-
الماتور صوته عالي
العربية كليو 2003 1200 سي سي عاملة 86000 كيلو
معمولها صيانة كاملة لكل السيور والفلاتر من شهرين
مغيرة بوجيهات من شهرين
زيت ليكوي مولي من شهر ومعاه إضافة السيراتك
ومع ذلك باحس إن صوت الموتور عالي، قلت للميكانيكي بتاعي قاللي عادي عشان الموتور واحد كامة مش اتنين، بس برضو مش مقتنع.
بافكر أنضف الرشاشات والبوابة والحساسات خلال اسبوعين عشان أحسن السحب واستهلاك البنزين، ومعرفش هيفرقوا مع صوت المحرك ولا لأ.
السؤال الأهم، اعرف ازاي ان الصوت بتاع الموتور ده طبيعي ولا لأ؟
وثانياً: ايه اسباب ارتفاع صوت الموتور؟
-
-
شوف سرعته علي السلنسيه كم ؟؟
و هل فيه اي مشاكل في السحب او الانتظام
و اتنين او واحد كامه ملهوش علاقه بصوت الماتور
-
انا عندى مشكلة الصوت العالى باردو فى مكنة ريجاتا مع العلم انى مظبط الشكمان وجميع الجوانات
وسمعت صوت نفس الموتور فى عربية تانية كان هادى جدا ومش مسموع ومشعارف ايه السبب
-
حاول تشوف عربية زيها وتقارن
ممكن تكون تاكيهات
ممكن تكون قواعد
ممكن تكون بلى طرمبة المية او بلى الدينامو
-
الميكانيكي بتاعي كشف على الصوت بطريقة لذيذة
كان بيحط مفك طويل على مناطق محددة في الموتور ويحط ودانه عالطرف التاني ويسمع الصوت ويسمعني معاه.
المشكلة طلعت في البلية الثابتة بتاعت سير التكييف، وفعلاً الصوت كان بيزيد مع تشغيل التكييف
وكمان لقينا فيه بلية في الدينامو صوتها عالي، بس الأعلى من بلية سير التكييف.
سألت على بلية التكييف، جديدة أصلي بالضمان ب 90 جنيه.
هشوف في أماكن تانية، وبعد لما أركبها هابقى انقلكم تجربتي ان شاء الله
-
اولا مبروك انك عرفت سبب المشكلة ودى فى حد ذاتها بتريح كتيييير
فين الميكانيكى ده شكلو بيفهم عشان اروحلو
Content Relevant URLs by
vBSEO 3.6.0 PL2