السعر لصالح الاكسنت والصالون والشكل الخارجى من وجهه نظرى احلى وعفشتها انعم من السيراتو ولو قارنت سعرها هتبقى اول فئه فى السيراتو الهاتش باك فرق كبير فى الكماليات
عرض للطباعة
السعر لصالح الاكسنت والصالون والشكل الخارجى من وجهه نظرى احلى وعفشتها انعم من السيراتو ولو قارنت سعرها هتبقى اول فئه فى السيراتو الهاتش باك فرق كبير فى الكماليات
انا بعرف منك بس مش اكتر ربنا يخليهالك و تنبسط بيها
حبيب قلبى ربنا يخليك
وكنت عاوز اسألك على حاجة كمان علشان بقكر اجيب العربية لاخويا ومش عارف اختارها هى ولا ال ix20
بص انا سمعت بعض الكلام ان العربية ثباتها بعد ال 120 ضايع و الباور مش بيتقل مع السرعات و الفرامل ضعيفة على العربيية !!! هل الكلام ده صحيح ولا خطأ ؟؟؟ وانت اكتر واحد هتقول الكلام اليقين لانك اكيد جربت ...
اولا مش ناسى الصور بس انا نفسى لسه مشوفتش العربيه من ساعه مطلبتها منى وهرد عليك بقى نقطه نقطه وبكل امااانه والله
بص يا فندم انا كمان والله قارنت بينهم ال ix20 اعلى منها حوالى 2 سنتى الصالون الاكسنت عجبنى اكتر ودى ازواق الاكسنت فيها مخدع متحرك فى النص وكمان فتحه السقف لو دورت على البانوراما فى ال ix20 طبعا كده وصلنا ل 145 مبلغ كبير والاكسنت بالنسبه للشكل برده الاكسنت عجبتنى وعجبت البيت اكتر فى الشكل من بره وبرده انا قولت اكيد قطه العيار هتبقى متوفره اكتر بالنسبه بقى للثبات انا وصلت بيها لحد 150 والله كانت جميلة جداا وانا الصراحه كنت بجرب واخدت بيها ملف على 130 وكان برده الاداء الحمد لله حلو جدااا والى معايه فراملهاا abs محستش بضعفهاااا خالص ولو عايز تليفونى انا تحت امرك
وبالنسبه للباور بيتقل بشكل ملحوظ جداا لو عايز تجربها حتى انا معنديش مشكله
هي الاكسنت ار بي سواء كانت هاتشباك او سيدان فيها ايموبلايزر ؟؟؟؟
بسم الله ماشاء الله
شكلها فعلا جميل جدا كمان اللون اللى حضرتك اخترته لايق جدا على العربية وشكله عليها حلو اوي
ربنا يباركلك فيها ويحفظهالك من العين
انا شايف ان سعرها مناسب جدا بالنسبة للكماليات والاوبشنز اللى موجودة فيها خصوصا كمان ان العربية من جوة باين عليها جميلة
الجنط ال 14 على قد ماشكله مش هيبقى في جمال شكل الجنوط الاكبر حجما بس برضوا هيبقى مديلك نعومة للعفشة
الى غير انك لو حبيت تغير الجنوط وتكبر حجمها هتبقى مضطر انك تغير الكاوتش !! والكاوتش لسه زيرو فحرام
انا رايي خليها كدة في الوقت الحالي وممكن مستقبلا تبقى تفكر في موضوع الجنوط
ربنا يباركلك فيها ويحفظهالك من العين !! حاول تخلي في العربية علطول فلوس فكة بحيث لو قابلت اي محتاج ومدلك ايده تطلعله
الحجات دي بتبعد العين عنك خصوصا ان العربية الزيرو بيبقى باين عليها والناس مش بتسيب حد في حاله
ربنا يحفظهالك
شوفو اللينك ده وياريت تقولو رايكم
HYUNDAI Accent 2012 - Active RB 4D Hatch 5sp man 1.6L 4cyl Petrol | How Safe Is Your Car
اولا الف شكر على زوق حضرتك و اخلاقك العالية و فعلا انا رغم حبى لل ix 20 و مش قادر اقولك العربية دى سحرانى ازاى بس انا شايل هم عدم الانتشار .... وفعلا الاكسنت بالنسبة للأوبشنز و الفئة السعرية دى ممتازة ... بس اكتر شىء مضايقنى فيها الجنط !! شكلة صغير وسخيف عيب اوى الريو تنزل بجنط 17 و الار بى تنزل 14 كاوتش 175/70 زى بتاع الفيرنا ال 13 !!! ليه يا غبور كده لازم تشيل احلى شىء فى العربية !!
ثانيا : الف شكر على الصور الجميلة الى تعبتك فيها انا عارف رغم انها صغيرة بس برده زى الفل و حببتنى زيادة فى الاكسنت خصوصا انى جربت عربية واحد صحبى خليجى بس سيدان وفيها جنط 16 تحفة و ماشاء الله العربية خرافة وفيها كل حاجة .... لو نزل من الهاتشباك خليجى هتبقى مشكلة بمعنى الكلمة ....
و فى النهاية تستمر الحيرة مابين الاكسنت الهاتش باك و ال ix 20 .....
والف مليون شكر على زوق حضرتك و تعبك معايا و ربنا يخليك ياكبير ... ولو احتجت اى حاجة فى اى وقت انا تحت امرك انا وكل رجالة الجيتز الى فى المنتدى .
مبارك عليك السيارة وان شاء الله ربنا يباركلك فيهاااااا
انا يا جماعه حصلى ظروف والله بس الحمد لله ومحتاج ابيع العربيه انا لسه مرخصتهاش هيه بجواب المرور وعامله 410 كيلو بس والحمد لله زى مهيه والله متخربشت وده تليفونى 01012895444
الحمد لله عدت ومبعتش الحمد لله العربيه ونمرت كمان وجايب كام صورة وسافرت بيها ووصلت لحد 170 كنت بشد قصاد لانسر بومه رياضيه والحمد لله رفعت راااااسى اووووى والعربيه دى والله ما شاء الله ناعمه وتكييف وثبات وفراامل ممتااازييييييين
http://www.nileup.com/uploads/13464587721.jpg
http://www.nileup.com/uploads/13464587722.jpg
http://www.nileup.com/uploads/13464587723.jpg
الله يسلمك والف شكر على زوقك
اقول كلمتين بقى على العربيه انا الحمد لله بجد بحب العربيه دى يوم بعد يوم وبقرح اوى كل محد من اصحابى يركب معايه او يجربها يتبسط منها اوى ببقى فخور بيها جدااااااااااا
هيه صيانه ال 1000 بتكلف كام يا جماعه ؟؟؟
حد يرد عليه يا جماعه لوسمحتم صيانه الالف هتتكلف كام
اولا الف مبروك على عربيه انا من ملاكى لانسر و ناوى ان شاء الله اجيب عربيه لأختى و بقالنا شهور ندور و رسينا على رينو سانديرو و بعدين شوفنا اكسنت و ريو جداد كنسلنا رينو و احتارنا مابين اكسنت و ريو وبعديها شوفنا صنى جديده و جربناها قريبنا جبها فكانت فرصه لكنها بالحجز فقولنا لو هنتأخر فى تسلييم نشوف اكسنت او ريو و حاسين ان ريو اعلى و افضل المهم مطولش عليك نهارده دخلت ادور على مشاكل ريو فلاقيت موضوع عربيه سيئه سمعه فهمت منه مشاكلها و لاقيت حضرتك ردد عليه ردود جميله عجبتنى انت وصاحب موضوع و مكنتش عارف جضرتك معاك عربيه ايه و بعد كام ساعه اكتفيت من بحث فى قسم كيا قولت اخش على هيونداى اتفاجأت ولأقيتك عامل تقرير عنها و الله فرحت و قولت اباركلك لأنك واضح من اسلوبك فى كتابه انك انسان محترم و طيب على عموم الف مبروك و بالنسبه لصيانه انا معرفش لكنى العادى اللى معروف ان صيانه الاف مجانيه و بتقولهم على ملاحظاتك فى عربيه و مفيش مصنعيه و بيتم فيها تشيك مع ملاحظاتك و بتغير فلتر و زيت عشره الاف مع ضريبه على ما اظن نقول ان زيت سعره 260 و فلتر شوفت اسعار تتراوح من 30 الى 60 جنيه يبقى تقريبا تمن صيانه ممكن 300 او 350 الله اعلم وممكن اقل او اكتر اسف على عدم افاده اخوة هيونداى يفيدوك اكتر
بالنسبه لأكسنت من وراء لما حد بيقعد بتوطى اوى و لا بسيط انا بسأل علشان مطبات و الحك لأنى بحس انها واطيه و انها بتنط من ورا فحبيت اطمن منك و هل فى اصوات بتسمعها و انت ماشى زى خروشه من اكصدام و ايه تقييمك لها انا اللى فهمنتخ انها امكانيات و اداء حلوه لكن كنت عايز اعرف تقييك من حيث اعتماديه و قوة صاج و اكصدام فى خبطات حاسس انها قويه و لا زى كل عربيان دلوقتى ورق و شكرا مقدما
اولا شكراااا جداااا على اسلوب وزوق حضرتك بالنسبه لعلو العربيه خد بالك انا معايه الهاتشباك مش السيدان بتوطى بس مش زى مثلا الالنترا ال 2007 وحكايه التنطيط الى قريتها انا كمان مش عندى الحمد لله خالص بالنسبه للاداء والاعتماديه حدث بلا حرج وكمان العربيه فيها abs بحتاجله كتير لظروف شوارعناا بجد والله ما شاء الله مع ان كنت اكتر حاجه خايف منها الفرامل الصاج هحكيلك موقف انا فى الزحمه ضربت فرمله دخل فيه هوندا 92 من ورا طبعا مش جاامد بس على غفله انا اترعبت نزلت الحمد لله ولا اى حاجه الى اقولهولك ان الجيل ده الصاج محمل والله عن الجيل الى قبله وكمان التقفيل انضف بكتيييييير وانضف من النيسان على فكره بكتيروالصالون جميل جدااا احلى من حجاات تانيه كتيييييير هيه الحمد لله ممتعه جدااا ناقصها بس كانو ينزلوها بالجنط ال 16 ومفتاح ريموت بسسسس انا كمان كنت زيك بقارن بالريو والحمدلله اهتديت للاكسنت والحمد لله انى مجبتش الريو اجيب 1400 واستهلك بنزين 1600 واكتر وكمان تبقى موتور اضغف طب ليه وعلى فكره علو الريو 14 سنتى علو الاكسنت 147 ملى يعنى اعلى بفرق حوالى 7 ملى ده ارقااام اكيده والعربيه الحمد لله ثباتهااا محتررررررم جدااا انا لسه فى اول الف معدتش ال 150 بس ماشاء الله والله من غير تحيز الباور بيتقل بشكل واضح على السرعه والعربيه ماسكه نفسها وعلى فكره وزن العربيه زى وزن كل الهاتشباك الاوروبى نفس وزن البولو والابيزا والى بيركب العربيه فى حته صغيره ويقولك العربيه خفيفه علشان قوة الموتور لكن فى السرعات هتحس ان العربيه وزنها كويس جدا وماسكه نفسها الحمد لله وربنا يوفقك وانا تحت امرك
عملت صيانه الالف النهارده
الف مبروك بس حضرتك قلنا غير زيت ايه وفي اي مركز وايه انطباعك عن الصيانه والعربيه ايه اخبارها بعد الصيانه وشكرا
الله يبارك فيك انا غيرت زيت شيل خمس الاف قولت بلاش عشره بدام انا كده كده ان شاء الله هروح صيانه كل خمس الاف وفلتر وربطم العفشه وشيكو على كل حاجه فى العربيه
انا كنت فى العبور طبعا صرح جبار ما شاء الله
فيه حاجه غريبه بقى انا وانا رايح شديت شويه بالعربيه الاربى ام وصل معايه على الرابع ل5500
كانت ماشيه 180
بعد الصيانه العربيه الاربى ام على الرابع بس اخر نقله يعنى مبيزيدش عن 4500 مهما تدوس والعربيه بقى اخرها 170 بس برده تحس انا العربيه عزمها بقى اقوى بكتير فى طلعتها وسحبهااا العفشه مسكت نفسهاااا كلمتهم على موضوع المساعدين الى ورا ادولى نمرة صابر بتاع قطع الغيار وقالى اتابع معاه ياريت حد يدفيدنى لو غيرهم حصل ايه بالظبط انا مش عايزهم يمطوحوونى بس الخلاصه انا الحمدلله زاد ثقتى فى العربيه اوى وده اهم حاااجه وشكرااااااا
مبررروك على الصيانة و عقبال صيانة المليون كم
بس انت غلط غلط غير عادى ... العربية دى ميطحتلهاش زيت 5000 لان ده زيت معدنى بلزوجه عاليه للمواتير القديمة نسبيا مش موتور ماشاء الله زيرو و حامى كان لازم تحط زيت تخليقى الى هو شيل الترا 10.000 و ده الانسب و الافضل ليها و علشان كمان تحافظ على الموتور و تاخد منه احلى و افضل اداء صيف و شتاء عن تجربه شخصيه ,,, بس العيب على المهندس الحمار الى مش فارق معاه ان العربية تعمر مع العميل و يكون مبسوط من ادائها .... بس عاوزك تحكى ايه قصة المساعدين دى بالتفصيل الممل و ايه حصل معاك فى غبور علشنها و قلولك ايه ؟؟؟
و مره تانية مبروك و عقبال صيانة ال 10000000
الف مبروك ياباشا على الصيانه وعقبال صيانة ال100 الف
للاسف نفس الحركة بتتكرر فى موضوع المساعدين وانا واخد رقم صابر ده من شهر 7 وكل كام يوم اكلمو يقولى لسه والله اصلها اتاخرت اصلها على الخميس الجى
حاجه اخر قرف وشكلى كده هعمل شكوى قريبا فى جهاز حماية المستهلك
الله يخربيتك يا غبور الزفت
انا في صيانه الالف و 5000 الاف بحط زيت5000 شل مفيش مشكله وبلنسبه للمساعدين شال صدادات المساعدين وحط حتيتين كاوتش للمساعدين وبصراحه صوت التزييق راح وبطلت تتنطط من ورا
طب مابالنسبة للمساعدين لو ده حلو ليه مش بيعملو مع الناس كلها
انا كل مرة يقولو لسه مجتش والعربية بتخرج زى مهى
والتنطيط عندى مش جامد يعنى عشان انا كمان مركب جنط 16 بس المشكلة لما بركب 2 او اكتر ورا العربية بتقلب مرجيحه لما بجرى فى طرق زى الدائرى ومطبات الهوا
بالنسبة للزيت لو انت ناوى تكمل مع شل يبقى عادى 5 او 10 الاف ونصيحة اعمل حساب الزحمة ونزلو بالكتير على 4 الاف كيلو
ولو ناوى تغير يبقى انصحك بفالفولين هيحسسك بفرق تانى وهتستمر عليه
انا سالتهم على فالفولين قالى مفيش غير شيل لو عايز اغير فالفو لين اخده معايه يعنى ولا يبقى ازاى بالنسبه للمساعدين عندى مفيش تزييق بس فى مطبات الهوا وحشه شويه بس الغريب انه مش دايما وطبعا لما بركب حد ورا بتوطى فنا بصراحه محتاج بجد اغيرهم للهارد اديشن زى مقالولى اصل الى نازل فيها سوفت اديشن هو مش عيب بس مش مناسب الطرق عندنا وقالى خد رقم صابر بتاع قطع الغيار وتابعه ولما قلتله اقدم طيب طلب ولا حاجه ويبقى معايه ورقه قالى لا كله كده انا بس مختصر عليك بدل متكلمنا واحنا نكلمه كلمه على طول ولما يجم تعالى ركبهم فى الضمان وربنا يسهل بس محدش فهمنى موضوع الاربى ام ده يا جمااعه ؟؟؟؟؟؟
الف مبروك على العربية ربنا يديك خيرها ويكفيك شرها
شوف بقي انا عايز منك تعمل تقرير بجد
يعني تاخد الكلام اللي في راس الموضوع بتاع المواصفات ومعاه الصور اللي من على النت وراه
وبعيدن انطباعك عن العربية بعد الاستلام والتجربة وانت عامل الف كم اهو
وصورها اللي انت مصورها بايدك
خلص
واديني لينك الموضوع انزلوهلك في مواقع الاخبار
حابب انوه انك عملت حاجة متازة انك رفعت كل الصور عليها لوجو نال موتورز
حابب اقول لكل الاعضاء يا ريت دايما ترفعو الصور على موقع الرفع بتاعنا عشان بيتحط علية العلامة المائية
عشان المنتديات والمواقع التانية شغالة سرقة في موضوعاتنا
تحياتي
ايوة موضوع جديد
ايوة ياباشا فالفولين ليه طريقتين
الاولى انك تكلمهم على الرقم ده 19728 وتطلب الزيت وهيجبهولك دليفرى مجانا لحد البيت وابقى خده معاك فى الصيانه وقولهم حطو الزيت ده
التانية انك تعمل الصيانه بدون غيار زيت واطلب فالفولين وقلهم انك عايز عربية غيار الزيت وهيبعتوهالك مكان ما انت عاوز يغيرولك الزيت ومجانا بردو
العربيه دى ما شاء الله طلقه بجد سحب خراافى ممتعه جداااااا والله الحمدلله