الزيت انشاء الله.

**manwela8** · 13-08-2012 08:33 PM

المشاركة الأصلية كتبت بواسطة hossam_elwani

مبروك عليك وهيا العربيات كده ارف وانت وحظك مهما كانت الماركه

الله يبارك فيك..والله العظيم أنا مضايق جداً.

**manwela8** · 13-08-2012 08:43 PM

المشاركة الأصلية كتبت بواسطة Ahmed_Rahem

السلام عليكم
اولاً الف مبروك العربية وربنا يكفيك شرها ويباركلك فيها.
بالنسبة لملاحظاتك فتعليقى عليها تحت باللون الاخضر

ونتمنى وجودك فى مقابلتنا الدورية ان شاء الله.
اخر حاجة انت بتروح انهى مركز صيانة؟؟

والسلام ختام

الله يبارك فيك متشكر جداً.

1- المشكله اني ماكنتش سامع الصوت ده قبل صيانة الـ 1000 ! والصوت بيطلع أول مادوس على زرار AC .. هتأكد من موضوع التدوير ده وأرد عليك.

2- بس حاسة عالي شويتين !

3- الصوت مابنش ولا مرة وسبحان الله أول ما أمشي كل الأصوات اللي في العربية تبان..المرة الجاية هاخد المهندس ونطلع الدائري !

4- والله التكتكة أنا بالاحظها بعد ماجيب 60 وأزيد عنها..امتى المقابله الجاية أنا سكن في المعادي ؟

5- هوه الكاوتش ده شكله هايقرفني !! كان لازم يجربوه فينا ويسترخصوا !! هحاول أضبط زوايا في أي مكان وأشوف.

6- أنشاء الله هتابع.

7- الحمدالله.

8- حاسس التسارع وتجميع السرعة بياخد وقت !

9- فعلآ هاستنى بيه شويه لما أشوف أخرتها ايه.

10- الرقم المختصر ده بيبقى استيكر أبيض صح ؟ أنا قصدي على الـ 3 استيكرات الشفافة اللي مكتوب عليهم ok.

أنا بروح صيانة السبع زهراء المعادي هل ده كويس ؟؟

منتظر ميعاد التجمع القادم

وشكرا لاهتمامك

**engamin** · 13-08-2012 08:56 PM

صوت العجل وانت دايس فرامل وبتلف الدريكسون والعربيه واقفة دا عادى انا عندى الصوت دا لانك وانت دايس فرامل وبتلف الدريكسون بيبقى تيل الفرامل ماسك الطنابير علشان العربية ماتمشيش
والتكه اللى موجودة فى بدايه تشغيل التكييف عندى بردو
انا عندى صوت تزييقة مجننى ورا بيبان فى الطرق المكسرة واحيانا فى المطبات بس ان شاالله ناوى اروح التوكيل بعد العيد

**wsamir** · 13-08-2012 10:02 PM

باشا استمتع بالعربية و متضايقش نفسك كل العربيات بيبقى فيها مشاكل الحاجة الوحيدة المهمة بس انك تراجع موضوع رشح الزيت اما باقى الاشياء ليست مشكلة كبيرة موضوع الصوت اللى مع الفرامل ده طبيعى فى الاتوماتيك انا لما اكون واقف و اسيب رجلى من الفرامل براحة اسمع صوت احتكاك الطنابير بالفرامل لكن اداء الفرامل جيد جدا سحب الاتوماتيك مختلف عن المانيوال انا بردة حسيت بلموضوع ده لانى كنت راكب مانيوال تجميعها اسرع بكتيير صزت الكاوتش ده فى الاغلب ظبط زوايا او نوع الكاوتش غير جيد موضوع الزجاج ممكن تكون فى حاجة فى المجرى بتاعتة ظبط مش اكتر المهم ان الحاجات كلها بسيطة لن تجد عربية كاملة فى كل شىء موضوع الحك ده انا العربية اتحكت من الجنب من 3 يوم عادى مفيش عربية فى مصر مش كده
ربنا يباركلك فيها و يكفيك شرها

**popo2012** · 13-08-2012 10:11 PM

روح اوتو ايجيبت يمكن يوجد حلول للمشاكل باذن الله.

**manwela8** · 13-08-2012 10:11 PM

المشاركة الأصلية كتبت بواسطة engamin

صوت العجل وانت دايس فرامل وبتلف الدريكسون والعربيه واقفة دا عادى انا عندى الصوت دا لانك وانت دايس فرامل وبتلف الدريكسون بيبقى تيل الفرامل ماسك الطنابير علشان العربية ماتمشيش
والتكه اللى موجودة فى بدايه تشغيل التكييف عندى بردو
انا عندى صوت تزييقة مجننى ورا بيبان فى الطرق المكسرة واحيانا فى المطبات بس ان شاالله ناوى اروح التوكيل بعد العيد

صوت التكتكة ده أكتر حاجة مضايقاني بجد وشكيت في الماصورتين الحديد الصغيرتين اللى ممسوكين ببلاستيكه برتقالي وموجودة في شنطة العربية وخليتهم في الصيانة يربطوهم كويس بس لسة الصوت موجود.

**Youssef.Awad** · 13-08-2012 11:38 PM

يافندم 1000 مبروووووووووك اولا واخيرا على انضمامك لعيلتنا ملاك النيسان فى مصر ..

احب اطمن حضرتك ان اى عربية فى العالم كله اول ما بتنزل بيكون فيها ملاحظات بتظهر عند الاستعمال الفعلى فى الشوارع لم تظهر اثناء الاختبارات التى تجرى على العربية قبل خروجها لمعارض البيع .. ولكن الملاحظات دى بتكون بنسب متفاوتة
علاوة على ان اصوات تشغيل اى عربية مختلفة عن الاخرى وانا مقدر ان حضرتك وكلنا - لا اراديا - بنقارن الاصوات الصادرة عن العربية الجديدة مع عربياتنا السابقة

وعربية حضرتك هى هى نفسها بنفس المواصفات بتنزل فى السعودية ومصنعة فى الهند بنفس كاوتشات الماكسيس والشماسات المعكوسة ب57 الف ريال .. ولو ان التجميع المصرى غير جيد .. ما كانت مرسيدس وbmw الالمانية تُجمع بكافة طرازاتها فى مصر وغيرها الكثير
وايضا ليس معنى هذا ان السيارات المستوردة من المانيا والتشيك وكوريا وتركيا واليابان وجنوب افريقيا تخلو من الاخطاء والعيوب (مع الاخذ فى الاعتبار فرق المعاملة اذا ذهبت الى وكلائهم مطالبا بحقك .. فحدث ولا حرج !!!)

فالاهم من الملاحظات مهما صغرت او كبرت .. وجود وكيل محترم وصانع اكثر احتراما لا يألو جهدا لتصحيح الخطأ

ودعنى اذكر تحديدا مشكة التزييق او الاصوات الصادرة من المساعدين الخلفيين فى الطرق الغير ممهدة وعند تجاوز المطبات .. الكل مؤمن بوجودها وحدوثها من مهندسين مراكز صيانة نيسان فى مصر
والمشكلة دى فى طريقة للحل باذن الله قريبا بعد دراسة كيفية اعادة تصميم الجزء العلوى من المساعد وابلاغ الموردين للأجزاء المجمعة فى المصنع بتعديلها

وانا شخصيا باعتبر المشكلة دى زى مشكلة الضفيرة فى الصنى القديمة .. شكلت تحدى كبير امام المصنع خاصة فى موديلات 2010/2011 والحمد لله تم التغلب عليها بكل شفافية واستبدالها فى فترة الضمان وهى اعداد لا يُستهان بها ابدا !!!

ثق تماما انك لم ترمى فلوسك على الارض ويكفى انك تتعامل مع وكيل محترم وتركب سيارة سعرها مناسب جداااا لمواصفاتها

والمطلوب فقط هو الصبر والمطالبة بحقك عند كل صيانة حتى ترضى تماما عن حالة سيارتك وجميعنا لن نبخل بمساندتك حتى ترضى عنها ..

**hossam_elwani** · 14-08-2012 01:24 AM

المشاركة الأصلية كتبت بواسطة y2y1500

يافندم 1000 مبروووووووووك اولا واخيرا على انضمامك لعيلتنا ملاك النيسان فى مصر ..

احب اطمن حضرتك ان اى عربية فى العالم كله اول ما بتنزل بيكون فيها ملاحظات بتظهر عند الاستعمال الفعلى فى الشوارع لم تظهر اثناء الاختبارات التى تجرى على العربية قبل خروجها لمعارض البيع .. ولكن الملاحظات دى بتكون بنسب متفاوتة
علاوة على ان اصوات تشغيل اى عربية مختلفة عن الاخرى وانا مقدر ان حضرتك وكلنا - لا اراديا - بنقارن الاصوات الصادرة عن العربية الجديدة مع عربياتنا السابقة

وعربية حضرتك هى هى نفسها بنفس المواصفات بتنزل فى السعودية ومصنعة فى الهند بنفس كاوتشات الماكسيس والشماسات المعكوسة ب57 الف ريال .. ولو ان التجميع المصرى غير جيد .. ما كانت مرسيدس وbmw الالمانية تُجمع بكافة طرازاتها فى مصر وغيرها الكثير
وايضا ليس معنى هذا ان السيارات المستوردة من المانيا والتشيك وكوريا وتركيا واليابان وجنوب افريقيا تخلو من الاخطاء والعيوب (مع الاخذ فى الاعتبار فرق المعاملة اذا ذهبت الى وكلائهم مطالبا بحقك .. فحدث ولا حرج !!!)

فالاهم من الملاحظات مهما صغرت او كبرت .. وجود وكيل محترم وصانع اكثر احتراما لا يألو جهدا لتصحيح الخطأ

ودعنى اذكر تحديدا مشكة التزييق او الاصوات الصادرة من المساعدين الخلفيين فى الطرق الغير ممهدة وعند تجاوز المطبات .. الكل مؤمن بوجودها وحدوثها من مهندسين مراكز صيانة نيسان فى مصر
والمشكلة دى فى طريقة للحل باذن الله قريبا بعد دراسة كيفية اعادة تصميم الجزء العلوى من المساعد وابلاغ الموردين للأجزاء المجمعة فى المصنع بتعديلها

وانا شخصيا باعتبر المشكلة دى زى مشكلة الضفيرة فى الصنى القديمة .. شكلت تحدى كبير امام المصنع خاصة فى موديلات 2010/2011 والحمد لله تم التغلب عليها بكل شفافية واستبدالها فى فترة الضمان وهى اعداد لا يُستهان بها ابدا !!!

ثق تماما انك لم ترمى فلوسك على الارض ويكفى انك تتعامل مع وكيل محترم وتركب سيارة سعرها مناسب جداااا لمواصفاتها

والمطلوب فقط هو الصبر والمطالبة بحقك عند كل صيانة حتى ترضى تماما عن حالة سيارتك وجميعنا لن نبخل بمساندتك حتى ترضى عنها ..

ايه مشكلة المساعد دى انا اول مره اسمع عنها ؟؟؟

انا حاجز رسينى على الفيلم ده قبل ما اشترى ...