استفسار مهم عن ريموت الهونداي الجيتز..

شكرا لهذا المنتدى الاكثر من رائع على الحرص دايما على اختلاق الافكار الجميله الي بتساعد كل الاعضاء ..صراحه ده حاجه لازم نشكر عليها كل رواد المنتدى دايما على سعيهم لالتيان بكل ما هو جديد و خلاق..
معليش هو سؤال ممكن يكون عبيط لكن بس حبيت اتاكد برضه عشان لو طلع في حل للمشكله الي في دماغي حتريحني جدا..انا معاي جيتز 2008 و هي متركب فيها الانذار الي بتكون عباره عن وحده الريموت كنترول بتاعه منفصله عن مفتاح العربيه نفسها..ممكن -ممكن - تكون في طريقه انه اعمل نسخه من مفتاح العربيه على وحده كنترول يتم برمجتها على انها تبعت نفس اوامر كنترول العربيه الاصلي..مش عارف انا الفكره جات في دماغي من فتره وبس حبيت اتاكد لو ممكن تتعمل حاجه زي كده و لا ده وهم و بس..
تحياتي ليكم جميعا و شكرا على مسبقا..

والله يا باشا موضوع الانذار كله على بعضه ده فاشل والريموت اصلا باظ منى مكملش شهرين وبتعامل دلوقتى بالمفتاح وكذا واحد اعرفه جيتز برضه باظ الريموتات بتاعتهم وبالنسبه لفكرتك دى مش حقدر افيدك غير بمعلومه واحده ان مفتاح العربيه مش متشفر يعنى ممكن تعمل عليه بسهوله جدا ب 5 جنيه بس

شكرا ليك اخ دودي على الإهتمام و الرد على استفساري
لو قصدك ب(مفتاح العربيه مش متشفر يعنى ممكن تعمل عليه بسهوله جدا ب 5 جنيه بس) انه ممكن انا اعمل نسخه على المفتاح فاصلا انا عندي كم نسخه من المفتاح يعني للإحتياط و ممكن مرات تدي البواب المفتاح او السايس في الكراج مفتاح العربيه عشان الاماكن و الركنه و كده لكن انا قصدي انه في حد ممكن يعمل نسخه على ريموت تاني غير ريموت الاصلي و يتبرمج الريموت ده على نفس اوامر الريموت الاصلي ده هو السؤال الاساسي..شاكر ليك الاهتمام مره اخري و ربنا يبارلك في الجيتز الي معاك يا باشا..