الموضوع: رينو سانديرو هاتشباك..استفسار

احنا لسة جايبين المانيوال تانى فئة ام ٧٦ ، مالاوتوماتيك اعتقد ب ٨٥ مش ب ٨٣ ، عموماً هى العربية باختصار مزايا انها عالية وعفشتها بتشيل وتستحمل ، وتكييفها كويس وصالونها مستريح مش ضيق ومش واسع برضه طبعاً
بالنسبة للمانيوال الموتور بناعها مضايقنى ومش بيجمع بسرعة ، يعنى النوبيرا بتجمع احسن ، بس هو عزمه كويس على كل الغيارات ، موتور الاوتوماتيك انت عارف انه مختلف واتصور انه هيبقا احسن ان شاء الله
عيوب العربية هى انها مش ثابتة او فى مطبات الهوا بتلاقى العربية بتتنطط عشان ناشفة وعالية ، اما فى الملفات ثباتها كويس يفكرك ان اصلها اوربى برضه ، العيب التانى ان عزل الصوت فى الضياع لو الموضوع ده بيفرق معاك يعنى مثلاً بتحس ان الكلاكس جوا العربية مش برة :) ، عموماً هى عيوبها كلها سطحية وشكلية يعنى ترتيب الازرار بتاع الازاز والكلاكس والمرايا ، مراية الجنب كبيرة بالطول وقصيرة بالعرض فحلو لما تكون بتركن بتبقا شايف الرصيف والارض كويس بس فى الشارع بقا بيبقا فيها منطقة عامية كبيرة فى جنب العربية ، اعتقد مافيش عيوب تانى ، بالمناسبة استهلاك البنزين فيها كويس ، على الاقل مثلاً احسن من النوبيرا ، وتكييفها تلاجة بجد برغم ان السربنتينة شكها صغير كدة بس بيبرد حلو وبسرعة

انا لو هروح اشترى ممكن اجيبها تانى بس كنت هجيب الاوتوماتيك مش المانيوال

الف شكر على اهتمامك يا باشا, الاتو من التوكيل ب83 و نص بس الاستلام في خلال 3 شهور

كلامك فدني في شوية حاجات, بس هو اكتر حاجه مقلقاني هو ثبات العربية..فهي ثابته معاك يعني او مقبوله ولا في الضياع خالص !!

و الف شكر على ردك :)

و عليكم السلام و رحمه الله و بركاته

الف شكر على ردك يا باشا, و التوبيك بتاعك فتح نفسي من ناحية العربية بصراحه تقرير جميل جدا و ربنا يخليهالك و يباركلك فيها ان شاء الله..يعني حضرتك مقابلتش معاها اي مشكله و الثبات بتاع العربية زي ما حضرتك كاتب كويس و مفيهوش مشاكل!!

الواحد يشتري يعني على بركه الله :d!

الله يبارك فيك و كلامك ده شجع الواحد ربنا يخليك

اه بس عشان الستيبواي..و الف شكر مره تانيه :)

المشاركة الأصلية كتبت بواسطة omar hammad

الف شكر على اهتمامك يا باشا, الاتو من التوكيل ب83 و نص بس الاستلام في خلال 3 شهور

كلامك فدني في شوية حاجات, بس هو اكتر حاجه مقلقاني هو ثبات العربية..فهي ثابته معاك يعني او مقبوله ولا في الضياع خالص !!

و الف شكر على ردك :)

الثبات فى الملفات كويس مش وحش طالما الطريق نضيف بتلاقى الملف مقفول مظبوط مش بيفتح معاك وبتلم العربية بسلاسة ، بس لما بيبقا فيه حفر كتير ومطبات هوا عالى وواطى بتلاقى العربية بتتنطط زيادة عن اللزوم شوية فبتضطر تهدى شويتين حتى لو ماشى طوالى

المشاركة الأصلية كتبت بواسطة omar hammad

الله يبارك فيك و كلامك ده شجع الواحد ربنا يخليك

اه بس عشان الستيبواي..و الف شكر مره تانيه :)

الستيب واى هى هى هاتشباك برضه بس مختلفة فى العتب والنواكل وفوانيش مظللة وروف راك وحاجات شكلية خلت شكلها من برا أحلى
السيدان بتاعت السانديرو هى اللوجان :)