اعــتذار واجــــب للســبع اوتـو سـرفـس وتـوضـيح لحقيقـة مشـكلة القشقاى

السلام عليكم
أنا محمد حسين نسيب لؤي وصاحب السيارة نيسان قشقاى ٢٠١٢

احب أعرفكم ان كان فيه فيلم اتعمل عليا عن طريق السواق بتاعي
والعربية طلع مفيهاش اي حاجة خالص وسواقي طلع حرامي وانا بلغت عانة الشرطة وهوا محبوس دلوقتي

والناس في نيسان السبع وقفوا معايا واقفة رجالة
والله العظيم ساعدوني الاول في الكشف علي العربية وساعدوني استرداد عربيتى بعد ما السواق سرقها منى وكانو سهرانين معايا للفجر وهما ميعرفونيش خالص

وانا بشكرهم بالاسم المهندس كريم هاشم والمهندس محمد عمر والأستاذ مدحت وديع بنسيان السبع وبطلب منهم قبول اعتذارى لما سببته لهم من إزعاج

واشكر اخويا لؤي وجميع المشاركين النبلاء علي مشاركتهم وتفاعلهم معي فى المشكلة

وأقول لاى مشارك في هذا المنتدي المحترم والمتميز في حالة حدوث اي مشكلة لأي عربية نيسان لا يترددو في التوجه الي نيسان السبع مع خالص اعتذاري لجميع العاملين بنسيان السبع وشكري لهم
مع تحياتي وكل عام وانتم بخير
محمد حسين

بصراحة هو ده اللى كنا منتظرينه .. من حضرتك يا باشمهندس محمد .. ورد من حضرتك شخصيا
وبنتشرف بيك .. وبالناس المحترمة اللى مثل حضرتك اللى بيتحلوا باخلاق الفرسان

لان دى سمعة شركة .. مش صغيرة .. وشركة كبيرة جدااااا .. وكلنا كعملاء نيسان وملاك للسيارة .. اتعملنا معاهم .. ونعمل مدى احترامهم

وبردك ده .. رجعت الحق للاصحابه .. سواء للشركة ولكل الاعضاء اللى واثقين فيها .. ورديت على كل اللى شكك فى نزاهتم .. واللى مفروض يدخلوا يعتذروا للشركة ولينا

وكان لابد من توضيح سيادتكم .. على كل التفاصيل بسرد واضح ومستفيض .. لان الموضوع اتطرح فى اكبر موقع متخصص فى السيارات فى الشرق الاوسط .. وقسم نيسان جزء هام فى الموقع .. واستطاع هذا القسم بكل حب وود ان يخدم اعضائه وان يكون محط جذب وانتباه لشركة نيسان الام .. ووكلائها المعتمدين والمحترمين .. اللى بيبذلوا معنا كل طاقتهم فى حل مشاكل الاعضاء فى قسم نيسان .. ولذلك كنا منتظرين منكم توضيح بشكل اكبر

تحياتى ليك

الف مبرووووووك على سلامة عربيتك وربنا يباركلك فيها ويحفظهالك ويكفيك شر السواقين ..
شكرا لتسجيلك عضوية جديدة وردك شخصيا لقطع الشك باليقين ..

الاستاذ / أحمد
اتمنى ان اسرد عليكم القصة كاملة وباستفاضه كما تشاء ولكن هذا يستغرق لايقل عن مائة ورقه كما هي في محاضر الشرطة وأقوال السواق بالنيابة
وحرصاً منى وتقديراً لكلاً من المهندس كريم هاشم والمهندس محمد عمر والأستاذ مدحت وديع بنسيان السبع وعرفاناً بجهودهم بمساعدتى كما أشرت حتي الفجر لأطمئنان حتى تعود السيارة لي بمعرفة الشرطة وهذا دون معرفه مسبقه بي

ولهذا السبب تشرفت بعضويه هذا المنتدى لكي أوضح الحقيقة واعتذر لهم عما سببته لهم من إزعاج ولكى يعلم جميع أعضاء هذا المنتدى المحترمين الحقيقة وليعلموا ان هؤلاء الاشخاص علي قدر الاستعداد في مساعدة اي شخص يقع في مشكلة بنيسان

مع خالص احترامي وتقديري لحضرتك وللعاملين بنيسان السبع وأعضاء هذا المنتدى

كفاية ان حضرتك لبيت نداء الحق .. واظهرت الحقيقة كاملة للناس .. عشان دى سمعة شركة .. وشركة كلنا نعلم انها شركة كبيرة وكان لازم نوضح للناس .. وكان فعلا التوضيح لابد ان يكون على لسان حضرتك شخصيا ..

لان فى لغط كتير فى الموضوع والناس اتعاطفت .. بدون ما تسمع من الطرف الاخر .. وتحكم بالعقل .. ولما كنا بنرد كانوا بيتهمونا بالتحيز .. وده مكنش صحيح طبعا ..

لان الحمد لله كل الاعضاء فى موقع نايل موتورز وقسم نيسان محترمين جدا واصحاب مراكز محترمة فى الحياة من مهندسين واطباء واعلامين واصحاب مهن مشرفة مختلفة وبمختلف الاعمار .. ولا نقبل من اى شخص ان يزمم فينا .. لاننا عاهدنا ربنا ان نكون فى خدمة الاعضاء لوجه الله .. ولمساعدة بعضنا .. بكل ود وحب .. وهو ده اللى بميز الموقع عموما وقسم نيسان خاصة باعضائه

وكنت اتمنى دخول الاعضاء القدامى ليؤكدوا هذا الكلام .. لان الاعضاء القدامى هم اكثر الاعضاء علما بهذا الكلام واحساسا بهذه الخدمات .. ومدركين اننا هنا لخدمتهم لوجه الله ..


وبشخصى بشكر حضرتك على تدخلك لتوضيح الحقيقة مرة تانية .. وبنتشرف بيك .. وتحت امرك فى اى خدمة فى عالم نيسان عموما وفى الحياة

ورقم تليفونى موجود فى الموضوع .. وطرحته فى البداية على لؤى عشان كنت عايز اساعد .. ولما عرفت ان الفتيس ب15 الف مصدقتش .. فكنت عايز اعرف ايه الحكاية لانى اعلم ان فتيس الصنى اصلا ب25 الف جنيه فما بالك بالقاشقاى ! .. وعشان كدا اتصلت بالسبع وسالت على الموضوع .. وسمعت من طرف اخر .. وحبيت اتاكد من صحة المعلومات
عشان محكمش بعاطفة وخلاص

حضرتك كلنا اخوانك .. وزى ما قولتلك رقمى موجود معاكم .. ولو فى اى خدمة كلنا حاضرين .. وبنتشرف بحضرتك

وربنا يبعد عنك كل شر وسوء

:: احب اوجه كلمة لجميع الاعضاء اللى حكموا باندفاع وبتسرع علي اعضاء القسم

لن نسمح بعد هذه السمعة الطيبة .. التى وصلنا لها بين اعضاء المنتدى وخدمتهم لوجه الله على مدار اكثر من سنتين فى قسم نيسان بكل حب وعطاء .. وبكل لهفة وخوف على مصلحتهم الخاصة ان يتهم اعضاء القسم الناشطين بتحيز للوكيل .. لغرض دعائى او لاى مركز صيانة على حساب مركز اخر..

ولن نسمح فى موقعنا وقسمنا بتوجيه نقد خارج عن قواعد الادب ورمى اتهامات باطلة بدون اى اسباب وبراهين .. وفلابد سماع الطرف الاخر محور الشك .. لان هذا ما دعا اليه ديننا الكريم ويحثنا عليه ضميرنا الحي

نحن ملاك سيارات نيسان .. وجدنا راحة وحب وترحاب من جانب الوكيل فى التعامل معنا ..و تسهيل العقبات للعملاء فى حل مشاكل سياراتهم .. نظير مانقدمه من اراء قوية وبنائة في سلسلة موضوعات عن سيارات نيسان .. ومساعدتنا قدر الامكان فى حل وتطوير مستوى الخدمة من حيث مراكز الصيانة و مشاكل السيارة
فكان ولابد من تكامل منظومة العمل .. بين اعضاء القسم وبين الوكيل .. لتعلية شان سيارات نيسان .. ولكن باراء حيادية وابراز مواطن القوة والضعف .. وذلك ما نقوم به...

وهذا توضيح من الاعضاء المحبين للقسم

فنرجوا ان نلتزم بروح الاخوة التي تربطنا ... وان تضعوا نصب اعينكم اننا هنا جميعا نقدم خدمة لاعضاء القسم دون مصلحة تذكر سوى ابتغاء وجه الله.. فلا داعي لرمي الاتهامات والادعاءات التى لا اساس لها من الصحة... فهذا لن يقلل من شخصنا بشئ ولكن سيقلل من عزيمتنا و يهدر جهودنا ....

فكونوا لنا داعم لا هادم ....

اتمنى تكون وضحت كافة الامور لجميع الاعضاء


وحمد لله على السلامة
واهلا بحضرتك مرة تانية وسط اخوانك


تحياتى للجميع
احمد مصطفى
منسق قسم نيسان نايل

السلام عليكم ورحمه الله
تابعت على مدار الايام الماضية هذا الموضوع الشائك والذي يمس سمعه توكيل من اكبر توكيلات السيارات في مصر
وتابعت كلام استاذ لؤي ولم اقتنع مطلقا
واللي اتعامل مع توكيلات بالحجم ده هايعرف ان المطلب غير منطقي اطلاقا
ولما كان كلامي مجروح بحكم كوني منتفعا لكون التوكيل المشار اليه صاحب اعلان لدينا اثرت الصمت والمتاعة
خاصة اني كنت اتابع الموضوع يوميا مع مهندس كريم هاشم وزميلنا احمد مصطفي
ولما عرفت التطوارت الخاصة بالسائق كنت مستغرب من استمرار استاذ لؤي بالدفاع واستمرار اعضاء اخري بالهجوم على السبع رغم التوضيحات اللي قدمها دكتور يوسف ولا ناقة له ولا جمل في الموضوع وشهادته حيادية ومقنعه جدا

فرجاء خاص للاعضاء اتعودنا هنا على سماع الحقائق ومناقشتها بالمنطق وليس الاندفاع وراء الاهواء
وكل شخص اخطأ في هذا الكيان ملزم امام الله برد الخطأ الذي ارتكبه بالرجوع والاعتذار

ولاستاذ محمد حسين ربنا معاك في تجربتك المريرة واديك اكتسبت فيها معارف وخبرات جديدة واشخاص يضافو لقائمة الاصدقاء بدون اي منافع
ولدكتور يوسف تحية خاصة من القلب
ولصديقي احمد مصطفي
حقيقي احييك على مجهودك الرائع في دعم نيسان واعضاء نيسان في نايل موتورز بيتنا الكبير

كريم منير
رئيس مجلس الادارة

الساده اعضاء منتدي نايل موتورز المحترمين

نحن نتقدم بخالص الشكر للسيد محمد حسين مالك السياره القاشقاي علي توضيح حقيقه الامور ونود ان نوضح اليكم اننا قد اثرنا عدم الرد الا بعد توضيح حقيقه الامور من قبل مالك السياره شخصيا لضمان المصداقيه للقراء اعضاء المنتدي الاعزاء

ايضا نتقدم بخالص التحيات للسيد كريم منير و السيد احمد مصطفي علي مجهوداتهم الدائمه لخدمه ملاك سيارات نيسان بمصر عن طريق تواصلهم معنا و مع جميع التوكيلات بشكل دائم من اجل تقديم افضل خدمه ممكنه للساده اعضاء المنتدي

نحن نؤمن ان مفتاح النجاح يكمن في بذلنا جميع الجهود لارضاء عملائنا بالشكل الذي يستحقه عملاء نيسان و كيا في مصر و الذي يليق بأسم و سمعه السبع اوتوسيرفيس

يسعدنا ان نخدمكم و نتمني ان نكون عند حسن ظنكم دائما

اداره السبع اوتوسيرفيس

أنا عن نفسي كنت قريت كم أول مشاركة وده خلاني أخد إنطباع سيئ عن الشركة....وبالصدفة دخلت تاني وعرفت الحقيقة....ويمكن في ناس تاني عملو مثلي.....عشان كدا أنا باقترح عمل موضوع جديد فيه توضيح للحقيقة

اقتباس:

---

المشاركة الأصلية كتبت بواسطة السبع أوتو سيرفس

الساده اعضاء منتدي نايل موتورز المحترمين

نحن نتقدم بخالص الشكر للسيد محمد حسين مالك السياره القاشقاي علي توضيح حقيقه الامور ونود ان نوضح اليكم اننا قد اثرنا عدم الرد الا بعد توضيح حقيقه الامور من قبل مالك السياره شخصيا لضمان المصداقيه للقراء اعضاء المنتدي الاعزاء

ايضا نتقدم بخالص التحيات للسيد كريم منير و السيد احمد مصطفي علي مجهوداتهم الدائمه لخدمه ملاك سيارات نيسان بمصر عن طريق تواصلهم معنا و مع جميع التوكيلات بشكل دائم من اجل تقديم افضل خدمه ممكنه للساده اعضاء المنتدي

نحن نؤمن ان مفتاح النجاح يكمن في بذلنا جميع الجهود لارضاء عملائنا بالشكل الذي يستحقه عملاء نيسان و كيا في مصر و الذي يليق بأسم و سمعه السبع اوتوسيرفيس

يسعدنا ان نخدمكم و نتمني ان نكون عند حسن ظنكم دائما

اداره السبع اوتوسيرفيس

---

الحق يقال
تواصلكم على هذا المنتدى شئ أكثر من رائع وسبق يحتسب لكم وحذو يجب ان يحذو على نهجه الآخرين
لأن إرضاء العمبل لآيأتى من فراغ ولايأتى من إنهاء المهمة وانتهى _ ولاكن يأتى من خلال التواصل المستمر يأتى من خلال تواصل لاينقطع
واختلف معكم فى إنكم تركتم الموضوع للإستنتاجات والتوقعات ولاتنسو ان جميع التوكيلات تركة بصمة -------------------لدى الكثرين ولن أعمم - فكان يجب تدخلكم من البداية (العيار الذى لايصيب يدوش)
من وجهة نظرى المتواضعة مينفعش وانا مؤسسة خدمية اترك كل هذا التخبيط ولن اتدخل للدفاع عن نفسى - مع العلم ان معظم المداخلات لم تقصد السبع أو أى توكيل بعينه
ولاكن يجب على جميع الإدارات الناجحة تفعيل جهات الإتصال بينها وبين العملاء وهذا ما نفتقده
ونفتقده غالبا لعدة سلبيات ومنها عدم القدرة على حل المشاكل للعملاء
و اطرح على سياددتكم سؤال - ما كان موقفكم الآن لولا تدخل السادة المحترمين والذى وجهتم لهم الشكر ؟
وانا شخصيا سنحت لى الفرصة بمقابلة السيد /أحمد مصطفى على
ولم تتعدى المقابلة عدة دقائق ولاكن تركت لى انطباع رائع عن هذا الشخص
فكثيرمن الساده المتابعين يفترض انهم لايعرفونه بل هم فعلا لايعرفونه عن قرب - فمن الممكن ان أى دفاع يأتى عن طريقه أو غيره يفتقد نوعا ما وانا اسف وانا بقولها (للمصدقية) وأعتذر مرة أخرى وانا اعرف واعى جيدا انه قامة كبيرة لهذا المنتدى ولكن ان بكلم بوجهة نظر عامة ياريت أقدر اوصلها صح
فحمل على عاتقه حمل كبير ممكن كان يضعه فى نقطة هو فى غنى عنها
وكل ما أقصده وكل ما اتمناه هو ان يتم التواصل الجيد بين الوكلاء والعملاء ومش عيب ابدا ان الوكيل يكون ليه على هذا المنتدى جبهة دفاع أو توضيح أوجه الخلاف من إدارته وتكون كفائات متخصصة كما هما متواجدون على صفحة التواصل الإجتماعى Face Book

السبع اوتوسيرفيس الافضل دائما كوكيل نيسان في مصر و يعمل دائما بحرص علي ارضاء العميل و حقيقي كلامي مهما كتبت مش هيكون زي اللي كتبوه الاعضاء الاحباء بالموضوع و شكر خاص للاستاذ محمد حسين لحرصه لتقديم البراهين و مصدقيته في معرفة الحقائق

اقتباس:

---

المشاركة الأصلية كتبت بواسطة محمد حسين احمد

السلام عليكم
أنا محمد حسين نسيب لؤي وصاحب السيارة نيسان قشقاى ٢٠١٢

احب أعرفكم ان كان فيه فيلم اتعمل عليا عن طريق السواق بتاعي
والعربية طلع مفيهاش اي حاجة خالص وسواقي طلع حرامي وانا بلغت عانة الشرطة وهوا محبوس دلوقتي

والناس في نيسان السبع وقفوا معايا واقفة رجالة
والله العظيم ساعدوني الاول في الكشف علي العربية وساعدوني استرداد عربيتى بعد ما السواق سرقها منى وكانو سهرانين معايا للفجر وهما ميعرفونيش خالص

وانا بشكرهم بالاسم المهندس كريم هاشم والمهندس محمد عمر والأستاذ مدحت وديع بنسيان السبع وبطلب منهم قبول اعتذارى لما سببته لهم من إزعاج

واشكر اخويا لؤي وجميع المشاركين النبلاء علي مشاركتهم وتفاعلهم معي فى المشكلة

وأقول لاى مشارك في هذا المنتدي المحترم والمتميز في حالة حدوث اي مشكلة لأي عربية نيسان لا يترددو في التوجه الي نيسان السبع مع خالص اعتذاري لجميع العاملين بنسيان السبع وشكري لهم
مع تحياتي وكل عام وانتم بخير
محمد حسين

---

لافض فوهك

احسنت اخى الكريم بصنيعك هذا
لان الحق دائما يعلو فوق كل شئ

ولن استطيع ان ازيد عما قاله الاخوه الافاضل

واحب ان اوضح لحضرتك انى من المتعاملين مع مركز السبع فى زهراء المعادى وكان بدايه تعاملى معه من منطلق قربه من منزلى وبعد اول مقابلى لى عندهم جعلونى بدماثه اخلاقهم وحسن صنيعهم وقدرتهم على حل المشاكل

التى تواجه السياره(ان وجدت) ان أفضل دائما ان اراجعهم فى كل شئ وكل صيانه لهم منى النصيب الاكبر ان لم يكن النصيب كله

واشكرلك حسن خلقك الطيب

واهلا بك اخا كريما عزيزاً فى هذا البيت الكبير

ونتمى ان نرى حضرتك فى مقابلاتنا

فنحن هنا ليس اعضاء فى منتدى سيارات

بل اخوه فى الله وتحاببنا فى الله ولله

لك منى كل تحيه تقدير واحترام

اقتباس:

---

المشاركة الأصلية كتبت بواسطة السبع أوتو سيرفس

الساده اعضاء منتدي نايل موتورز المحترمين

نحن نتقدم بخالص الشكر للسيد محمد حسين مالك السياره القاشقاي علي توضيح حقيقه الامور ونود ان نوضح اليكم اننا قد اثرنا عدم الرد الا بعد توضيح حقيقه الامور من قبل مالك السياره شخصيا لضمان المصداقيه للقراء اعضاء المنتدي الاعزاء

ايضا نتقدم بخالص التحيات للسيد كريم منير و السيد احمد مصطفي علي مجهوداتهم الدائمه لخدمه ملاك سيارات نيسان بمصر عن طريق تواصلهم معنا و مع جميع التوكيلات بشكل دائم من اجل تقديم افضل خدمه ممكنه للساده اعضاء المنتدي

نحن نؤمن ان مفتاح النجاح يكمن في بذلنا جميع الجهود لارضاء عملائنا بالشكل الذي يستحقه عملاء نيسان و كيا في مصر و الذي يليق بأسم و سمعه السبع اوتوسيرفيس

يسعدنا ان نخدمكم و نتمني ان نكون عند حسن ظنكم دائما

اداره السبع اوتوسيرفيس

---

اتمنى تواصلكم الدائم فى هذا القسم نظراً لوجود اراء ومقتراحات ومشاكل قد تخصكم احيانا او تتطلب احد الفنيين للرد عليها حتى تتضح المعلومه

ولااتمنى ان ارى وجودكم فى مشكله ما تخصكم شخصياُ ثم تنقطعون لفترات طويله

لكم منى ارق التحيات واطيب المنى

انا احترم هذا التوكيل و احترم هذه الاحترافية فى التعامل

فعلا نيسان اثبتت انها رائده فى مجال صناعة و صيانة سياراتها فى العالم و ليس فى مصر فقط