ارجو الافادة والنصيحة

**نهال السيد** · 13-08-2012 05:04 PM

السلام عليكم
ارجو النصيحة من ذوي الخبرة حيث انني تعلمت القيادة قريبا وامامي عربية فليشيا للبيع موديل 96 وحالتها كويسة فيما عدا العفشة واحد قالي عايزة تتربط بس ........اما سالت عليها قالولي هي خشنة للبنات مفمتش ياعني ايه
السؤال هو .........هل هي فعلا غير مناسبة لقيادة السيدات؟
...............هي معروضة عليه ب23 الف جنيه هي كده سعرها مناسب ولا ايه؟

**نهال السيد** · 13-08-2012 05:05 PM

هل العفشة اما تتربط ده هيقلل من كفاءة العربية؟

**S O P H O S** · 13-08-2012 05:31 PM

طب ايه راي حضرتك فالماروتي
هتبقي موديل احدث واسهل فحاجات كتير
مجرد راي ..

**المنسي** · 14-08-2012 06:15 AM

المشاركة الأصلية كتبت بواسطة نهال السيد

السلام عليكم
ارجو النصيحة من ذوي الخبرة حيث انني تعلمت القيادة قريبا وامامي عربية فليشيا للبيع موديل 96 وحالتها كويسة فيما عدا العفشة واحد قالي عايزة تتربط بس ........اما سالت عليها قالولي هي خشنة للبنات مفمتش ياعني ايه
السؤال هو .........هل هي فعلا غير مناسبة لقيادة السيدات؟
...............هي معروضة عليه ب23 الف جنيه هي كده سعرها مناسب ولا ايه؟

اولا لازم تتاكدى من حالة الموتور قبل اى شيء وياريت لو تقوليلنا العربية ماشية كام كيلو وياريت ميكانيكي اسكودا شاطر يبصلك عليها يكون افضل اما بالنسبة لعفشة العربية مش مهمة اوى حتى لو العفشة بتاعتها كلها عايزة تتغير فممكن تغيري وتصرفى على العفشة فى حدود 2000 جنيه بس ده فى حالة ان الموتور كويس اما لو العفشة محتاجة تربيط بس يبقي مفيهاش مشكلة بالنسبة لسؤالك عن انها غير مناسبة لقيادة السيدات فمفتكرش انها غير مناسبة لان انا واحد من الناس بشوف سيدات كتير اصحاب فليشيا اما بالنسبة للسعر المعروض فى العربية دى يرجع فى الاول والاخر لحالة الموتور وربنا يكرمك ويوفقك فى فليشيا تكون حالتها كويسة

**medo_msa** · 14-08-2012 01:49 PM

هو سعرها كده قليل اوى على موديلها وكمان اعتقد ميه ف الميه ان العفشه عايزه كتير لان مفيش واحد هيسيب العفشه ع التربيط ..بس لو الماتور كويس وديها لحد بتاع عفشه وهو هيقولك عايزه ايه وهيا كعربيه مش وحشه ولذيذه فى سواقتها وثابته جدا ع الطريق بس لاااااااااااااااااااااااا ازم تكون نظيفه ومش متهانه