الموضوع: اشتريت نيسان صني (2013) أتوماتيك - العيوب - ياريت تساعدوني

السلام عليكم
اولاً الف مبروك العربية وربنا يكفيك شرها ويباركلك فيها.
بالنسبة لملاحظاتك فتعليقى عليها تحت باللون الاخضر

المشاركة الأصلية كتبت بواسطة manwela8

السلام عليكم ورحمة الله

أنا اشتريت نيسان صني (2013) أتوماتيك لون برونزي من حوالي شهر من فرع السبع بالمعادي وعامل تأمين شامل مع أليانز وعامل بيها حوالي 1900 كم وعملت صيانة ال 1000 كم من اسبوع.

الحمدالله..اتخربشت كذا مره بسيطة من الأجناب والإكصدامات واتخطبت مرة فى الإكصدام الامامي تحت الفوج لايت ناحة السواق، بس أنا سايب كل الكلام ده.

العربية واسعة ما شاء الله وعالية عن الأرض وسعرها مناسب بالنسبة لإمكانياتها.

عندي شوية عيوب فيها حابب أعرف رأيكوا فيها وياريت تساعدوني حيث أنها أول سيارة لي:

1- صوت تشغيل التكييف بعد حوالي 3 أسابيع بقى عالي قوي وفي تكه أول ما أشغله (مهندس الصيانة قاللي إن ده صوت طبيعي للكمبريسور)
صوت التكة دة الكمبروسر ودة عادى. بالنسبة لصوت المروحة انت مشغل تدوير الهواء داخل العربية ولا هواء من خارج العربية (الدراع علية علامة على شكل سيارة و سهم لافف ولا سهم داخل العربية) لان لو بتجيب هواء من برة وارد يخش تراب ويعمل صوت مع الوقت وتراكمة، فتنضف التكييف والمشكلة تتحل.

2- في صوت في الفرامل كدة غريب وساعات بسمعة لما أدوس عليها وأنا واقف ومثلا بحرك الدريكسيون (مهندس الصيانة قاللي إن ده صوت طبيعي عشان الطنابير بتحك في حاجة تانية)
لو صوت تزيق على خفيف طة طبيعى فى الاتوماتيك عامة

3- في صوت زنه في الزجاج اللي جنبي طول ما هوه مقفول للآخر و بروح منزله شويه الصوت يروح.
نبة علية فى الصيانة القادمة، ممكن مجرى الزجاج مش مظبوطة كويس.

4- في صوت بقي تكتكه طول مانا ماشي مش عارف مصدره منين وشيلت كل الحاجات اللي في الشنطة وكمان ربط الكوريك في مكانه وشيلت كل الزلط اللي في الكاوتش والصوت لسه موجود وده أكتر حاجة مضايقاني في العربية وللأسف بان مرة في الصيانة على خفيف والمهندس قاللي إن ده من الزلط اللي في الكاوتش بس أنا متأكد انه من حاجة تانية
لو التكتكة بتزيد مع سرعة العربية يبقى الكاوتش على طول (ظلتة، نقرة، او حتى النقشة) انما لو ثابتة او بتيجى وتورح صعب نعرفها. ممكن فى تجمعنا القادم تيجى ونحاول نساعدك

5- في صوت صفارة بتتطلع من العجل في الملفات زي لو أكنني باخد أمريكاني وقلت للمهندس عليها قاللي هازبطلك هواء العجل، قولتله مش محتاجة زبط زاويا قاللي لأ.
لو الزوايا مظبوطة يبقى الكاوتش

6- كان في رشح زيت على الموتور والمهندس قاللي ده عادي برده.
اتأكد من مستوى الزيت لو بيقل (خلال اسبوع او اتثين) يبقى دة سبب الرشح وتروح التوكيل

7- في صيانة ال 1000 حطيت زيت موتور 10000 بس شيل مش موبيل فهل ده كويس؟
شل كويس

8- حاسس سحب العربية ضعيف.
من الاول ضعيف ولا بعد الاستخدام، انت لسة فى اول استخدامك للعربية.

9- هل تنصحوني بتغيير الكاوتش الصيني؟
لا اعلم بس تكلفة تغييرة كبيرة - ممكن تستحملة سنة او اتنين وغيرة انما لو مدايقك خالص غيرة

10- هل ينفع أشيل الإستيكرات اللي على الزجاج الأمامي؟
استيكر الرقم المختصر منصحش الباقى شيل

منتظر الردود والمساعدة وشكرا.

ونتمنى وجودك فى مقابلتنا الدورية ان شاء الله.
اخر حاجة انت بتروح انهى مركز صيانة؟؟

والسلام ختام